TITUS 2:7 - ANU LUGOD N. T. (BSI)

⁷ Avyc lcngkansutoka appvng agerlo ainc ager gernc akoncmpc ila, odokkc nok poyirkolo angu anguma:namcm lcngkanna, kvnggv:namcm,

TITUS 2:7 ပူးပေါင်းရင်းမြစ်များ

1 PITOR 5:3

anyi:sunam arcpa:nam lcga:mang cmpige:la airu:pc ilvng gvlv:la, ru:tumpc ila cdc nok ka:pcnam kvdv:dok tayc:do cmpige:la kcrc:dok gvgcnc akopc ila:pak.

1 TIMOTI: 4:12

Nok ya:me sv:sangcm sc:komsin lupak-luyakkosuyok, cmpige:la mc:jvgnc kvdv:dcm agom lunamko odokkc du:nam-dagnamlok kanggotpc imotoka, aipc mc:namlo, mc:jvglo, angunno.

PILIPIANG KVDVNG 1:10

Odomvlo jen nolu okodc appvngcm aiya:dagji aidag cmna luycpc, odokkc Kristokc longcdok lcgangc angunna odokkc aimang cmna lukosuma:pc du:ycpc.

2 KORINTIANGKVDVNG 4:2

Ngolu anyv:pcnam, lc:sila gernam lambckvdv:dcm mcpagamtobong; ngolu Ru:ncpvnkc agomlo aima:n agercm cdcmanggom lutcmlubangcm luge:ma:bong cmto cmpige:la aropc lunam mo:rong agomdokki ngolu av avyc appvng tani:lok mc:nam sagnamcm aidag cmna Ru:ncpvnckc kangkolo luyc.

2 KORINTIANGKVDVNG 1:12

Kapila:nc ngoluk lubosula lusunamdc scmpc, ngoluk mc:namsagnamdok lukanbinamdc jc mo:pvso ilang gvla lcngkanto, odokkc nolum odokkcsin bojcyangko, angun ngunnamki odokkc Ru:nckc dormo kancpc asin ansvngki, mo:pvsok kinnam pa:namkimang cmpige:la Ru:ncpvnckc ayangkokki.

2 TISSALONIANG 3:9

Cdc ngolukkcjc: panggot kamangai cdcmpcmang, cmpige:la nolum ngoluk inam gvnamlo lcngkanko bipc imvngvmv nycpc cmnna:mvn.

IPESIANG KVDVNG 6:24

Ayangc appvngkolo dungka:langka sc:kobulu cdvlosin yogma:nc aipcmc:namki ngoluk Ru:ncpvncmc aipc mc:dagji.

2 KORINTIANGKVDVNG 2:17

Kapila:nc ngolu, bojcrungkcmpc, Ru:ncpvnckc agomcm tvryot tvrmatmoncpc imang; cmpige:la mc:jupmcngkappcnc tani:ycmpc innc, Ru:ncpvnckc togc:lvgnamcmpc innc, Ru:ncpvnckc kangkolo ngolu Kristokokki agom ludo.

2 KORINTIANGKVDVNG 8:8

Ngo scm lulvgla lunampc lumang, cmpige:la amikc asinc kvnggv:nammcm la:lenna lcngkanpc jc noluk aipc mc:namkvdv:dc:sin arorung.

1 TIMOTI: 5:10

odokkc bv ainc ager lcgangc aipc aidag cmna lunampc ipc lagiyc, kapc akonc ommangcm usa:basa:toji, mibo-bonamcm lcngkantoji, aipc kumnc tani:kvdv:dok allcm vrbitoji, odokkc appvng agerlo aincm ipc avdc tolvgsutoji.

TITUS 3:8

Cdc lunamdc arorungc. Ngo nolum sc agomkvdv:scm mcma:pc gagla du:toka cmna asinbc mc:dag, odomvlo jen cdc sc:kobulu Ru:ncpvncmc mc:jvgdagnc ainc agercm avkvdv:dc gerpc ansuka:suycpc; cdcbulu anguru:pc aidag odok tani:kvdv:dokkcpc av kadag.