ROMANKVDVNG 3:28 - ANU LUGOD N. T. (BSI)

²⁸ Kapila:nc ngolu gagdo jc lujvg lurodok agerdok angupcgom tani: akonc mc:jvgdokki ainc cmna ludo.

ROMANKVDVNG 3:28 ပူးပေါင်းရင်းမြစ်များ

TITUS 3:7

cdcmpimilo jen ngolum Bvk aya:pc mc:namkokki aidag cmna luycnc odokkc lo:dv longkvpc turnamlok mc:tomla du:namdok du:ngkonsumvnncpc iycpc.

GALATIANG KVDVNG 2:16

Ckvdaggom sc:ko kindag jc tani:akonc lujvg lurodok agerkvdv:dokki ainc cmna lumang cmpige:la Jisu Kristomc mc:jvgnamdokki, anki ngolu Kristo Jisukolo mc:jvglo, Kristokolo mc:jvgla ainc cmna ludopc, odokkc lujvglurodok agerkvdv:dokki sc:kosin ainc cmna luma:yc.

GALATIANG KVDVNG 3:24

Odomvlojen lujvglurodc Kristobv gvma:dodo:pc ngolum kanggapya:nai, jc ngolum mc:jvgkokki ainc cmna lunampc iycpc cmna.

GALATIANG KVDVNG 3:8

Odokkc Ru:nckc agom jvgla lc:namdc, cdc ka:no:sula Ru:ncbv Bvm kinma:nc tani:kvdv:dcm mc:jvgkokki aidag cmna luyc, po:pcbong Abrahammc tadponc lutaddcm lubino:to, scmpc lula, “Nokkolo tani: opvnkvdv:dc aipaiycm pa:yc.”

JAKOB 2:24

Nolu ka:to jc tani: akoncm agerkvdv:dokki ainc cmna ludag mc:jvgdokkimang.

ROMANKVDVNG 3:26

silomclokc ayirso cdcm arro cmna inamai jc Bv avdci dormokannc odokkc jc Bv ainc cmna ludag sc:kokc Jisukolo mc:jvgc du:ji.

PILIPIANG KVDVNG 3:9

Cdcmpc ipc cmna jc ngo Kristomc avpc pa:pc odokkc bvkkolo pa:supc, ngok avkc dormo kanamkokkimang, lujvg-lurodokki, cmpige:la jc okodc Kristokolo mc:jvgnamkokkipak, Ru:ncpvnckolokkc dormokanamdc cdc mc:jvglo togcsudag.

ROMANKVDVNG 8:3

Kapila:nc Ru:ncpvncbv okodcm lujvglurodc, adin amvrdokki ilang gvlangma:mola gerla:toma:ji gerto: Bvk avkc Awodcm mclvgla pa:b inc adinamvrcmpc gcsumola odokkc pa:b lcga:pc, bv adin amvrdo pa:bcm aima:la mokepcnamc cmna luto,

ROMANKVDVNG 4:5

Odokkc sc:kobv ager germa:nc cmpige:la Bvm mc:tinsudag sc:kobv aima:pc inckvdv:dcm kcbang ba:dagji, bvk mc:jvgdcm dormokanamc cmna kvgabdag.

IPESIANG KVDVNG 2:9

Cdc Ru:ncpvnckc amanpc binamc–ager gernamkokkimang, ckvma:mvlo tani: akomumc bottapc lubonsuycpc.

1 KORINTIANG KVDVNG 6:11

Cmpige:la nolum vrpu:to, nolum narc:pc:scmoto, nolum Ru:tum Jisu Kristokc aminno ainc cmna kcbangcm ba:tobong odokkc ngoluk Ru:ncpvnckc Yalodo.

ROMANKVDVNG 5:1

Cdcmpila:yam, ngolum mc:jvgkokki ainc cmana lunamkokki, ngolukkc ngoluk Ru:tum Kristokokki Ru:ncpvnckolo mcnganc dung.

JO:N 6:40

Kapila:nc sc ngok Abukc mcngkamdc jc sc:kobvi Awodcm ka:doji odokkc mc:jvgdoji Bvm bvkkolo turyarla turnamdcm pa:yc; odokkc bvm ngo du:tcr longcdo sosa:ycku.

JO:N 5:24

Aroru:pc, aroru:pc, ngo nolum lubidung, sc:kobv ngok gomugcm tadge:la Bvm mc:jvgdagnc sc:kobv ngom mclvgtagnc, turyarla turnamc dung; bv kcbang bangkolo gvangkumang, cmpige:la sikolokkc turnamlo:pc gvbatsutokubong.

JAKOB 2:18

Cmpige:la sc:kaiyc luyc, “Nokkc mc:jvgc dung odokkc ngokkc agerc dung.” Nok mc:jvgdcm lcngkantei nok agerdc kama:pc, odokkc ngok agerkokki ngok mc:jvgcm lcngkanyc.

JAKOB 2:20

Nolu lcngkansulv:dagnci, c:i okkomsin kinma:nc tani:ya, ager germa:nam mc:jvgdc:jc okopcsin imang cmna?