ROMANKVDVNG 5:15 - ANU LUGOD N. T. (BSI)

¹⁵ Cmpige:la arc la:ma:pc binamdc cdc imursiyardcmpc imang. Kapila:nc bojcrungc tani: akodok imur siyardokki sika:mvlo, Ru:ncpvnckc aya:dokki airu:pc bojcya:pc odokkc aya:dok arc la:ma:pc binamdc cdc tani: ako Jisu Kristoki bojcrung lcgangc bitung.

ROMANKVDVNG 5:15 ပူးပေါင်းရင်းမြစ်များ

METIU 20:28

Cdcmyam tani:kc Awodci ila:sa:la bikosukapcmang ikasangkapc gvto, odokkc Bvk turnamcm bojcrungcm rclatnakupc cmna bikapc gvka.”

METIU 26:28

“Cdcm tv:toka, nolu appvngc; Kapila:nc sc lugoddok ngok i:yyc okodcm bojcru:lok pa:bkvdvngcm mc:yinsunam lcgangc pvlentonc.

JO:N 3:16

Kapila:nc Ru:ncpvncbv mo:pvscm cddvpcjc aipc mc:tonc Bv avkc atcr Awodcm bito, Bvm mc:jvgnc takamci sima:yc cmpige:la turyarla turla du:namcm pa:yc.

JO:N 4:10

Jisubv bvm luto, “No Ru:ncpvnckc amanpc binamdcm kinya:mvlo, odokkc sc:kobvi nom, Asiko tv:pc bi:pcn cmna kodu:song, no Bvm tawuya:pc, odokkc Bv nom turyarla du:nc asidcm biya:pc.”

AGER KVDVNG 15:11

Ckvdaggom ngolu mc:jvgdo:jc ngolum Ru:tum Jisukc ayangkokki moturyc bulum moturarkamcmpc.”

ROMANKVDVNG 5:12

Cdcmpinamc kapc pa:bc mopvso tani: akokokki angka:nc odokkc sinamc pa:b kokki, odokkc tani: appvngc pa:bcm inamkokki sinamc appvng tani:lo:pc angabkang–

ROMANKVDVNG 6:23

Kapila:nc pa:bcm ila ircpa:namdc sinamc, cmpige:la Ru:ncpvnckc cpv:pc binam amandc ngoluk Ru:tum Kristo Jisukolo turyarla turnamdc.

2 KORINTIANGKVDVNG 5:14

Kapila:nc Kristokc aipc mc:namdc ngolum kanggabbomdag, kapila:nc ngolum kinmotag jc akonc appvngkc lcgangc sikang; cdcmpidag appvngc sikang.

2 KORINTIANGKVDVNG 9:15

Ru:ncpvncmc aipai binampc ika:langka Bvk lukurbila:ma:nam amandokki.

IPESIANG KVDVNG 2:8

Kapila:nc ayangkokki nolum mc:jvgkokki mopvttak; odokkc cdc noluk avkc inamkokkimang.

HIBRIUKVDVNG 2:9

Cmpige:la ngolu Jisumc ka:do, sc:kobv adjioko taycng lutad lunckvdv:dcm adjiya:motungai, amin gvnamclang mcnggcma:namkokki migom dumlubcm molvgto sinam du:g kostom gvnamkokki, odomvlo jen Ru:ncpvnckc ayangkokki bv appvngkc lcgangc sinamcm sikvycpc.

1 JO:N 2:2

odokkc Bv:na ngoluk pa:pkvdv:dok lcga:pc mopu:bincdc, odokkc ngolugongkcmang cmpige:la mo:pvsok pa:p appv:dok lcgangc.

1 JO:N 5:11

Odokkc sc:na lukanbinamdc, jc Ru:ncpvncbv ngolum lo:dvlongkvpc turnamdcm bito, odokkc cdc turnamdc Bvk Awodo dung.