APOCALIPSIS 18:21 - Mixtec Southern Puebla

²¹ Daaní, nì (ndecunu) iin ángel fuerte, nì ndanihi‑ne iin yùù cahnú nahi yùù yódò xí molinu, te nì dàndiàchì‑néà mahì mar, te nì cachi‑nè: ―Cunaha‑nsiá, ducán icúmí cuu stná xì ñuu cahnú Babilonia mà, icúmíâ ndañuhu dahuan, te mà nunca gà sàà ndecunua.

APOCALIPSIS 18:21 ပူးပေါင်းရင်းမြစ်များ

APOCALIPSIS 10:1

Daaní, nì xinì vàxi inga ángel fuerte, mànuu‑ne dècuèndè ansivi vàxi‑ne. Ídùcún‑né iin vìcò, te ñuhú dìnì‑né iin sìcòyàhnchì. Nchií nùù‑né na ian nchií orá, te tnúù sàhà‑né nahi ñuhu.

APOCALIPSIS 12:8

Doco cónì cúndéé‑sî. Ñàyùcàndùá, nì taxi‑nési ansivi, vàchi còò gá permisu cundoo gà‑si yucán (ndé iá Dios). Nì dàndiàchì‑yási nùù ñuhìví yohó, mii‑sí, xì nsidaa ana nchícùn xì‑sí. Vàchi quisì (cusahnuma), divi còò iá ndè sànaha nduú‑si; ñà‑malu nduú‑si, te Satanás nani stná‑si, te divi‑sì nduú ana dandahví xì nèhivì inicutu ñuhìví.

APOCALIPSIS 16:20

Dandu nsidaa yucù iá ñuhìví, nì ndèa ini ñuhù, te nì ndèe stná ñuu iá mahì mar.

APOCALIPSIS 18:10

Ñàyùcàndùá, xica itá‑te ñà‑yúhî‑te nìhì stná‑te castigu, te cachí‑te: ―¡Ndahví nècuàchì ñuu cahnú Babilonia yucán! ¡Ndahví‑nè! Vàchi mate ñuu fuerte nì sandua, doco tìxi imindaa hora nì ndañuhu dahuan nì quida Dios.

APOCALIPSIS 18:22

Mà nunca tiacu gà cundáá yutnù cuerda ñuu mà, ni stná pitu, ni mà síví gà stná ni‑iñàha cundáá, vàchi mà cóó gá ni‑iin músico yucán, ni mà cóó gá ni‑iin tiàa quida‑xi oficiu xi‑tè, ni mà tiácú gà stná nchicó ni‑iin nècuàchì (ñahà).

APOCALIPSIS 20:11

Daaní, nì xinì iin silla cahnú. Ndiaha gá‑nu, te cuxín yaa‑nù, te yucán iá‑yà nùù‑nú. Te (nì xinì) nì ndañuhu ansivi xì ñuhìví, còò gá ñà‑jaàn nùù‑yá, ni còò cá stná ni‑iin lugar ndé coa.

APOCALIPSIS 5:2

Daaní, nì xinì yucán iín iin ángel ndacuì, ndáhì fuerte‑nè, ndácàtnùhù‑né, cachí‑nè: ―¿Ana nátùi cunduu ana cui nacanì xì ñà‑nùhní tutu yohó, te nuna‑ña?