ROMANKVDVNG 7:23 - ANU LUGOD N. T. (BSI)

²³ Cmpige:la ngok alc alakkvdv:so ngo ina-gvnanc kvdv:so lujvg luro akonkoda mimag moka:mvnsuncko dung ngok asinbok lujvg lurodokki odokkc ngom pa:bdok lujvglurodo:pc yc:tumna lc:ncko okodc ngok ina-gvnanc kvdv:do du:dodagdoji.

ROMANKVDVNG 7:23 ပူးပေါင်းရင်းမြစ်များ

ROMANKVDVNG 6:13

Noluk amvramokvdv:dcm pa:plo:pc mclvgyoka aisi:ma:nc agergernanc attarpc idopc, cmpige:la nolu av avkvdv:dcm Ru:ncpvnc kolo:pc tolvglangka sc:ko tani:kvdv:dcm sikolokkcm turmotokuji cdcmpc, odokkc noluk alc alagkvdv:dcm Ru:nc pvnckolo:pc dormo inamlok ager gernanc attarcmpc.

ROMANKVDVNG 6:19

Ngo tani: lukampc ludung, kapila:nc noluk mo:pvsok tadkino:la:namdokki. Kapila:nc noluk lckoncm alc-alagkvdv:dcm napv:narcmangkolo:pc mclvgnamdcmpc odokkc bottcyangkolokkc bottcya:nc asi:ma:nc agerlo:pc, cdcmpila su:pak noluk alc alakkvdv:dcm dormoagerlo:pc mclvgtoka angunnammcm pa:dopc.

ROMANKVDVNG 7:14

Ngolu kindag jc lujvglurodc yalodok agompc innc; cmpige:la ngo adinamvrdcmpc innc, pa:blo:pc kolvgnammc.

ROMANKVDVNG 7:21

Cdcmpila ngo cdvlo aincko gerpc mc:doji cdcm ngom lujvglurokopc pa:do.

ROMANKVDVNG 7:25

Ru:ncpvncmc aipai binampc ika:langka noluk Ru:tum Jisu Kristokokki! Odomvlo, ngo avyc avkcpc Ru:ncpvnckc lujvglurodcm lukamdcmpc ngok asinbokki ila:yc, cmpige:la ngok adin amvrdokki ngo pa:bdok lujvglurodok lukamdcmpc iycpc.

ROMANKVDVNG 7:5

Ngolu amvrsok mcngkampc turla du:dodcm, ngoluk pa:b ilv:la mc:namkvdv:dc, lujvglurodokki dowusa:la, sinamlokkcpc a:yc e:dopc ngoluk alcalak kvdv:dc ager gerla dungai.

ROMANKVDVNG 8:2

Kapila:nc Yalodo du:nc Kristo Jisukolok du:nam dagnamdok lujvglurodc ngom pa:bdokkclang sinamdok lujvg-lurodokkcm motuto.

GALATIANG KVDVNG 5:17

Kapila:nc amvrdok mc:namkvdv:dc Yalodok birudi:dag, odokkc Yalodok mcngkam kvdv:dc adin-amvrdok birudi:dag; kapcnc sc:bulu akoncm akonc nvgka:mvnsudag, nolum motumpc nolu okodcm ipcma:namcji.

HIBRIUKVDVNG 12:4

Noluk pa:pkokki moka:mvnsunamdcm noluk i:ycm bidmogcdopc imangcida.

JAKOB 3:2

Kapcnc ngolu appvngc bojcrungko lumurcm ludag, odokkc akonc jodi atv imurko ima:yc okodcm bv ludoji bv aiyo:pc ainc tani:yc, amvr appv:dcmsin motumsula:do.

JAKOB 4:1

Okko mimagcm molenmodang, odokkc noluk ara:lo okko pamvnsunamcm lenmodang? Cdc noluk asinkvdv:dok mc:ru-mc:mangkokkima:lang cdc mimag mola du:nc noluk adinamvr kvdv:do?

1 PITOR 2:11

Aipc mc:bomsunam kvdvnga, ngo nolum kumna:sola: ludung amikc amonglo du:nc odokkc yc:bomla lcngkunampc adin amvrdok mc:boka:bodcm mcma:pc du:dopc cdc noluk yalo kvdv:dok birudi:pc mimagcm modag.