ROMANKVDVNG 8:37 - ANU LUGOD N. T. (BSI)

³⁷ Ma: cdc appvng ara:do ngolu mopvncmsinyam mopvya:nc ngolum sc:kob aipc mc:tonc bvkkoki.

ROMANKVDVNG 8:37 ပူးပေါင်းရင်းမြစ်များ

JO:N 16:33

Ngo scm nolum lubitu:bong, ngokkolo mc:pomcnganc nolukkcjen du:ycpc. Rcngamso nolukkc kvnggv:pc mc:dvrc dung; ckvdaggom aipc mc:potoka, ngo rcngamscm mopvto.”

ROMANKVDVNG 8:35

Ngolum sc:ko Kristokc aipc mc:namdokkcm la:pansula:ycn? Asin mc:dvrc la:pansuycnc, cdcmanggom ipusire:yc cdcmanggom mogvtomomatnammc, cdcmanggom dobegtv:begma:namc, cdcmanggom gcbeg bombegma:namc, cdcmanggom sipcturpcnammc, cdcmanggom madsvgc?

1 KORINTIANG KVDVNG 15:54

Cdvlo jitpakncdc jitpakma:ncdcm gcycnc, odokkc sikuncdc sikuma:ncdcm molvgsuycnc, odo okodcm adla lc:tu:nc cdc pvnga:yc: “Sinamcm mopvla mcpakto.”

1 KORINTIANG KVDVNG 15:57

Cmpige:la Ru:ncpvncmc aipai bitoka, sc:kobv ngolu Ru:tum Jisukokki mopvnammcm bidagji.

2 KORINTIANGKVDVNG 12:19

Siddv longcko ngolukkc gvmurc kamang cmna yaddung cmnai mc:du:n? Cdc Ru:ncpvnckc kangkolo:jc ngolu Kristokolo agom ludung, odokkc nolum appvngcm aimopc cmna:mvn aipc mc:bomsunam kvdvnga.

2 KORINTIANGKVDVNG 12:9

cmpige:la Bv ngom luto, “Ngok aya:dc nokkcpc pv:dag, kapila:nc ngok ilanggvla:dc rcmagdowcm aiyo:pc aidag.” Ngo cdcmyam mc:po:la bottapc lubonsuyc ngok ilang gvlangma:nam kvdv:dok lcgangc, jen Kristokc ilang-gvla:dc ngokkolo du:tvla du:ycpc.

2 KORINTIANGKVDVNG 2:14

Cmpige:la Ru:ncpvncbv aipai pangka:langka, sc:kobv ngolum lo:dvscm Kristokokki mopvla mc:modagji, odokkc ngolukkokki Bvk kinnamlo nampodcm appv:lo:pc mcgo:lvgdag.

GALATIANG KVDVNG 2:20

Ngom Kristokokki kurusdo pvtketo; cdc ngo:ma:bong sc:kobv turdu:ji, cmpige:la Kristobv sc:ko ngokkolo turdu:ji; odokkc ngok adinamvrki turnamdc ngo su:pak Ru:ncpvnckc Awodo mc:jvgdo turdung, sc:kobv ngom aya:tonc odokkc Bv avdc ngok lcgangc bitoji.

IPESIANG KVDVNG 5:2

Odokkc aipc mcnamlo lambcm gvlangka, kapc Kristobv ngolum aipc mc:toji odokkc Bv avdc ngoluk lcgang sigcbitoji, Ru:ncpvnckolo:pc namponc to:lvgnam odokkc palvgnammcmpc.

2 TISSALONIANG 2:16

Su:pak ngoluk Ru:tum Jisu Kristobv avdc, odokkc Ru:ncpvncbv ngoluk Abudc, sc:kobv ngolum aipc mc:tonc odokkc lo:dv longkvpc du:nc du:podu:pa:dcm bitonc odokkc ainc mc:tindcm ayangkokki,

1 JO:N 4:10

Odo aipc mc:namdo ngolujc Ru:ncpvncmc aipc mc:to cmmang cmpige:la jc Bv ngolum aipc mc:to odokkc Bvk Awodcm ngoluk pa:p lcngangc palvgnapc inapc cmna.

1 JO:N 4:19

Ngolu aipc mc:dag, kapila:nc Bv ngolum aipc mc:po:to.

1 JO:N 4:4

Ameo:nc ommangkvdvnga, nolu Ru:ncpvnckc, odokkc cdcmbulum mopvtobong; kapcnc nolukkolo sc:kobv du:nc rcngamso sc:kobv du:ji cdcm bottcya:dag.

JU:D 1:24

Su:pak Bvkkolo:pc sc:kobv nolum oledma:dopc du:bodagnc odokkc nolum Bvk amin gvkodc mc:po mc:pola atv imurko kama:dopc gva:mola:dagnc, cdc Ru:ncpvnc akko:do:pc,

LUNGOR LUNAM 1:5

odokkc Jisu Kristokolokkc cdc mc:jvg jvrvgnc lukanbincdc, sinckvdv:dok opongarnamdc, odokkc mo:pvsok migomkvdv:dcm ka:sv:mosv:ncdc.

LUNGOR LUNAM 12:11

Odokkc bulu bvm Awo Me:rdok i:dokki bulu mopvto odokkc buluk lukan lubinam agomkvdv:dokki, kapcnc bulu buluk turnam kvdv:dcm sidodo:pci aipc mc:tomang.

LUNGOR LUNAM 17:14

bulu Awo me:r sobendcm mimagcm moyc, odokkc cdc Awome:rdc bulum mopvyc, kapcnc Bv Ru:tum kvdv:dok Ru:tumc odokkc Migomkvdv:dok Migomc; odokkc cdc bvk lcdulo du:mvnnckvdv:dcm ballena la:namc odokkc mc:jvg jvrvgnc cmna gognamc.”

LUNGOR LUNAM 21:7

Sc:kobv mopvycnc bvkkc sc pangkonsunamscm pa:mvnyc, odokkc Ngo Bvk Ru:ncpvncpc odokkc bv ngok awopc badyc.

LUNGOR LUNAM 3:9

Ka:toka, ngo cdc kumko okumkvdv:dcm Satankcpc imoyc sc:kobv ludagji jc bulu Jiwu cmna lusudag cmpige:la Jiwumang, cmpige:la lume:ycm ludag–ka:toka, ngo bulum gva:moyc odokkc nok alc kcra:lo lcbvngcm tuma:moyc, odokkc kintoka jc ngo aipc mc:to.