TITUS 3:2 - ANU LUGOD N. T. (BSI)

² pamvnsunamcm mcpakdopc, asin aiyo:dopc, odokkc appvng tani:ycm inam-sa:nam pv:namrungko lcngkandopc.

TITUS 3:2 ပူးပေါင်းရင်းမြစ်များ

IPESIANG KVDVNG 4:31

Appvng koncasin gcnam odokkc ku:bclang aglvngc odokkc jc:tak kutagclang agom tadnyi:pc lunamc nolukkolo du:ma:pcka, appvng ncka:mvnsunamki odokkc.

IPESIANG KVDVNG 4:2

appvng adji:sula du:namki odokkc asin ansv:la, mentumsunamki, aipc mc:la akoncm akonc mc:yinmvnsula,

1 TIMOTI: 3:3

amin gvnc, mibobolv:nc, agom kinnc poyirncko, apong tvngvrsugo:ma:nc, momvnsugo:ma:pc cmpige:la asin ansv:ncpc, pamvnsugo:ma:ncpc odokkc murkongcm mc:boma:nckopc.

1 PITOR 3:10

Kapcnc, “Sc:kobv turnamcm aipc mc:ycnc odokkc ainc longckvdv:dcm ka:begyc, bvm ayodcm aima:nc agerlokkcm odokkc bvk nabber kvdvngcm luyatla lunamlokkcm la:paktoka.

1 PITOR 3:8

Adtcrso, nolu appvngc, yalo atcrongkopc ilangka, aya:sitapc mc:mvnsunamlo, bvrokvdv:dcm aipc mc:namlo, rcmakpc asin gcnamlo odokkc asinc rcmago:la ila.

JAKOB 4:11

Akonc akoncm aima:nc agomcm luka:mvnsuyoka, bvrokvdvnga. Bvrrang akoncm aima:pc luka:mvnsunamdc cdcmanggom bvk bvrodc kcbangcm ba:yc, lujvg lurodok birudi:pc ludo odokkc lujvg lurodcm kcbangcm ba:do. Cmpige:la nolu jodi lujvglurodcm kcbangcm ba:do, nolu lujvglurodok lukampc agercm gerncmang cmpige:la kcbang ba:nckodan.

GALATIANG KVDVNG 5:22

Cmpige:la Yalodok apva:yckvdv:dc aipc mc:namc, mcnganc, mentumsula du:namc, ayangabonammc,

METIU 11:29

Ngok jungoli:ycm nolu tulvgsutok, odokkc ngokkolokkcm luyir-poyirnammcm torvgsutok; kapila:nc ngo ainc odokkc asinc rcmagnc tani:yc, odokkc noluk yalokvdv:dok lcga:pc du:rasukkom pa:ycpc.

1 PITOR 2:1

Cdcmpidag appvng ka:ru-ka:mangnammcm mc:pagamtoka odokkc yadgo:pagongcm odokkc mc:jubmcngkabma:nc asincm odokkc Ka:ruka:mangcm odokkc appvng lume:pc lujcmnam lunamcm.

JAKOB 3:17

Cmpige:la tayc:tokkc gvinc kinnam agomdo lenpo:danna narcngtong cmdag, odokkc mcnganbola:dag, mc:jubmcngkabdag, lugab agom lcgangc tadmvnsudag, mc:yinsunamc bi:danna odokkc ainc apva:ycbulu du:dag. Mc:momc:ya kama:ncpc ila cdcmanggom mc:jupmcngkap kama:ncpc ima:pc.

GALATIANG KVDVNG 6:10

Cdcmpidag cdcmpcmvlo, ngolukkc aipc gerpo dung, kajc ngolu appvng tani:lo:pc aincm gerrai, odokkc ncrkvgpc cdc sc:kobulu mcjvgnamlok crangkvdv:do:pc gvlai.

GALATIANG KVDVNG 6:1

Bvrokvdvnga, tani: akonc jodi atv imurko iyc, nolu sc:kobulu yalodokki du:nc ainc asin gcla inamkokki yalokokki bvm motupa:do. Nolu avycm avyc ka:sutoka, ckvma:mvlo nolusin ankang ka:nampc iyc.

1 TIMOTI: 3:11

Nc:ngkvdv:dc cdcmv:pc kvnggv:pc asinc mc:dappa:ru:yc, lume:pc lujvggo:ncmang, cmpige:la ru:la dolang, appvng atv agerlo.

1 TISSALONIANG 2:7

Cmpige:la ngolu asin ansv:dagai noluk ara:lo, ka:sv:mosv:nc nc:ngc bvk ommangcm mosv:nammcmpc.

PILIPIANG KVDVNG 4:5

Appvng tani:ycm kinmotoka noluk mentumsula du:namdcm.

1 KORINTIANG KVDVNG 9:19

Kapila:nc ngo appv:tani:lokkc mopvtdaggom, ngo avyc appvngkcpc pagbopc isuto jc ngo bojcyangko mopvla:dopc cmna.

2 KORINTIANGKVDVNG 12:20

Kapila:nc ngo pcsopc mc:dag jc kapcji ila ngo okodcm mc:ma:ji cdcm nolum pa:ycpc, odokkc nolujen ngomjen pa:ycpc nolu okodcm mc:ma:ji; jc kapcji ila pamvnsunamc lenycpc, ka:lv:ma:namc, aglvngc avyongkcpc mc:namc, lume:pc aima:p lunamc, luman manna lunam agomc, ngo:na cmna lusunammc; odokkc u:jeru:yerra du:namc.

2 KORINTIANGKVDVNG 10:1

Ngo Poulbv, avyc nolum kumna:sola: ludung jc, Kristokc ansv:nc asinkokki odokkc aipc mc:jong gvjongkokki–ngo sc:kobv asinc ansv:do cdvlo ka:rvgmvnsudanna noluklcdulo, cmpige:la nolukkolo bottcpc lusula:do cdvlo ngo gerdoji!

AGER KVDVNG 23:5

Odokkc Poulbv luto, “Bvrrangkvdvnga bv:jc kumnam ager gernclok bottarya:ncdc, cmna kinma:nci; kapila:nc cdcm adtak, ‘no nok tani:kvdv:dok migom donc tani:ycm aima:pc luyoka.’ ”

JU:D 1:10

Cmpige:la sc tani:kvdv:sc ge:dag aima:pc lugc gcdag okodcmci bulu mc:ngkinma:ji, odokkc cdc attardokki jc bulu kindag aginpc mcngkampc mc:nam gvnamki kapc okkomsin kinma:nc simvnkvdv:dc idagji, bulu mokkeyamkosudag.

JU:D 1:8

Ckvdaggom cdc ikamgvkamv:pc cdc tani:kvdv:dc buluk ma:nying mangkolo adin amvrdcm narc:ma:pc imodag, lulvglunc migom amidcm tadka:ma:pc lugc gcdag, odokkc aipc amin gvnckvdv:dcm aima:pc lugcdag.

2 PITOR 2:10

odokkc ncrkvgpc cd sc:kobulu mc:bo ka:bonammcm mc:la mcnggomola narc:ma:pc imodagji odokkc ka:sv:mosv:ncm agom lukamcm tadmang.

1 PITOR 4:4

Bulu mcngabla:mang jc nolu su:pak bulum jonsuma:bong cdc c:mo:pinc aisi:ma:pc igong-gvgongdcm imvnmang odokkc bulu nolum aimang cmna ge:la ludag;

1 KORINTIANG KVDVNG 6:10

cdcmanggom dopsongkvdv:dcm, cdcmanggom dorvkvdv:dcm, cdcmanggom rotkudnc kvdv:dc Ru:ncpvnckc migom doko mo:pvdok du:sonsukuncpc ima:yc. Odokkc noluk akke cdcmpinnckkai.