HECHOS 21:1 - Mixtec Southern Puebla

¹ Nì nsihi nì ndaquìndèè‑nsí xì nèhivì yucán, dandu nì quihin barcu mà ichì cuàhàn‑nu. Primeru nì yàha ndaà‑nu ndè ñuu Cos. Dandu inga quìvì nì sàà‑nsì ñuu Rodas, te después nì sàà‑nsì ñuu Pátara.

HECHOS 21:1 ပူးပေါင်းရင်းမြစ်များ

SAN LUCAS 5:4

Daaní, nì nsihi nì dàcuàhá‑yánè, dandu nì cachi‑yà xì Simón: ―Vichi dacaca‑ní lancha xi‑ní dècuèndè ndé chicá cunú ñuhú tècuìí, te danuú‑nsiá ñunù xí‑nsiá, te tnii‑nsia siaca.

SAN LUCAS 8:22

Iin quìvì nì nana‑ya ini iin lancha, mii‑yá xì nècuàchì dacuahá‑yá, te nì cachi‑yà xì‑né: ―Cúhùn‑ndà yàha‑nda inga ladu mar. Ñàyùcàndùá, nì quihin lancha mà ichì cuàhàn‑nu.

HECHOS 27:2

Te nìsa ìa stná iin tiàa nani Aristarco cutnahá stná xì‑nsí cùhùn. Iin nècuàchì ladu Macedonia nduú‑né, te meru ñuu‑nè nduú ñuu Tesalónica. Ñàyùcàndùá, nì nana nsidaa‑nsí iin barcu nì quixi ñuu Adramitio, vàchi sàdaaní cuàhàn‑nu quihin‑nù ichì nùhù‑nu, te icúmí‑nû yàha‑nù ladu Asia. Dandu nì dìtá‑nu nì quihin‑nù ichì cuàhàn‑nu xi‑nsí.

HECHOS 27:4

Dandu nì dìtá tu barcu mà ichì cuàhàn‑nu, te nì yàha‑nsi iin ñuu cahnú nani Chipre indúhu mahì mar. Ladu ndé có‑dûcùn guá tàchì nì yàha‑nsi, vàchi ladu nùù‑xí caná tàchì mà.

1 TESALONICENSES 2:17

Nsiùhù, yáha ga cuní‑nsì sàà‑nsì nàcòtò‑nsì mii‑nsiá, ñánì. Ndahví‑nsì, vàchi xica ndoó‑nsiá, doco siempre nsinúú ini‑nsì mii‑nsiá, mate có‑xìní stnaha‑nda iin ùì quìvì.