ROMANKVDVNG 3:22 - ANU LUGOD N. T. (BSI)

²² Ru:ncpvnckc dormokanamdc Jisu Kristom mc:jvgnamkokki appvngkc lcgang sc:kobulu mc:jvgdagji. Kapila:nc angupc lcngkannammc kamang;

ROMANKVDVNG 3:22 ပူးပေါင်းရင်းမြစ်များ

LU:KKC 15:22

Ckvdaggom abudc bvk ager gerya:nc kvdv:dcm lulvgto, ‘Mcna:pc migom gcnam aiyangarnc gcnamdcm la:tok, odokkc bvm cdcm molvgtok; odokkc bvk alagdo angoti:ko molvgtok, alcdo lcyugko;

AGER KVDVNG 11:12

Odokkc Yalodc ngom buluk lcdulo gvmvndopc luto, o:kosin angupc mc:mvnsuma:pc. Sc bvro akkc:sc:sin ngom gvbosuka, odokkc ngolu cdc tani:dok okumdo:pc gva:to.

AGER KVDVNG 15:9

Odokkc Bv bulukkoloklang ngolukkolok oko angucmsin du:motomang, cmpige:la buluk asinkvdv:dcm mc:jvgkokki mopu:to.

AGER KVDVNG 3:16

Odokkc bvk amindc, bvk amindcm mc:jvgkokki, sc aminscm tormotoku sc:kom nolu ka:begdu:nc odokkc kindu:nc; odokkc Jisukokki mc:jvgnamdc:na okodc sc amiscm aiyo:pc ainc amvr-ammom bitokunc noluk appvngkc kcra:do:pc.

ROMANKVDVNG 1:17

Kapila:nc Ru:ncpvnckc dormo kanamdc mc:jvgkokki mc:jvglcgangc lenkang; cdcm kapc adla lc:tagji, “Sc:kobv mc:jvgki dormokadagaji turyc.”

ROMANKVDVNG 10:12

Kapila:nc angupc lunamc okkosin kamang Jiwukvdv:doklang Girikdok; cdc Ru:tumv:dc appv:lok Ru:tumdc odokkc Bvk mitcmircmcm Bvm gognc appv:dcm bidag.

ROMANKVDVNG 10:4

Kapila:nc Kristobv lujvglurodok du:tcrc, jc appvngc sc:kkci mc:jvgc du:ji dormokadag cmna luycpc.

ROMANKVDVNG 2:1

Cdcmpidag nolum mcma:yc, C:i taniya, no sc:kovcidaggom, cdvlo no sc:koiycm kcbangcm ba:doji; kapila:nc bvm kcbangcm ba:dodcm no avycm avyc aima:nc cmna lukesuto, kapila:nc, kcbang ba:nckvdv:dc, cdc agerv:dcm ila dung.

ROMANKVDVNG 3:30

C:, Angu tani:kvdv:dokkcsin, Ru:ncpvncbv akkongkola:yam; odokkc Bv gadpuknam kvdv:dcm ainc cmna luyc buluk mc:jvgnam kvdv:dcm ainc cmna luyc buluk mc:jvgnam lcgangc odokkc gadpuknam kvdv:dcm buluk mc:jvgnamkvdv:dokki.

ROMANKVDVNG 4:16

Cdcmpila:na cdc mc:jvgdok togc:dagnc, odomvlojen pesunamdc aya:lo du:ycpc odokkc bvk ope:ncgvng appv:dcm bito–lujvglurodc lukamdcmpc tannomang cmpige:la bulu Abrahamkc mc:jvgdokki mc:jgnckvdv:dcmsin, kapila:nc bv appv:lok abbo, cdcm adla lc:namdcmpc,

ROMANKVDVNG 8:1

Cdcmpila odo kcba:ba:la mokenammc kama:bong cdc sc:kobulu Kristo Jisukolo du:ji.

ROMANKVDVNG 9:30

Okkomna cmpcmvlo ngolu luycn? Ru:ncmc kinma:nc kvdv:dc sc:kobulu dormo agomcm mama:nc kvdv:dc cdcm pa:to, cdcna, dormo agomcm mc:jvgkokki;

1 KORINTIANG KVDVNG 12:13

Kapila:nc Yalo akodokki ngolu appvngc amvr akodc baptismongcm langka–Jiwudaggom cdcmanggom Girikdaggom, pagbodaggom cdcmanggom avkc mc:supc du:ncdaggom–odokkc appv:dcm Yalo akkongkolok tv:moto.

1 KORINTIANG KVDVNG 4:7

Kapila:nc sc:ko nolukkolo atvko anguko ka:begdang? Nolukkc okko du:n nolu okodcm pa:toma:ji? Nolu cdcm pa:tomvlo, kapila nolu bottapc mansudon cdc aman kama:ncpc?

GALATIANG KVDVNG 2:16

Ckvdaggom sc:ko kindag jc tani:akonc lujvg lurodok agerkvdv:dokki ainc cmna lumang cmpige:la Jisu Kristomc mc:jvgnamdokki, anki ngolu Kristo Jisukolo mc:jvglo, Kristokolo mc:jvgla ainc cmna ludopc, odokkc lujvglurodok agerkvdv:dokki sc:kosin ainc cmna luma:yc.

GALATIANG KVDVNG 2:20

Ngom Kristokokki kurusdo pvtketo; cdc ngo:ma:bong sc:kobv turdu:ji, cmpige:la Kristobv sc:ko ngokkolo turdu:ji; odokkc ngok adinamvrki turnamdc ngo su:pak Ru:ncpvnckc Awodo mc:jvgdo turdung, sc:kobv ngom aya:tonc odokkc Bv avdc ngok lcgangc bitoji.

GALATIANG KVDVNG 3:22

Cmpige:la Ru:nckc agom jvggabdc appvng atvcm pa:plokkcpc tubjedcm tublvgtobong, jc Jisu Kristokolo okodcm pesubitonc cdcm sc:kobulu mc:jvgdagnc cdcmbulum biycpc cmna.

GALATIANG KVDVNG 3:28

Jiwucba: Girikko odo kamang, pagbokoba: motunamko kamang, milbongkoba: nc:vgko kamang; kapila:nc nolu appvngc Kristo Jisukolo akkongc.

IPESIANG KVDVNG 3:12

sckkolo ngolukkc asin pvtala du:namc odokkc asin kvnggv:nammc du:ji Bvkkolo ngolukkc mc:jvgc kcra:pc gva:nanc du:la.

PILIPIANG KVDVNG 3:9

Cdcmpc ipc cmna jc ngo Kristomc avpc pa:pc odokkc bvkkolo pa:supc, ngok avkc dormo kanamkokkimang, lujvg-lurodokki, cmpige:la jc okodc Kristokolo mc:jvgnamkokkipak, Ru:ncpvnckolokkc dormokanamdc cdc mc:jvglo togcsudag.

KOLOSIANG 3:11

Sido Girikkolang Jiwukopc ilangcima:bong, gadpuknammclang odokkc gadpukma:namc, okkomsin kinma:nc tani:yc, Skiti:yc, pagbo, moge:lvgnam tani:yc, cmpige:la Kristobv appvngc, odokkc appv:lo.

JAKOB 2:23

odokkc astrong agerdc lukamdcmpc ikang okodc ludagji, “Abrahambv Ru:ncpvncbvm mc:jvgto, odokkc cdcm bvkkcpc dormokanampc adgabto;” odokkc bvm Ru:ncpvnckc ajonpc gogto.