ROMANKVDVNG 8:27 - ANU LUGOD N. T. (BSI)

²⁷ Odokkc sc:kobv tani:kvdv:dok asinkvdv:dcm madagji Yalodok mc:namdcm kindag, kapila:nc mc:jvgla kumnc tani:kvdv:dok lcga:pc Yalodc Ru:ncpvnckc asin mcngkamdcmpc kumbidag.

ROMANKVDVNG 8:27 ပူးပေါင်းရင်းမြစ်များ

METIU 6:8

Bulukkcmpc iyoka, kapila:nc noluk Abudc noluk koma:dapc okkom nolu madagnc kindag.

LU:KKC 16:15

Cmpige:la Bv bulum luto, “Nolu cdc tani: kangkolo ainc cmna lusunckvdv:dc, cmpige:la Ru:ncbv noluk asinkvdv:dcm kinabdag; kapila:nc tani: kcra:lo okodcm bottapakpc lusuycnc Ru:ncpvnckc kangkolo cdc kvnggv:pc tayumpcnamc.

JO:N 14:13

Okkomci ngok aminno nolu ka:ycnc, ngo cdcm ibiyc, Abudc:jen Awodo aminc gvycpc cmna;

JO:N 21:17

Bv lckoda lcumnapc tawuto, “Simona, Jo:nkc aowa, no ngom aipc mc:dagyc?” Pitorbv mc:nyv:la mcngkang lcga:dc bvm “No ngom aipc mc:dang?” cmna lcwumkopc tawula:yam. Odokkc bv Bvm luto, “Ru:tuma, no appvngcm kindag; no kindag jc ngo nom aipc mc:dag.” Jisubv bvm luto, “Ngok bera sobenkvdv:dcm kanggabla dogo:molangka.

AGER KVDVNG 1:24

Odokkc bulu kumge:la luto, “Ru:tuma, sc:kono tani: appv:lok asincm kinabdagji,

AGER KVDVNG 15:8

Odokkc Ru:ncpvncbv sc:ko asincm kindagji bulum lukancm lubito, ngolum bikamarcmpc Angunnc Yalodcm bulum bige:la;

ROMANKVDVNG 8:34

Cdc Ru:ncpvnc bv:na sc:kobv aidag cmna lunamdc; sc:kon aimang cmna lupcncdc? Cdc Kristo Jisubv, sc:kobv sika:ji, c:v, sc:kom sikolokkcm turmotokuji, sc:kobv Ru:ncpvnckc lagbvg alakpc du:ji, sc:kobv ncrkvgpc ngoluk lcgangc kumbila du:nc?

ROMANKVDVNG 8:6

Adin amvrdo asin mcnga:namdc sinamc, cmpige:la Yalodo asin mcngga:namdc turnamclang mc:pomcnganc.

IPESIANG KVDVNG 2:18

Kapila:nc Bvkkokki ngolu anyipagc Yalo akkolo Abukodo:pc gva:napc gva:langcm pa:to.

1 TISSALONIANG 2:4

Cmpige:la kapc ngolum tadponc lutaddcm togc:lvgdopc Ru:ncpvnc bvkkokki tolvgtonc, cdcmpila ngolu agomdcm ludo, tani:kvdv:dcm mc:lvgsumopc cmna imang, cmpige:la Ru:ncpvncmc mc:lvgsudopc sc:kobv ngoluk asinkvdv:dcm anka:la ka:dagji,

HIBRIUKVDVNG 4:13

Odokkc Bvk kcra:lo oko ru:namcsin lc:sisula:mang, cmpige:la appv:dc moge:nammc odokkc Bvk amiglo ka:de:pc lc:tag okodokki ngolu ipcnammcji.

JAKOB 5:16

Cdcmpidag noluk pa:pkvdv:dcm akonc akonkolo lude:sutoka, odomvlo jen nolum csa:moyckupc. Dormokanc tani:dok kumnamdc ager kvnggv:pc ilang gvla:dag.

LUNGOR LUNAM 2:23

Odokkc mondoli: appvngkvdv:dc kinyc jc ngo Bv sc:kobv mc:namclang asinangcm mago:dagji, odokkc ngo noluk appvngcm ako akko:pc noluk ager gernamdcmpc pa:pcnamdcmpc biyc.