ROMANKVDVNG 8:29 - ANU LUGOD N. T. (BSI)

²⁹ Kapila:nc cdc sc:kobulum Bvk po:pcbong kindagji Bv Bvk Awodok migomdcmpc imopc cmna:sin po:pcbong cmmo:pc ru:tag, cdcmpc idopc jc bv:jen bojcrung bvrokvdv:dok bv opongarnampc idopc.

ROMANKVDVNG 8:29 ပူးပေါင်းရင်းမြစ်များ

METIU 12:50

Kapila:nc sc:koi ngok taycng among abukc mcngkamdcmpc idogvdonc bvci ngok bvrro, odokkc bvrmc, odokkc annc.”

METIU 25:40

Odokkc cdc Migomdc bulum lubiyc, ‘Aroru:pc, ngo nolum lubidung, nolu sc ngok ame:yarnc bvrokvdv:sok akoi cdcmpc itomvlo, nolu cdcm ngommvn iton.’

METIU 28:10

Odo Jisubv bulum luto, “Pcsoma:pcka; gvkang odokkc ngok bvrokvdv:dcm lubita:ka Galilpc gvdopc, odokkc olo bulu ngom ka:begycpc.”

METIU 7:23

Odo bulum ngo appvng kindopc lutadla lubiyc, “Ngo cdvlosin nolum kinmangai; ngokkolokkc gc:ramkang, nolu aisi:ma:nc ager gernckvdvnga.”

JO:N 17:16

Bulu rcngamsokkcmang, ngo:sinci rcngamsokkcpc ima:namdcmpc. Bulum arokokki mopu:teika;

JO:N 17:19

Odokkc buluk lcgangc ngo avyc tolvgsudung, bulusinjen arolo tolvgsuycpc cmna.

JO:N 17:26

Ngo nok amincm bulum kinmoto, odokkc ngo cdcm kinma:yc, jc no oko aipc mc:namdokki no ngom aipc mc:tonc bulukkolo:jen du:ycpc, odokkc ngo bulukkolo du:mvnycpc.”

JO:N 20:17

Jisubv bvm luto, “ngom gagkvyok, kapila:nc su:paksin ngo Abukoto:pc pv:sangkuma:da; cmpige:la ngok bvrrang kvdvngolo:pc gvkangkuk odokkc bulum lulangka, ngo Abukoto:pc dc:sang dungkubong odokkc noluk Abukodo, ngok Ru:nc sa:nclang noluk Ru:ncsa:nc koto:pc.”

ROMANKVDVNG 11:2

Ru:ncpvncbv Bvk tani:kvdv:dcm aimang cmna mcpakto sc:kobulum Bv kinpo:dagaji. Nolu kinma:nci Elijangkc agomcm Ru:ncpvnckc agom jvggabdc okkom cmdagaji, kapc Israeldok birudi:pc Ru:ncpvncmc lujvgcm lutoji.

ROMANKVDVNG 13:14

Cmpige:la Ru:tum Jisumc gctoka, odokkc adin amvrdokkcpc okkomsin lc:yoka, odok mc:namdcm mc:tcsumopc cmna.

ROMANKVDVNG 9:23

Bvk amin gvnamdok mircmdcm lcngkanpc ayangabodok lcgangdcm, okodcm bv po:pcbong amingvnam lcgangc mosv:toji, ngolumci sc:kom Bv gogtoji,

1 KORINTIANG KVDVNG 15:49

Ngolu among tani:dok mokampc monamdcmpc onampagc, ngolusin taycng among tani:dok mokampc monamdcmpcsin dumsimigmo kamvnnc.

1 KORINTIANG KVDVNG 2:7

Cmpige:la ngolu lc:sula odokkc gagsila lc:nam Ru:nvcpnckc kinnam pa:nam bido, okodcm Ru:ncpvncbv ngolum amin gvmonam dv:takkvdv:dc aima:dapc kvnggv:pc lulvgla lutoji.

1 KORINTIANG KVDVNG 8:3

Cmpige:la akonc Ru:ncpvncmc aipc mc:mvlo, Bvkkokki akonc kinnampc idag.

2 KORINTIANGKVDVNG 3:18

Odokkc ngolu appvngc, ungkomma:nam nappangkokki, Ru:tumkc amin gvnamdcm ka:la du:nckvdvngc kapc lcko dungaji odokkc cdc amingvnamdokkc akono:pc Ru:tumkcpc imvnla dung; kapila:nc cdc Ru:tumkolokkc pa:do sc:kobv Yalloa:ji.

IPESIANG KVDVNG 1:11

Bvkkolo Bvk asin mc:namdok mcngkamdcmpc sc:kobv appvng agercm gerpvtdagnc Bvk luyirnamdok mcngkamdcmpc,

IPESIANG KVDVNG 4:24

Ru:ncpvnck dumsimigmoru:pc ru:nam aropc dormokanamki odokkc angukokki.

PILIPIANG KVDVNG 3:21

sc:kobv ngoluk cmmum amvrcm amin gvnc amvrpc motenyckupc, Bv appvng attarcmci Bvk kcvgpc ila:nanc ialang-gvla:dokki idopc.

KOLOSIANG 3:10

Okodcm kinnamlo anumotakji odok ru:ncdok dumsimigmo ila.

2 TIMOTI 1:9

sc:kobv ngolum moturtonc odokkc ngolum angunnc gognamki gogtonc, ngoluk aipc ager gernamkokkimang cmpige:la Bvk avkc mc:jongkokki mcngkampc odokkc dv:takkvdv:dok po:pcbong cdc oko aya:dcm ngolum Kristo Jisukolo bitoji,

2 TIMOTI 2:19

Cmpige:la Ru:ncpvnckc kvnggv:nc dunggabkodc du:dag, sc muhorscm bomna: “Ru:tumdc kindag cdc sc:kobulu Bvkkcji,” odokkc, “Kajc appvngc sc:ko Ru:tumkc amindcm mindagji aima:nc agerlokkc germa:pc du:la:jc.”

1 PITOR 1:2

Ru:ncpvnc Abubv balenna odokkc ru:scgla lc:namc odokkc Yalodokki narc:dopc mopu:la Jisu Kristomc lukam taddopc odokkc Bvk i:dokki abkatdopc: Ayangc odokkc mcnganc nolukkolo bojc bojcla dungka:langka.

1 PITOR 1:20

Sc:kobv mo:pvscm mosa:ma:dapc ru:pvlvgtonc cmpigge:la noluk lcgangc ayir du:tcrdo lenmotonc.

1 JO:N 3:2

Aipc mc:bomsunamkvdvnga, ngolu su:pak Ru:ncpvnckc ommangc; ngolu okopci iyckusong cdc lenma:da, cmpige:la ngolu kindag jc cdvlo Bv lenyckunc ngolu Bvkkcmpc iycku, kapcnc ngolu Bvm Bv kapc idagji cdcmv:pc ka:begycku.

LUNGOR LUNAM 13:8

odokkc sc:kobulu mo:pvso du:nc dagnc appv:dc cdcm kumyc cd palvgnam Awome:rdok turnc potindo rcngamscm mosa:ma:dapc sckkc sckkc amincm adtonc.