ROMANKVDVNG 6:13 - ANU LUGOD N. T. (BSI)

¹³ Noluk amvramokvdv:dcm pa:plo:pc mclvgyoka aisi:ma:nc agergernanc attarpc idopc, cmpige:la nolu av avkvdv:dcm Ru:ncpvnc kolo:pc tolvglangka sc:ko tani:kvdv:dcm sikolokkcm turmotokuji cdcmpc, odokkc noluk alc alagkvdv:dcm Ru:nc pvnckolo:pc dormo inamlok ager gernanc attarcmpc.

ROMANKVDVNG 6:13 ပူးပေါင်းရင်းမြစ်များ

ROMANKVDVNG 12:1

Ngo nolum cdcmpila kumna:sola: ludung, bvrrangkvdvnga, Ru:ncpvnckc mc:yinsunamkokki, noluk adin-amvrkvdv:dcm turpc palvgnammcmpc palvgdopc, angunnc odokkc Ru:ncpvnckcpc torvgsula:dopc, okodc noluk yalo dokki kumnamdc:ji.

ROMANKVDVNG 6:16

Nolu kinma:nci jc nolu sc:koikc lukamdcmpc tadycmvlo odok pagbopc idag cmna, no sc:kokc lukamdcmpc taddoji odok pagbopc ido, pa:blokkcpc, okodc sinamlo:pc gvbodagji, cdcmanggom agom lukamdcmpc tadnamdcmpc, okodc dormo inamlo:pc gvbodagji?

1 PITOR 2:24

Bv avdc ngoluk pa:pkvdv:dcm Bvk avkc amvrdo Kurus talc:do jonggcbito, jc ngolu pa:p lcgangc siycpc odokkc dormo kanamlokkcpc turycpc. Bvk tarckvdv:dokki nolum csa:motoku.

KOLOSIANG 3:5

Cdcmpidag nolukkolo okodc mo:pvsokkcji moketoka: aminc:ngcm la:binammc, napvnarc:ma:namc ilvnggvlvngc, aima:nc ager gerrvngc, odokkc ka:bonammc, okodc uikumnamcji.

ROMANKVDVNG 7:5

Ngolu amvrsok mcngkampc turla du:dodcm, ngoluk pa:b ilv:la mc:namkvdv:dc, lujvglurodokki dowusa:la, sinamlokkcpc a:yc e:dopc ngoluk alcalak kvdv:dc ager gerla dungai.

1 PITOR 4:2

lcdukc ayir appv:dcm adin amvrdo cdvlosin tani: mc:bo-ka:bokima:bong cmpige:la Ru:ncpvnckc mcngkamki turpc cmna.

KOLOSIANG 2:13

Odokkc nolu, imur ager gernam odokkc noluk adinno gadpukma:namno sila dungaji, Ru:ncpvncbv Bvk lcdulo turmotoku, ngoluk appvng gvmurkvdv:dcm mc:yinsuge:la,

1 KORINTIANG KVDVNG 6:20

Nolu noluk avkcmang; nolum arckokki rctung. Cdcmpidag Ru:ncpvncmc noluk amvrkvdv:do amin gvmotoka.

1 JO:N 1:9

Jodi ngoluk pa:pkvdv:dcm lude:suyc, Bv mc:jvg jvgncko odokkc aropc kcba:ba:ncko, odokkc ngoluk pa:pkvdv:dcm mc:yinsubiyc odokkc ngoluk appvng dormo kama:namlokkcm mopu:dag.

1 KORINTIANG KVDVNG 6:15

Nolu kinma:nci jc noluk amvrkvdv:dc Kristokc ager gerjonc cmna? Ngo cdcmpidag Kristokc ager gerjondcm la:ycnci odokkc bulum aminc:ng langgo:nam ager gerjonpc imoycnci?

IPESIANG KVDVNG 2:5

cddo:mang cdvlo ngolu sila dungaji ngoluk imursiyarkoki, ngolum Kristok ayangkokki nolum moturtoku,

PILIPIANG KVDVNG 1:20

Cdcm kapc ngo kvnggv:pc toka:la mc:doji odokkc mc:dag jc ngo cmpcsin anyv:suma:yc, cmpige:la jc asinc kvnggv:pc migang ga:la su:pak lo:dvpc kapc Kristomc mcnggcycnc ngok amvrro, turnamkokki cdcmanggom sinamkokki.

1 KORINTIANG KVDVNG 6:9

Nolu kinma:nci jc dormokama:nckvdv:dc Ru:ncpvnckc migom doko mo:pvdo dungkuma:yc? Yadkosuyoka; ager gernckvdv:dcmba aisi:ma:nc moimang kumnckvdv:dcm, cdcmanggom ami yamnc langgo:nckvdv:dcm, cdcmmanggom la:tcr la:tcr langgo:nc kvdv:dcm,

ROMANKVDVNG 6:19

Ngo tani: lukampc ludung, kapila:nc noluk mo:pvsok tadkino:la:namdokki. Kapila:nc noluk lckoncm alc-alagkvdv:dcm napv:narcmangkolo:pc mclvgnamdcmpc odokkc bottcyangkolokkc bottcya:nc asi:ma:nc agerlo:pc, cdcmpila su:pak noluk alc alakkvdv:dcm dormoagerlo:pc mclvgtoka angunnammcm pa:dopc.

2 KORINTIANGKVDVNG 10:4

Kapila:nc ngoluk mimag monanc gvdv:-yoktung kvdv:dc mo:pvsokkcmang cmpige:la kvnggv:pc morasula dungkodok momvgla:nanc taycng among ilang gvlangc,

ROMANKVDVNG 6:11

Cdcmpidag nolusin av avkvdvngc pa:b lcgangc sinnc cmna mcngkinsupcnammc odokkc Ru:ncpvnckcpc Kristo Jisu kolo turpcru:nammc.

IPESIANG KVDVNG 5:14

Cdcmpidag cdcm lutag, “Kinsutoka, O yubla du:na, odokkc darobtoka yubkodokkc, odokkc Kristobv nolum pvangcm biycpc.”

2 KORINTIANGKVDVNG 8:5

ngolu kapc mc:daganc, cmpige:la bulu bipo:danna bulu avkvdv:dcm Ru:tummc bito odokkc ngolukkolo:pc Ru:ncpvnckc mc:namkokki.

2 KORINTIANGKVDVNG 5:15

Odokkc Bv appvngkc lcgangc sikang, jc cdc sc:kobulu turycji buluk avkc lcganc cdvlosin turma:bong cmpige:la Bvk lcgangc sc:kobv buluk lcgangc sikaji odokkc turmotokuji.

ROMANKVDVNG 7:23

Cmpige:la ngok alc alakkvdv:so ngo ina-gvnanc kvdv:so lujvg luro akonkoda mimag moka:mvnsuncko dung ngok asinbok lujvg lurodokki odokkc ngom pa:bdok lujvglurodo:pc yc:tumna lc:ncko okodc ngok ina-gvnanc kvdv:do du:dodagdoji.

LU:KKC 15:32

Mc:pomcngannamdc airu:dagai, kapila:nc sc nok bvrosc sikangai, odokkc turkangku; bv yokkangai, odokkc pa:toku.’ ”

JAKOB 4:1

Okko mimagcm molenmodang, odokkc noluk ara:lo okko pamvnsunamcm lenmodang? Cdc noluk asinkvdv:dok mc:ru-mc:mangkokkima:lang cdc mimag mola du:nc noluk adinamvr kvdv:do?

ROMANKVDVNG 1:29

Bulukkc appvng aisi:ma:nc ager gernam ipa:ma:nam ager, ka:bomc:bonam, ncnamc pv:namkopc dungai. Mirupc mc:namongc bi:la, tani:mokenc, pamvnsunamc, yadnamc, cmpcsin ka:lv:mvnsuma:namc, bulu pvsvpasapc agom luka:mvnsunc,

JO:N 5:24

Aroru:pc, aroru:pc, ngo nolum lubidung, sc:kobv ngok gomugcm tadge:la Bvm mc:jvgdagnc sc:kobv ngom mclvgtagnc, turyarla turnamc dung; bv kcbang bangkolo gvangkumang, cmpige:la sikolokkc turnamlo:pc gvbatsutokubong.

LU:KKC 15:24

Kapila:nc sc ngok awosc sikangai, odokkc su:pak lckoda turkangku; bv yokkangai, odokkc pa:toku,’ odokkc bulu mc:porobbomkang.

2 TISSALONIANG 2:12

odomvlo appv:dc aimang cmna lupakycpc sc:kobvi mc:jvgtoma:nc arodcm cmpige:la dormokamangkolo mc:pomcnganto.

2 KORINTIANGKVDVNG 5:14

Kapila:nc Kristokc aipc mc:namdc ngolum kanggabbomdag, kapila:nc ngolum kinmotag jc akonc appvngkc lcgangc sikang; cdcmpidag appvngc sikang.

2 TIMOTI 2:15

Noluk aiyanggerncm gertoka nolu avyc avycm Ru:ncpvnckolo tolvgnam akoncmpc, ager gerncko sc:kobv anyi:supcnammc kama:dopc, aropc aro agomdcm gagdopc.