APOCALIPSIS 20:11 - Mixtec Southern Puebla

¹¹ Daaní, nì xinì iin silla cahnú. Ndiaha gá‑nu, te cuxín yaa‑nù, te yucán iá‑yà nùù‑nú. Te (nì xinì) nì ndañuhu ansivi xì ñuhìví, còò gá ñà‑jaàn nùù‑yá, ni còò cá stná ni‑iin lugar ndé coa.

APOCALIPSIS 20:11 ပူးပေါင်းရင်းမြစ်များ

SAN MATEO 11:22

Doco yùhù cachíˋ xì‑nsiá, chicá iyuhu castigu icúmí nìhì nèhivì ñuu Tiro mà xì nèhivì ñuu Sidón mà na sáà quìvì juiciu, te chicá fuerte coo castigu xi ñuu Corazín xi ñuu Betsaida.

SAN MATEO 24:35

Cunaha‑nsiá, icúmí sàà ansivi xi ñuhìví ndañuhá, doco palabra nì cachi yùhù, còó, mà nunca sàà ndañuhá.

SAN MATEO 25:31

’Ndiaha gá coo quìvì naxicocuíìn yùhù ana nduú Tnaha Nèhivì Ñuhìví. Quìvì naxicocuíìn icúmî cutnahá stnáì xì nsidaa ángel ìì xí quixi. Dandu nàcòi nùù silla ndiaha xí (ndé cùsáhnuî),

ROMANOS 2:5

Doco (mii‑ní, còó), ndee gá inì‑ní, có‑cùù‑ní arrepentir, ñàyùcàndùá cáyà, te cáyà castigu nìhì‑ní quìvì juiciu, dandu quìvì mà icúmí nèhivì cundaà ini‑nè cuisì nsidándáà Dios nacua ndiá ìcà‑yá quida‑ya,

2 PEDRO 3:7

Doco ansivi xi ñuhìví iá vichi, sàhà divi palabra nì cachi‑yà antes mà iá stná orden xi‑ya ñà‑ìcúmíâ coco nsiha, cuisì ndiatú‑yá ndè cachi sàà quìvì ndundaà sàhà cuàchi nèhivì malu, dandu coco ñuhìví, te ndañuhu stná nsidaa nècuàchì malu mà.

APOCALIPSIS 12:8

Doco cónì cúndéé‑sî. Ñàyùcàndùá, nì taxi‑nési ansivi, vàchi còò gá permisu cundoo gà‑si yucán (ndé iá Dios). Nì dàndiàchì‑yási nùù ñuhìví yohó, mii‑sí, xì nsidaa ana nchícùn xì‑sí. Vàchi quisì (cusahnuma), divi còò iá ndè sànaha nduú‑si; ñà‑malu nduú‑si, te Satanás nani stná‑si, te divi‑sì nduú ana dandahví xì nèhivì inicutu ñuhìví.

APOCALIPSIS 16:20

Dandu nsidaa yucù iá ñuhìví, nì ndèa ini ñuhù, te nì ndèe stná ñuu iá mahì mar.

APOCALIPSIS 19:11

Daaní, nì xinì nì nuna ansivi, te nì quecunu iin idu cuxín yaa, te indánuú mii‑yá, divi mii‑yá nani Quidá ndise cumplir, te nani stná‑yà Ma túhe dandahví. Mii‑yá, de por sí, quidá víi‑yá na nsidándáà‑yà sàhà cuàchi, te quidá víi stná‑yà na sáhàn‑yà guerra nàá‑yà xì ana xiní ùhì xì‑yá.

APOCALIPSIS 20:2

Te nì tnii‑ne quisì cuahá nahi còò cahnú, nì chicuhni‑nèsi nì chinacaa‑nèsi ini yavi cunú mà, te nì sàcùndiadi vàha‑sì ñà‑màsà quéé gà‑si dècuèndè nsihi iin mil cuìà ñà‑màsà dándáhvî gà‑si nèhivì ñuhìví. Vàchi còò mà nduú quisì xicánúú ñuhìví ndè sànaha, divi ñà‑malu nduú‑si, te Satanás nani stná‑si. Pues yucán nì sàcùndiadì‑si, doco nú sànì nsihi mil cuìà mà, dandu icúmí‑sî dàñà‑sí iin ratu tii.

APOCALIPSIS 21:1

Daaní, yùhù Juan, nì xinì nì sàcòo ansivi saa xì ñuhìví saa, vàchi ansivi nuu xì ñuhìví nuu, sànì yàha, te vichi còò gá ni‑iin mar. Te nì xini stnáì ñuu ìì nani Jerusalén Saa, ndè nùù Dios ansivi nì quea mànua. Ndiaha gá iáˋ, vàchi sànì nducutá na iin novia cuàhàn nandàhà xì noviu.

APOCALIPSIS 21:5

Dandu mii‑yá iá dìquì silla ndiaha cahnú, nì cachi‑yà: ―Cunaha‑nsiá, cuàhìn quidayucun saí nsidanicuú iñàha. Te nì cachi stná‑yà xìˊ: ―Tiaa‑ní palabra yohó, vàchi palabra ndisa nduá, mà dándáhvîà ndohó.

APOCALIPSIS 4:2

Dandu vichi vichi ducán nì sàcòi na ian sánîˋ nì quida ndudu ìì xí Espíritu xi Dios. Te nì xinì yucán ndè gloria iín iin silla ndiaha ndé iá mii‑yá.

APOCALIPSIS 6:14

Te nì ndañuhu ansivi nì natuìá na ian natúi iin tutu caní, te nsidaa yucù iá ñuhù íchî, xì nsidaa stná ñuu iá mahì mar, nì ndutá.