SAN JUAN 6:20 - Mixtec Southern Puebla

²⁰ Dandu nì cachi‑yà xì‑né: ―Yùhù nduí; màsà yúhî‑nsià.

SAN JUAN 6:20 ပူးပေါင်းရင်းမြစ်များ

SAN MARCOS 16:6

Doco nì càhàn nècuàchì iá yucán, cachí‑nè xì nècuàchìmà: ―Màsà yúhî‑nsià; Jesús de Nazaret nandúcú‑nsiâ, divi ana nì xìhì nchìca cruz. Doco cunaha‑nsiá, sànì natiacu‑yà. Còò cá‑yà yohó. Cundehè‑nsiá lugar ndé nì sanduhù‑yá.

SAN MARCOS 6:50

Vàchi nsidaa‑né, nì xini‑nèyà, te nì ndulocó‑nè, yúhî cuàhà‑né. Doco nì càhàn‑yà xì‑né, cachí‑yà: ―Nacuàhandee inì‑nsia, vàchi yùhù nduí; màsà yúhî‑nsià.

SAN JUAN 6:19

Te na sácuàhàn‑nè ini lancha mà nahi ùhùn ò ìñù kilómetro, dandu nì xini‑nè jaàn vàxi‑ya, xicándódo‑yá nùù tècuìí, te sà‑ìtúú‑yá quesaa‑yà ndé cuàhàn lancha. Doco mii‑né, nì yùhí‑nè.

SAN JUAN 6:21

Ñàyùcàndùá, nì dàyáha‑neyà ini lancha, cudíì ini‑nè. Te vichi vichi na iin cachí sànì sàà lancha mà dècuèndè ñuu ndé nchícùn‑nè cuàhàn‑nè.