TITUS 3:9 - ANU LUGOD N. T. (BSI)

⁹ Cmpige:la okolok aima:pc svgka:mvnsu:nam agomkvdv:dcm mcpaklangka, ope:ncgvng agomc, agom lukermvnsunam, lujvglurodok agomlo pamvnsunamc, kapcnc cdcbulu la:bkama:nc odokkc okopcsin aima:nc.

TITUS 3:9 ပူးပေါင်းရင်းမြစ်များ

2 TIMOTI 2:14

Scmbulum bulum mc:pa:motokuka, odokkc Ru:tumkc kcra:lo sanggabla lutoka gomug luker-luyermvnsunammcm mcdopc, okodc atv aincmsin ima:ji, cmpige:la tadncdcm momvgdag.

2 TIMOTI 2:23

Okkomsin kinma:nc kvdv:dokki okkomsin ipcnammc kamang, arvsu:ma:nc luka:mvnsunamkvdv:dcm; no kindag jc cdcbulu pamvnsunam kvdv:dcm lenmodag.

1 TIMOTI: 4:7

Dormo kama:nc odokkc lekekc atvma:nc do:yvng kvdv:dokki okkomsin ipcnammag.

2 TIMOTI 2:16

Cdcmpinc sel-belainc agom luke:nc tani:kvdv:dcm mcpaklangka, kapila:nc cdc tani:kvdv:dcm bojc bojcya:pc dormo kama:lo:pc gvbodag,

TITUS 1:14

Jiwukvdv:dok leke do:yvng kvdv:dok agom tadnamdcmyam cdcmmanggom tani:kvdv:dok lulvgkvdv:dcm sc:kobulu arodcm lupakdagji.

1 KORINTIANG KVDVNG 8:1

Su:pak donamcm moimang kumkolo ilvgnamdcmbulum: ngolu kindo jc “Ngolu appvngc kinnam agomcm kindo.” “Kinnamc” da:li:pimpudcmpc go:sa:modag, cmpige:la aipc mc:namc mosa:do.

1 KORINTIANG KVDVNG 13:2

Odokkc ngokkc lungor lunanc ilang gvlangc jodi dung, odokkc appvng kinnam agom kinyc, odokkc ngokkc appvng mc:jvgc dung, adi: kvdv:dcm ncrpakla:namc, cmpige:la ayang ka:ma:mvlo, ngo okosinmang.

JAKOB 4:1

Okko mimagcm molenmodang, odokkc noluk ara:lo okko pamvnsunamcm lenmodang? Cdc noluk asinkvdv:dok mc:ru-mc:mangkokkima:lang cdc mimag mola du:nc noluk adinamvr kvdv:do?