TITUS 1:16 - ANU LUGOD N. T. (BSI)

¹⁶ Bulu Ru:ncpvncmc kindag cmna lukansudag, cmpige:la bulu bvm buluk agerkvdv:dokki lupaksudag; bulum kvnggv:pc tayumpcnamc, agom lukam tadma:nc, atv ainc agerlokkcpcsin aima:nc.

TITUS 1:16 ပူးပေါင်းရင်းမြစ်များ

1 JO:N 2:4

Bv sc:kobv ludagnc “Ngo Bvm kindag” cmpige:la Bvk lulvgkvdv:dcm lukamdcmpc tadma:yc lume:luncko, odokkc arro bvkkolo kamang;

IPESIANG KVDVNG 5:6

Nolum sc:kobv:sin nolum cmmum agomkokki yadkosuyoka, kapcnc odokbuluk lcgangki jc Ru:ncpvnckc aglv:dc lunamdcm tadma:nc aowangkvdv:do:pc pvnga:dag.

JU:D 1:4

Kapcnc akke lc:sula gva:nammcm avpc pa:tobong sc:ko bojcrungko po:pcbong cdc lukenamdcm lulvgtungaji, dormokama:nc amikvdv:dc sc:kobulu ngoluk Ru:ncpvnckc aya:pc mc:namdcm aima:pc luyotla lubidagji mc:bo-ka:bogo:namlo:pc odokkc ngoluk Gvgurbonclang Ru:tum, atcrongdcm Jisu Kristomc lupakla ludagji.

ROMANKVDVNG 1:28

Odokkc Ru:ncpvncmc bulu arro cmna ka:tomang, Ru:ncpvncbv bulum mcngkinma:nam asinno:pc tolvgto odokkc aima:nc inamgvnamlo:pc.

LUNGOR LUNAM 21:27

Cmpige:la atv narc:ma:nc odopc gva:ma:yc, cdcmanggom sc:kobv tayumpcnam agercm gerdagji akoncsin cdcmanggom lume: agomcm ludagji, cmpige:la cdc sc:kobuluk amincm Awome:rdok turnckvdv:dok potindo adtu:nc cddo:bulu gva:yc.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”

1 TIMOTI: 5:8

Jodi sc:kaiyc bvk ope:ncgvngcm o:koi bisumang, odokkc anguru:pc bvk avkc cra:dcm, bv mc:jvgdcm mcpakto odokkc mc:jvgma:ncmyamsin aiya:mang.

1 TIMOTI: 1:9

cdcm mcngkinge:la, jc lujvglurodcm dormokancdok lcga:pcmang cmpige:la lujvgluro kama:ncdok lcgangc odokkc lukamdcmpc tadma:ncdok lcgangcmvn jvgtang, dormokama:nc odokkc pa:p inckvdv:dok lcgangc, angunma:nc odokkc napvnarc:ma:nc kvdv:dok lcgangc, abukvdv:dcm mokenckvdv:dok lcgangc odokkc anckvdv:dcm mokenam lcgangc, tani: pakenckvdv:dok lcgangc,

2 TIMOTI 3:17

jc Ru:ncpvnckc tani:dc pv:namkopc iycpc, aipc ainc ager lcgangc mosv:dopc.

TITUS 3:1

Bulum migom donc kvdvng odokkc kanggabdaggabnc kvdv:dok agom lulvg tadkampc du:dopc mc:pa:dopc lutoka, agom taddopc, atv mcnggcnam ager lcgangc mosv:sula du:dopc, sc:komsin aima:nc agomcm luma:dopc,

TITUS 3:3

Kapila:nc av avycsin po:pc lcko monsi-monba:dagai, agom tadmangai, gvyodla gvdungai bojcrung ilvng-sa:lv:lok mc:bo-ka:bolok pagboai, ngoluk longckvdv:dcm ncka:mvnsula odokkc ncgopogola mclvgla, tani:kvdv:dc tayumna odokkc akoncm akonc tayumla;