ROMANKVDVNG 8:16 - ANU LUGOD N. T. (BSI)

¹⁶ cdc Yalodc avdcvng ngoluk yalokvdv:d lukanbidag jc ngolu Ru:ncpvnckc ommangc,

ROMANKVDVNG 8:16 ပူးပေါင်းရင်းမြစ်များ

1 JO:N 4:13

Odokki ngolu kindag jc ngolu Bvkkolo du:mvndag odokkc Bv ngolukkolo, lcga:dc Bv ngolum Bvk avkc Yalodcm bitobong.

2 KORINTIANGKVDVNG 1:22

Bvk tubjedcm ngolukkolo tublvgto odokkc Bvk Yallom ngoluk asin ara:bo bino:la arorungc cmna bito.

2 KORINTIANGKVDVNG 5:5

Sc:kobv ngolum sc attarsok lcgangarc mosv:tonc Ru:ncpvncbv, sc:kobv ngolum Yalodcm aroru:ngc lcngkanpc bitu:ji.

IPESIANG KVDVNG 1:13

Bvkkolo nolusin, sc:kobulu aro agomdcm attonc, noluk moturnamdok tadponc lutaddcm, odokkc Bvm mc:jvgtonc, pesunam angunnc Yalodokki tubjet lvgtungai.

ROMANKVDVNG 8:26

Cdcmv:pc Yalodc ngolum ngoluk tormangkolo tordumsudag; kapila:nc ngolu kinmang ngolu kapc kumpcnammcji, ckvdaggom Yalodc avdc ngoluk lcgangc kumbidag sagv-gvla kvnggv:pc orv:pc gomugkvdv:dokki.

IPESIANG KVDVNG 4:30

Odokkc Ru:ncpvnckc Angunnc Yalodcm mc:nying moyoka, sckkolo nolum muworcm tubjettagji motunam longcdok lcgangc.

2 KORINTIANGKVDVNG 1:12

Kapila:nc ngoluk lubosula lusunamdc scmpc, ngoluk mc:namsagnamdok lukanbinamdc jc mo:pvso ilang gvla lcngkanto, odokkc nolum odokkcsin bojcyangko, angun ngunnamki odokkc Ru:nckc dormo kancpc asin ansvngki, mo:pvsok kinnam pa:namkimang cmpige:la Ru:ncpvnckc ayangkokki.

ROMANKVDVNG 8:23

Odokkc ru:namo:dc:mang, cmpige:la ngolu avycsin, sckkc Yalodok e:pongarnc a:ycdc du:ji, asin ara:bo svgvn-gvnna kabla dung ngolu unam awa:pc inamdcm toya:la du:la:yam, ngoluk amvrkvdv:dok arc bila rclenkunam moturkunam kvdv:dcm.

1 JO:N 5:10

Sc:kobv Ru:ncpvnckc Awodo mc:jvgtonc bvk avyvngkolo lukanbinamdc dung. Sc:kobv Ru:ncpvncmc mc:jvgma:nc, Bvm lume: lunckopc ludag, lcga:dc bv Ru:ncpvnckc lukanbinamdcm mc:jvgtomang jc Ru:ncpvncbv Bvk Awodcm lubinamdcm.

METIU 5:9

“Lckomokunc kvdv:dc aipc luitpcnamc, kapila:nc bulum Ru:ncpvnckc aowangc cmna gogycku.

LU:KKC 20:36

kapila:nc bulum taycng among lutad lunckvdvngcla Ru:ncpvnckc ommang kvdv:dcmpc imotagbong.

JO:N 1:12

Cmpige:la Bvm torvgsunc appv:dc, Bvk aminnok mc:jvgnc kvdv:dc, Ru:ncpvnckc omma:pc ilang-gvlangcm bito;

AGER KVDVNG 5:32

Odokkc ngolu odo agomkvdv:dok lukanbinnc, odokkc cdcmv:pc Angunnc Yalodokkc Ru:ncpvncbv sc:kobulum Bvk agom lukamdcmpc tadnckvdv:dcm bitoji.”

ROMANKVDVNG 8:14

Kapila:nc sc:kobulu Ru:ncpvnckc Yalodokki gvbonampc idagnc cdcbulu Ru:ncpvnckc aowo.

ROMANKVDVNG 8:19

Kapila:nc ru:namkvdv:sc airu:pc Ru:ncpvnckc awodcm lcngkannamdcm ka:lv:la dung;

ROMANKVDVNG 9:8

Cdc okkom cmdagnc cdc adinamvrdok omma:dc:mang sc:kobulu Ru:ncpvnckc omma:dc, cmpige:la pesunamdok ommangkvdv:dcm ope:ycmna kvto:

ROMANKVDVNG 9:26

“Odokkc odo okolo cdcmbulum lukaji, ‘Nolu ngok tani:mang,’ bulum luyc ‘Turra du:nc Ru:ncpvnckc awokvdvngc.’ ”

2 KORINTIANGKVDVNG 6:18

Odokkc ngo nolukkcpc abupc iyc, odokkc nolu ngok awopclang omcpc ingapyc, appv:pc ilang-gvla:nc Ru:tumbv ludag.”

GALATIANG KVDVNG 3:26

Kapila:nc Kristo Jisukolo nolu mc:jvgkokki Ru:ncpvnckc awokvdvngc.

GALATIANG KVDVNG 4:6

Odokkc nolu awa:pc inamc, Ru:ncpvncbv Bvk Awodok Yalodcm noluk alakkvdv:do:pc mca:lvgto, jc:la lula, “Abba! Ba:ba!”

1 JO:N 3:1

Ka:toka kapinc aipc mc:namcm Abudc nolum bitonc, jc ngolum Ru:ncpvnckc ommang cmna gogto; odokkc cdcmv:pc ngolusin. Nolum rcngamsc kinma:namdok lcga:dc jc cdcbul Bvm kintomang.

1 JO:N 3:2

Aipc mc:bomsunamkvdvnga, ngolu su:pak Ru:ncpvnckc ommangc; ngolu okopci iyckusong cdc lenma:da, cmpige:la ngolu kindag jc cdvlo Bv lenyckunc ngolu Bvkkcmpc iycku, kapcnc ngolu Bvm Bv kapc idagji cdcmv:pc ka:begycku.

1 JO:N 3:10

Odokki cdcm ka:begycpc jc sc:kobulu Ru:ncpvnckc ommangcji, odokkc sc:kobulu uikc ommangcji: sc:kobvi arrom ima:ji Ru:ncpvnckcmang, cdcmanggom sc:kobv bvk bvrodcm aipc mc:ma:ji.

LUNGOR LUNAM 21:7

Sc:kobv mopvycnc bvkkc sc pangkonsunamscm pa:mvnyc, odokkc Ngo Bvk Ru:ncpvncpc odokkc bv ngok awopc badyc.