ROMANKVDVNG 9:32 - ANU LUGOD N. T. (BSI)

³² Kapila? Lcga:dc bulu cdcm mc:jvgkokki matomang, cmpige:a cdc ager gernamkvdv:dokki du:ncpc.

ROMANKVDVNG 9:32 ပူးပေါင်းရင်းမြစ်များ

METIU 13:57

Odokkc bulu bvkkolo aima:pc mc:namko pa:to. Ckvdaggom Jisubv bulum luto, “Ru:nckc agom lungornc tani:dc avkc mo:di:dok odokkc bvk avkc okumdo:ma:mvlo mcnggcsunam pa:ma:pc imang.”

LU:KKC 2:34

Odokkc Simionbv bulum gerka:-pungka:lang cmto odokkc bvk anc Meri:mc luto, “Ka:toka, sc kowaoscm Israel ope:dok bojcru:lokkc aima:pc inamclang ainam lcgangc mclvtung, odokkc lugc-gcnamlok kanggotpc idopc

LU:KKC 7:23

Odokkc sc:kobvi ngokkolo invgsikorko pa:ma:nc bv gerncpu:nc.”

ROMANKVDVNG 10:3

Kapila:nc, dormokanamdcm kinma:pc du:la cdc Ru:ncpvnc kodokkc gvncdcm, odokkc buluk avkcdcm mogablvgpc cmna, bulu Ru:ncpvnckc dormokanamdo:pc tolvg tomang.

ROMANKVDVNG 11:11

Cdcmpila ngo tawudung, bulu otappc lcsutsutonci? Kapcsin cdcmpcmang! Cmpige:la buluk imursiyarkokki Angu tani:kvdv:do:pc mopvdc pvngangkang, cdcmpc Israeldcm ncdopc imopc cmna.

ROMANKVDVNG 4:16

Cdcmpila:na cdc mc:jvgdok togc:dagnc, odomvlojen pesunamdc aya:lo du:ycpc odokkc bvk ope:ncgvng appv:dcm bito–lujvglurodc lukamdcmpc tannomang cmpige:la bulu Abrahamkc mc:jvgdokki mc:jgnckvdv:dcmsin, kapila:nc bv appv:lok abbo, cdcm adla lc:namdcmpc,

1 KORINTIANG KVDVNG 1:23

cmpige:la ngolu kuruslo pvtkenam Kristomc lutadbigo:do. Jiwu kvdv:dokkcpc lcsutsunam sv:tungc odokkc Angu tani: kvdv:dokkcpc monba:ba:nc,

1 PITOR 2:6

Kapcnc cdc astrong agomdo lutag: “Ka:toka, ngo Jiondo turra du:nc vlvngko tvla lc:tung, sungkendok balenna lc:namko odokkc airu:pc arc kancko, odokkc sc:kobvi mc:jvgdonc Bvm anyv:suma:yc.”

1 PITOR 2:8

“Odokkc vlvng apvko okodc tani: kvdv:dcm lcsudsumoycnc, pvtan vlvngkonc jc okodc bulum oledmoycpc;” Kapcnc bulu lcsudsudag lcga:dc bulu agomdcm lukamdcmpc tadmang, kapc bulum ilangka cmna lutungaji.