ROMANKVDVNG 16:27 - ANU LUGOD N. T. (BSI)

²⁷ Kinnc-pa:nc Ru:ncpvnc akko:dokkc aminc gvka:langka Jisu Kristokokki lo:dv-longkvpc! Amen.

ROMANKVDVNG 16:27 ပူးပေါင်းရင်းမြစ်များ

ROMANKVDVNG 11:36

Kapila:nc Bvkkolokkc odokkc Bvkkokki odokkc Bvkkolo:pc appvng attarkvdv:dc. Lo:dvscm Bvkkolo:pc amin gvnamdc dungka:langka! Amen.

IPESIANG KVDVNG 3:10

Jc mondoli:dokki Ru:ncpvnckc bojcrungkopc inc kinnamdcm jen su:pak kinmoycpc migom doko mo:pvkvdv:do odokkc ilang-gvlang kvdv:do taycng dungkokvdv:do.

PILIPIANG KVDVNG 4:20

Ngoluk Ru:ncpvncbv odokkc Abubv lo:dv longkcm amin gvka:langka. Amen.

1 TIMOTI: 1:17

Dv:takkvdv:dok migomdo:pc, sima:nc, ka:begma:nam, Ru:ncpvnc akko:dc, mcnggcma:namclang amin gvnamc lo:dv-longkv lo:dv longnkvpc dungka:langka. Amen.

1 TIMOTI: 6:16

sc:kobv atcro:do sima:nammc du:ji odokkc ka:rvgsula:ma:nam pva:lo du:doji, sc:kom oko tani:ycsin cdvlosin kangkvma:nc cdcmanggom ka:la:ma:nc. Bvkkolo:pc mcnggcnammc odokkc lo: dv-longkvpc migom donamc dungka:langka. Amen.

2 TIMOTI 4:18

Ru:tumbv ngom appvng aima:nclokkc moturyc odokkc Bvk taycng dungkodok lcgangc mopvtag. Bvkkcpc amin gvnamdc ika:langka lo:dv-longkcm. Amen.

HIBRIUKVDVNG 13:15

Cmpcmvlo kajc Ru:ncpvnckolo:pc aipai bila Bvkkokki mcma:pc palvgnamko bila:jc, cdcyam, nabbersok appv-a:ycko Bvk amincm lukansuncko.

HIBRIUKVDVNG 13:21

nolum appvng ainc attarkokki mosv:dag jc nolu Bvk mcngkamcm iyc-gvycpc, noluk ara:lo gerla jc okodc bvkkcpc kapc ka:podagji, Jisu Kristokokki; sckkcpc bv amin gvnamc lo:dv-longkvlokkcpc gvpcnammcji. Amen.

1 PITOR 2:5

odokkc turnc vlvngkoncmpc nolu av-avkvdvngc dormokanam yalokvdvng okumpc mosa:toka, angunnc dormo ager gerncpc, dormokanam yalolok palvgnampc bulu Jisu Kristokokki Ru:ncpvnckolo bisula:dopc.

2 PITOR 3:18

Cmpige:la ngoluk Ru:tumkc odokkc Mopvtnc Jisu Kristokc ayangki odokkc kinnamki sv:sa:toka. Bvkkcpc su:paksin odokkc lo:dv-longkvpc amin gvka:langka! Amen.

JU:D 1:25

ngoluk Mopvtnc Jisu Kristokc ngoluk Ru:tumkolo:pc, amin gvnamc, migang ga:namc, motapnammc, odokkc migomdonamc, appvng ayirdok po:pcbong odokkc su:pak odokkc lo:dv longkvpc-ika:langka. Amen.