HEBREOS 5:6 - Mixtec Southern Puebla

⁶ Te divi ducán nì cachi stná‑yà inga xaan xí tutu ìì mà: Nicanicuahàn cucumi‑ní chuun cunduu‑ní nahi dùtù, nacua iá chuun xi (dùtù sànaha nani) Melquisedec, nì cachi Dios.

HEBREOS 5:6 ပူးပေါင်းရင်းမြစ်များ

HEBREOS 5:10

Vàchi sànì cachi Yuamánì‑yá ñà‑mii‑yá cunduu‑ya dùtù chicá ndiaá, te quida‑ya chuun xi dùtù na ian nìsa quida Melquisedec mà (sànaha).

HEBREOS 7:11

(Ináhá‑ndá), nì nìhì nècuàchì raza‑ndà ley ìì xí Dios sàhà ndahà dùtù descendencia xi Leví. Te tnaha Aarón nì sanduu stná nsidaa dùtù mà. Doco siempre cumánì gá quee viì chuun nìsa quida‑ne, ñàyùcàndùá nì ndecunu inga dùtù, (divi nduú mii‑yá). Doco có‑quìdá‑yá na ian nìsa quida Aarón sànaha; còó. Na ian nìsa quida Melquisedec, ducán quidá‑ya.

HEBREOS 7:15

Ñàyùcàndùá, náhà chicá claru (ñà‑ndáà nduá cachíˋ xì‑nsiá), vàchi vichi sànì ndecunu inga dùtù, te (nicanicuahàn) quidá‑yá chuun ìì mà nùù Dios nacua nìsa quida dùtù Melquisedec sànaha.

HEBREOS 7:17

Vàchi ducán nì cachi Yua‑nda Dios xì Jesús: Nicanicuahàn cucumi‑ní chuun xi dùtù nacua nduú chuun nìsa quida Melquisedec.

HEBREOS 7:21

Doco dùtù (descendencia xi Leví mà), còó, cónì cáhàn‑yà ducán na ní sàha‑yanè chuun yucán. Cuisì Jesús nduú ana nì nìhìtáhvì nì càhàn xì Dios ducán, te dohó nì cachi‑yà: Yùhù nduí Stohò‑ní Señor, te chináhî mií, (seguru cundua), mà dáma inì: nicanicuahàn cucumi‑ní chuun xi dùtù nahi chuun nìsa quida Melquisedec.

HEBREOS 7:3

Te cunaha‑nsiá, còò (ndé nacání sàhà) yuadíhí‑nê, ni (sàhà) yohòtéhè‑né, ni nansa nì tùinuù‑né, ni nansa nì xìhì‑nè; ñàyùcàndùá, ducán queámà na ian nicanicuahàn quidá‑né chuun xi dùtù nacua quidá Dèhemanì Dios.

HEBREOS 7:8

Te dùtù xínduu descendencia xi Leví, nèhivì ùún nduú‑né, mà cútiácú‑nè nicanicuahàn, doco tavá‑né diezmu vichi. Doco tucu iá ñà‑ndùá cachí (tutu ìì) sàhà Melquisedec, vàchi ducán cáhàn mà sàhà‑né (na ian) itiácú ìì‑né.