TITUS 1:1 - ANU LUGOD N. T. (BSI)

¹ Poulbv, ager gerya:nckon Ru:ncpvnckc odokkc Jisu Kristokc mclvgla ager gerncko, Ru:ncpvnckc balennamkvdv:dok mc:jvgdcm mc:barmopc buluk arodok kinnamdcm okodc dormo kanamki lckopc imvndagji,

TITUS 1:1 ပူးပေါင်းရင်းမြစ်များ

ROMANKVDVNG 1:1

Poulbv, Jisu Kristokc ager gerya:nc akonc, mclvgla gerdopc mclvgnampc gognamkonc.

1 TIMOTI: 6:3

Akonc jodi angupc luyiryc odokkc Ru:tum Jisu Kristokc aro agomkvdv:dok lukamdcmpc tolvgma:yc odokkc dormokanampcma:yc,

2 TIMOTI 2:25

airu:nc poyirncpc, mc:yinsuncpc, ainc agomki bvk biruddi:ncm lugabdopc lulangka. Ru:ncpvncbv kapcjila cdcm tolvgciycsong jc bulu asinc mc:dvrra mc:latsuyckupc odokkc arodcm kinkapc gva:ycpc,

2 TIMOTI 2:23

Okkomsin kinma:nc kvdv:dokki okkomsin ipcnammc kamang, arvsu:ma:nc luka:mvnsunamkvdv:dcm; no kindag jc cdcbulu pamvnsunam kvdv:dcm lenmodag.

2 PITOR 1:3

Bvk taycng among ilang gvla:dc ngolum appvng attarcm bito cdc noluk turnamdok agom katc:nc odokkc ru:nckcmpc ainc agerkanamc, Bvk kinnam agomki sc:kobv ngolum gogtoji Bvk avkc amin gvnamdo:pc odokkc anguru:pc ainamlo:pc,

1 TIMOTI: 3:16

Bottcru:pc aropakpc, ngolu lude:sudo, mcngapla:ma:nam ngoluk dormodc: Bv adin-amvrpc lcngkansuka, Yalolo imurcm la:pakka, taycng lutad lunckvdv:dc ka:to. Opvnkvdv:dok ara:la lutadcm lugo:to, mo:pvso mc:jvgto, tayc:pc amin gvla la:sa:toku.

2 PITOR 3:11

Cdcmpinamc sc appvng attarkvdv:sc cdcmpila jitpagamycnc, kapinc tani:pc nolu ipcnammcn angunna turnamlo:bulu odokkc dormokanamlo,

1 TIMOTI: 2:4

sc:kobv appvng tani:ycm moturpcnamc cmna mc:dagji odokkc arodok kinnamdo:pc gva:pc.

KOLOSIANG 2:2

jc buluk asin kvdv:dcm pvtamodopc lusv:lvgycpc kapc bulu aipc lckopc mcngka:mvnsudagji, appvng mcngkinsakkindok mitc-mircm kvdv:dcm pa:pc odokkc Ru:ncpvnckc mcngapla:ma:nam kinnam agomdcm, Kristokcm,

PILIPIANG KVDVNG 1:1

Poullang Timoti:bv, Kristo Jisukc ager gerya:nc– Kristo Jisukolo du:nc aipc kumnc tani:kvdvng sc:kobulu Pilipi:do du:nc, paduri:kvdv:dokki odokkc dormo ager igur-gvgurnc kvdv:do:pc:

2 KORINTIANGKVDVNG 1:1

Poulbv, Ru:ncpvnckc mcngkampc Kristo Jisukc mclvgla agom lunc, odokkc Timoti:bv ngoluk bvrodc, sc:kobulu Korintodo, Ru:ncpvnckc kumnc airu:nc tani: Akhaiang appv:do du:ji mondoli:kvdv:do:pc.

AGER KVDVNG 13:48

Odokkc cdvlo Ru:ncmc kinma:nc tani:kvdv:dc cdcm tattoji, bulu mc:pokang odokkc Ru:ncpvnckc agomdcm amincm gvmoto; odokkc cddv cddvkonc turyartvla turnamdokki vrnama:ji mc:jvgto.

IPESIANG KVDVNG 2:8

Kapila:nc ayangkokki nolum mc:jvgkokki mopvttak; odokkc cdc noluk avkc inamkokkimang.

1 JO:N 2:23

Sc:koi Awodcm lupakdagji Abudc bvkkolo kamang. Sc:kobv Awodcm arro cmna ludonc Abudc:sin dung.

LU:KKC 18:7

Odokkc Ru:ncpvncbv Bvk malennam kvdv:dcm, sc:kobulu Bvm longc-yumcpc kumna gognc kvdv:dcm motuma:yclang? Bv buluk lcgangc bojcpakko toya:la du:ma:yclang?

2 TIMOTI 2:10

Cdcmpidag ngo appvngcm balenna la:namkvdv:dok lcgangc mentumsula du:do jen bulusin Kristo Jisukolo turnamcm pa:ycpc odok lo:dv-longkvpc du:nc amin gvnamdokki:.

JAKOB 1:1

Jakobbv, Ru:ncpvnckclang Ru:tum Jisu Kristokc ager gerya:ncko. Vyvngkolang anyi ope: Dugpitsula du:nckvdvngdo:pc: Kumtadsudung.

LUNGOR LUNAM 1:1

Jisu Kristokc lungor lukannamdc, okodcm Ru:ncpvncbv bvm bitungaji Bvk ager gerya:nc kvdv:dcm lcngkanpc okodc mcna:pc lenycru:ji; odokkc Bvk ager gerya:nc Jo:nkolo:pc mclvgla:yam, Bvk taycng among lutadlunckvdv:dcm Bv cdcm kinabmoto.