ROMANKVDVNG 4:25 - ANU LUGOD N. T. (BSI)

²⁵ sc:komc ngolum imur siyarnamkokki sidopc tolvgtoji odokkc ngoluk aikunam lcgangc turmotokuji.

ROMANKVDVNG 4:25 ပူးပေါင်းရင်းမြစ်များ

1 PITOR 3:18

Kapcnc Kristobv:sin pa:plcganc lckkongko sikang, cdc dormo kancdc dormokama:ncdok lcgangc, jen Bv ngolum Ru:ncpvnckolo:pc langangkupc cmna, adinpc mokelvgla cmpige:la yalodo turmotoku;

GALATIANG KVDVNG 1:4

sc:kobv ngoluk pa:pkvdv:dok lcngangc avdcm tolvgsutoji ngolum aima:nc du:nam dv:takkvdv: sokkcm mopvtpc cmna, ngoluk Ru:ncpvnc odokkc Abudok mcngkampc;

2 KORINTIANGKVDVNG 5:21

Ngoluk lcgangc Bv Bvm pa:p kancpc imoto sc:kobv pa:bcm kintoma:ji, odomvlo jen Bvkkolo ngolu Ru:ncpvnckc dormokancpc iycpc.

1 JO:N 2:2

odokkc Bv:na ngoluk pa:pkvdv:dok lcga:pc mopu:bincdc, odokkc ngolugongkcmang cmpige:la mo:pvsok pa:p appv:dok lcgangc.

1 PITOR 2:24

Bv avdc ngoluk pa:pkvdv:dcm Bvk avkc amvrdo Kurus talc:do jonggcbito, jc ngolu pa:p lcgangc siycpc odokkc dormo kanamlokkcpc turycpc. Bvk tarckvdv:dokki nolum csa:motoku.

IPESIANG KVDVNG 5:2

Odokkc aipc mcnamlo lambcm gvlangka, kapc Kristobv ngolum aipc mc:toji odokkc Bv avdc ngoluk lcgang sigcbitoji, Ru:ncpvnckolo:pc namponc to:lvgnam odokkc palvgnammcmpc.

LUNGOR LUNAM 1:5

odokkc Jisu Kristokolokkc cdc mc:jvg jvrvgnc lukanbincdc, sinckvdv:dok opongarnamdc, odokkc mo:pvsok migomkvdv:dcm ka:sv:mosv:ncdc.

1 PITOR 1:21

Bvkkokki nolukkc Ru:ncpvnckolo mc:pv:namko mc:jvgc dung, sc:kobv Bvm sikolokkc turmotokuji odokkc Bvm amin gvnamdcm bitoji, odomvlo jen noluk mc:jvgclang mc:tinc Ru:ncpvnckolo du:ycpc.

1 KORINTIANG KVDVNG 15:17

Jodi Kristomc turmotokumang, noluk mc:jvgdc mc:murc odokkc nolu su:paksin noluk pa:pkvdv:do dung.

ROMANKVDVNG 8:3

Kapila:nc Ru:ncpvncbv okodcm lujvglurodc, adin amvrdokki ilang gvlangma:mola gerla:toma:ji gerto: Bvk avkc Awodcm mclvgla pa:b inc adinamvrcmpc gcsumola odokkc pa:b lcga:pc, bv adin amvrdo pa:bcm aima:la mokepcnamc cmna luto,

METIU 20:28

Cdcmyam tani:kc Awodci ila:sa:la bikosukapcmang ikasangkapc gvto, odokkc Bvk turnamcm bojcrungcm rclatnakupc cmna bikapc gvka.”

HIBRIUKVDVNG 9:28

cdcmv:pc Kristobv, bojcru:lok pa:p lcgangc lenycku, pa:pkokki imvn gvmvnsupc cmna ilamang cmpige:la cdc sc:kobulu kvnggv:pc mc:tinna toya:la du:nc cdcmbulum mopvtpc cmna.

ROMANKVDVNG 5:18

Odokkc tani: akodok imur siyarki appvng tani:ycm aimang cmna mokkeyampc gvbokang, cdcmv:pc tani:akolok dormokanamki moturnammc odokkc turnamcm appvng tani:lcgang pa:to.

ROMANKVDVNG 3:25

sc:kom Ru:ncpvncbv porasit inckoncmpc bvk i:dokki topolvgtoji, mc:jvgkokki torvgsunamdcmpc. Cdc Ru:ncpvnckc dormo kanamdcm lcngkampc, kapcnc Bvk taycng among oila dunggcnamdokki Bv po:pckc inam pa:b kvdv:dcm gvbo:la gvkang;

LUNGOR LUNAM 5:9

odokkc bulu scmpc lula: lula, anu ni:tomko moto: “No yednam potindcm bompc arc kannc odokkc odok tubjetnam kvdv:dcm mopenpc, Kapcnc nom palvgto odokkc nok i:dokki Ru:ncpvnckc lcgangc tani:kvdv:dcm mogvt momatnamlokkcm rcpvtnato appvng rcngamlokkc odokkc agom lunclokkc odokkc tani:kvdv:lokkc odokkc opvnnokkc.

TITUS 2:14

sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.

GALATIANG KVDVNG 3:13

Kristobv ngolum lujvg lurodok pelvgnamdokkcm rcpvtto, ngoluk lcga:pc pelvgnampc ige:la–Kapila:nc cdcm attak, “Vsv:lo sc:kom ragsa:donc bv pelvgnampc ika:langka.”

LUNGOR LUNAM 7:14

Ngo bvm lubito, “Mcnggcnamma, no kindag.” Odokkc bv ngom luto. “Sc:bulu cdcbulu sc:kobulu cdc bottcru:nc du:g gvnamdokkc gvlennc kvdv:dc; buluk migom gcnam rvbvkvdv:dcm nvpu:to odokkc Me:r Awodok i:do cdcmbulum kampodopc imoto.

2 KORINTIANGKVDVNG 5:15

Odokkc Bv appvngkc lcgangc sikang, jc cdc sc:kobulu turycji buluk avkc lcganc cdvlosin turma:bong cmpige:la Bvk lcgangc sc:kobv buluk lcgangc sikaji odokkc turmotokuji.

GALATIANG KVDVNG 2:20

Ngom Kristokokki kurusdo pvtketo; cdc ngo:ma:bong sc:kobv turdu:ji, cmpige:la Kristobv sc:ko ngokkolo turdu:ji; odokkc ngok adinamvrki turnamdc ngo su:pak Ru:ncpvnckc Awodo mc:jvgdo turdung, sc:kobv ngom aya:tonc odokkc Bv avdc ngok lcgangc bitoji.

HIBRIUKVDVNG 8:3

Kapcnc dormo ager gernc bottcnc appvngcm aman kvdvngcm odokkc palvgcm bidopc tolvgtag; cdcmpidag sc dormo ager gerncscmsin o:kaiko bidopc ipc lagidag.