ROMANKVDVNG 8:36 - ANU LUGOD N. T. (BSI)

³⁶ Cdcm adla lc:namdcmpc, “Nok lcga:pc ngolum longgcm longgcm mokenampc idung; ngolum pakenam bera sobenpc tolvgtag.”

ROMANKVDVNG 8:36 ပူးပေါင်းရင်းမြစ်များ

JO:N 16:2

Bulu nolum kumko okumnokkcm mcnnenlvgyc; ncrkvgpc, ayirdc pvnga:du:bong cdvlo sc:kobv nolum mokeycnc bv Ru:ncpvncmc agerko gerbidung cmna mc:yc.

AGER KVDVNG 20:24

Cmpige:la ngok turnamscm ngo atv arckanckopc kvsumang cdcmanggom ngokkcpc kvnggv:pc aincko cmna, ngo gerpcnamdcm gerra:mvloi odokkc Ru:tum Jisukolok pa:nam inam-sa:nam agerdcm, Ru:ncpvnckc ayang abodok tadpon lutaddcm lukanbipc.

AGER KVDVNG 8:32

Cdc astrodok pa:nam bvk ponam potin intakdc sc:vai: “Me:r sobencm pakencdo:pc boma:namdcmpc, cdcmpcmanggom me:r soben awokonc odok amvd gadnclok kcra:do monba:ncmpc inamdcmpc, Bv Bvk nampangcm koge:tomang.

1 KORINTIANG KVDVNG 15:30

Kapila ngo ayir ayirlo pcsokonnom pa:ycn?

1 KORINTIANG KVDVNG 15:31

Ngo lura lurasula ludung, bvrrangkvdvng, ngok nolukkolo bottapc mc:sunamdc okodc Kristo Jisukolo du:ji ngoluk Ru:tumbv, ngo longgcm longgcm sido!

1 KORINTIANG KVDVNG 4:9

Kapila:nc ngo kindag jc Ru:ncpncbv ngolum appv:lok lcddarncdcm lcngkanto; sidopc lulvgnam tani:ycmpc; kapila:nc ngolu mo:pvsokkcpc, taycng among lutad lunckvdv:dokkcpc odokkc appvng tani:kvdv:dokkcpc ka:pc kare:nampc ikang.

2 KORINTIANGKVDVNG 1:9

Kapila:nc, ngolu mc:to jc ngolum mokedopc lulvg agomcm pa:tobong; cmpige:la cdc ngolum ngoluk avkolo mc:rasudopc imoge:mang cmna cmpige:la Ru:ncpvnckolo sc:kobv sinncm turmodokunc bvkkolo:pak.

2 KORINTIANGKVDVNG 11:23

Ngo:sin cdcmpc? Bulu Kristok ager gerya:nci? Ngo aiya:nc ako–ngo simadnc tani:koncmpc ludung–bojcru:yangko bottaya:nc agerkokki, bojcru:yangko makana:lo tumkosula, kvngapla:ma:namko dcmkosula, odokkc lckko: lckko:lo sipcmna ila.

2 KORINTIANGKVDVNG 6:9

kinma:nampc innc odokkc ckvdaggom aiyo:pc kinnamc; sinncmpc innc, odokkc ka:tok ngolu turdung; mogvtmomatnammcmpc innc, odokkc ckvdaggom mokemang; mc:dvrc bi:ncmpc innc, ckvdaggom lo:dvscm mc:pola dung;

PILIPIANG KVDVNG 3:10

Jc ngo:jen Bvm kinycpc odokkc Bvk sikolokkc turkunamdcm, odokkc Bvk du:g gvnamdcm gvtc:mvnna:ycpc, Bvggvngkcmpc imvnpc Bv sikolo,