ROMANKVDVNG 3:25 - ANU LUGOD N. T. (BSI)

²⁵ sc:kom Ru:ncpvncbv porasit inckoncmpc bvk i:dokki topolvgtoji, mc:jvgkokki torvgsunamdcmpc. Cdc Ru:ncpvnckc dormo kanamdcm lcngkampc, kapcnc Bvk taycng among oila dunggcnamdokki Bv po:pckc inam pa:b kvdv:dcm gvbo:la gvkang;

ROMANKVDVNG 3:25 ပူးပေါင်းရင်းမြစ်များ

JO:N 6:47

Aroru:pc, aroru:pc, ngo nolum lubidung, sc:kobv mc:jvgdagnc turyarla turnamc dung. Ngo:na turnamsok donamdc.

AGER KVDVNG 14:16

Leketo:dvkc opvn kvdv:dcm ope:appv:dcm buluk av avkc gvlvngko lambckvdv:do:pc gvmoto;

AGER KVDVNG 15:18

Ru:tumbv ludag, sc:kobv sc attarkvdv:scm lekelokkcbong kinabmotoji.’

AGER KVDVNG 17:30

kinma:pc du:nam ayirdcm Ru:ncpvncbv mc:yinsutobong, cmpige:la su:pak appv:lo Bv tani: appvngcm asin mcdvrla mc:latsutokuka cmna lulvgcm ludag,

AGER KVDVNG 2:23

Ncrkvgpc tarung ru:namdcmpc topaklvgto odokkc Ru:ncpvnckc kinpo:namdcmpc, nolu Kuruslo pvtjonto odokkc lujvgluro kinma:nc tani:kvdv:dok alakki moketo.

AGER KVDVNG 3:18

Cmpige:la Ru:ncpvncbv okodcm nappangki lutonc appvng lungornc tani:kvdv:dok agomcm, jc Bvk Kristobv mogvtmomatdcm mopvnammc pa:pcnammc, Bv cdcm lukamdcmpc imoto.

AGER KVDVNG 4:28

nok alagc odokkc nok mcngkampc iycpc cmna ru:no:tagaji.

ROMANKVDVNG 2:4

Cdcmanggom no mc:ya-mc:sala mcngka:la ka:donci Bvk cddvkojc ayang-abodcm odokkc mentumsula du:namdcm? No kinma:nci jc Ru:ncpvnckc ayang-abodc nom asin mc:dvrra mc:latsudokupc mc:modag cmna?

ROMANKVDVNG 3:26

silomclokc ayirso cdcm arro cmna inamai jc Bv avdci dormokannc odokkc jc Bv ainc cmna ludag sc:kokc Jisukolo mc:jvgc du:ji.

ROMANKVDVNG 5:1

Cdcmpila:yam, ngolum mc:jvgkokki ainc cmana lunamkokki, ngolukkc ngoluk Ru:tum Kristokokki Ru:ncpvnckolo mcnganc dung.

ROMANKVDVNG 5:11

Cdcmo:pcmang, cmpige:la ngolusin, Ru:ncpvnckolo mc:podo ngoluk Ru:tum Jisu Kristokokki sckkokki ngolu su:pak ngoluk lckokunamcm pa:tokuji.

ROMANKVDVNG 5:18

Odokkc tani: akodok imur siyarki appvng tani:ycm aimang cmna mokkeyampc gvbokang, cdcmv:pc tani:akolok dormokanamki moturnammc odokkc turnamcm appvng tani:lcgang pa:to.

ROMANKVDVNG 5:9

Odokkci, cdcmpinamc, ngolu su:pak bvk i:kokki ainc cmna lunamc, Ru:ncpvnckc aglv:dokkc bojcrungko ngolum mopvtyc.

1 KORINTIANG KVDVNG 5:7

Cdc aku kormira:dcm mopu:toka nolujen anu alumpc iycpc, nolu aropakpc komirang go:sa:ma:ncpc ila:yam. Kapila:nc Kristobv ngoluk gvpvtsula gvkunamdok me:r awodcm, palvgto.

2 KORINTIANGKVDVNG 5:21

Ngoluk lcgangc Bv Bvm pa:p kancpc imoto sc:kobv pa:bcm kintoma:ji, odomvlo jen Bvkkolo ngolu Ru:ncpvnckc dormokancpc iycpc.

IPESIANG KVDVNG 1:7

Bvkkolo ngolukkc arc bila rcpvtnammc Bvk i:dokki dung, ngoluk imurgvmurkvdv:dok lcgangc mc:yinsunamc,

IPESIANG KVDVNG 2:13

mo:pvso oko mc:tincsin kama:pc odokkc Ru:ncpvnc kama:pc.

1 TIMOTI: 1:15

Lunamdc arorungc odokkc torvgsupc arckannc, jc Kristo Jisubv papi:kvdv:dcm moturkapc mo:pvso:pc gvka.

HIBRIUKVDVNG 10:4

Kapcnc cdcmpc ila:mang jc vbo so:bolok odokkc sobennok i:kokki pa:bcm la:pakla:namdc.

HIBRIUKVDVNG 11:14

Kapcnc tani:kvdv:dc sc:kobulu cdcmpc agom ludonc cdcm kinapmodag jc bulu okum dungko amongko mala dungai.

HIBRIUKVDVNG 11:17

Mc:jvgkokki Abrahambv, cdvlo bvm ankang kangkvtoji, Isahakmc bipakto, odokkc bv sc:kobv pesunamdcm tolvgsutonc bvk atcrong awodcm bipakpc mosv:suto, sck agomcm cdcm lutonc,

HIBRIUKVDVNG 11:7

Mc:jvgkokki Noabv, Ru:ncpvncbv luno:la ansudopc lula a:pcnc agom kvdv:dokkc okodcmbulum ka:begmangaji, aropc ansuto odokkc ollungcm pato bvk cra:dcm turbonapc cmna; odokki Bv rcngamscm aisi:mang cmna kcbang ba:to odokkc dormo kanamlok dungkonsunckopc ikang okodc mc:jvgkokki ika:ji.

HIBRIUKVDVNG 9:28

cdcmv:pc Kristobv, bojcru:lok pa:p lcgangc lenycku, pa:pkokki imvn gvmvnsupc cmna ilamang cmpige:la cdc sc:kobulu kvnggv:pc mc:tinna toya:la du:nc cdcmbulum mopvtpc cmna.

HIBRIUKVDVNG 9:5

odok tayc:do amin gvnclok alapkanc taycng among lutadnc mc:yinsunam tedgc:dc ugyumdopc lapkombomto. Sc attarkvdv:sok agomcm ngolu su:pak appv:dcm lulenlanggom lungapla:mang.

1 JO:N 1:10

Ngolu jodi luyc ngolu pa:bcm imang, ngolu Bvm lume:lunckopc ludo, odokkc Bvk gomugdc ngolukkolo du:mang.

1 JO:N 2:2

odokkc Bv:na ngoluk pa:pkvdv:dok lcga:pc mopu:bincdc, odokkc ngolugongkcmang cmpige:la mo:pvsok pa:p appv:dok lcgangc.

1 JO:N 4:10

Odo aipc mc:namdo ngolujc Ru:ncpvncmc aipc mc:to cmmang cmpige:la jc Bv ngolum aipc mc:to odokkc Bvk Awodcm ngoluk pa:p lcngangc palvgnapc inapc cmna.

LUNGOR LUNAM 1:5

odokkc Jisu Kristokolokkc cdc mc:jvg jvrvgnc lukanbincdc, sinckvdv:dok opongarnamdc, odokkc mo:pvsok migomkvdv:dcm ka:sv:mosv:ncdc.

LUNGOR LUNAM 13:8

odokkc sc:kobulu mo:pvso du:nc dagnc appv:dc cdcm kumyc cd palvgnam Awome:rdok turnc potindo rcngamscm mosa:ma:dapc sckkc sckkc amincm adtonc.

LUNGOR LUNAM 20:15

odokkc jodi akonkc amincm turnckvdv:dok potindo pa:tomang, bvm siycngcmpinc vmv pa:ta:do cryi:lvgto.

LUNGOR LUNAM 5:9

odokkc bulu scmpc lula: lula, anu ni:tomko moto: “No yednam potindcm bompc arc kannc odokkc odok tubjetnam kvdv:dcm mopenpc, Kapcnc nom palvgto odokkc nok i:dokki Ru:ncpvnckc lcgangc tani:kvdv:dcm mogvt momatnamlokkcm rcpvtnato appvng rcngamlokkc odokkc agom lunclokkc odokkc tani:kvdv:lokkc odokkc opvnnokkc.