ROMANKVDVNG 16:18 - ANU LUGOD N. T. (BSI)

¹⁸ Kapila:nc cdcmpinc tani:yc ngoluk Ru:tum Kristokc agercm germang, cmpige:la buluk avkc aki: lcgangc, odokkc tadyumnc agomki odokkc lume:pc lubonna lunam agomki bulu mcngano:pc mc:nc tani:kvdv:dok asincm yaddag.

ROMANKVDVNG 16:18 ပူးပေါင်းရင်းမြစ်များ

METIU 24:11

Odokkc bojcrungko Ru:nckc agomcm lume:pc lungornc lenna odokkc bojcrungko gvmurla gvyodboyc.

METIU 24:24

Kapila:nc lume:lunc Kristo odokkc Ru:ncpvnckc agom lume: lungornc tani:yc lenyc odokkc bottcru:nc kanggodcmbulum odokkc mcngapla:ma:nam agercmbulum lcngkanyc, cdcmpc gvmurra gvyodbopc cmna, pagmvlo, agom tadjvgla gvmvnnc balenna lc:namkvdv:dcmci.

METIU 6:24

“Sc:kosin ru:tum anyilok agom tadla agercm gerbila:mang; bv akoncm tayumyc odokkc akondcm aipc mc:yc, cdcmanggom akondc aipakpc mc:yc odokkc akondcm aima:pc mc:la mcpakyc. Nolu Ru:ncpvncmc odokkc murkong uidok agercm lckko:pc gerra:mang.

METIU 7:15

“Lume:ycm lungorla lunc tani:kvdv:dcm ansuka:sulangka, sc:kobulu nolukkolo:pc bera soben galugcm gcge:la gva:dagnc cmpige:la asin ara:bo gamke:nc ra:m iki:ycnc.

JO:N 12:26

Sc:koiyc ngok mcngkam agercm germvlo, bv ngok lcdulo gvmvnru:pa:yc, odokkc ngo okolo du:ycji, odo ngok ager gerya:nckvdv:dc:sin; sc:koiyc ngok agercm germvlo, Abubv bvm mcngcyc.

ROMANKVDVNG 14:18

sc:kobv cdcmpc Kristokc agercm gerdoji Ru:ncpvnckc torvgsupcnammc odokkc tani:kvdv:dc aidag cmna tolvgdag.

ROMANKVDVNG 16:19

Kapila:nc cdvlo noluk lukam tadnamdcm appvngc kinto, cdcmpc imvlo jc ngo ngolukkolo mcpo:lvgyc ngo nolum kinna agamnc tani:kopc pa:ya:pc okodc aidagji odokkc ajcng kama:ji okodc aima:ji;

2 KORINTIANGKVDVNG 11:3

Cmpige:la ngo pcsodag jc tabvdc kapc I:bmc bvk aimangkokki, noluk mc:namsagnam kvdv:dokkcm gvyotboyc Kristomc mc:jupla odokkc angunpc kumnamdokkcm.

2 KORINTIANGKVDVNG 2:17

Kapila:nc ngolu, bojcrungkcmpc, Ru:ncpvnckc agomcm tvryot tvrmatmoncpc imang; cmpige:la mc:jupmcngkappcnc tani:ycmpc innc, Ru:ncpvnckc togc:lvgnamcmpc innc, Ru:ncpvnckc kangkolo ngolu Kristokokki agom ludo.

2 KORINTIANGKVDVNG 4:2

Ngolu anyv:pcnam, lc:sila gernam lambckvdv:dcm mcpagamtobong; ngolu Ru:ncpvnkc agomlo aima:n agercm cdcmanggom lutcmlubangcm luge:ma:bong cmto cmpige:la aropc lunam mo:rong agomdokki ngolu av avyc appvng tani:lok mc:nam sagnamcm aidag cmna Ru:ncpvnckc kangkolo luyc.

GALATIANG KVDVNG 1:10

Ngo su:pak tani:lok mclvgbinamcm madu:nci, cdcmanggom Ru:ncpvnckolokkcm? Cdcmanggom ngo tani:ycm mc:lvgsumopc cmna ikvdu:nci? Ngo tani:ycm su:paksin aipc mc:lvgsumodu:mvlo, ngo Kristokc ager gerya:ncpc ipcma:namc.

PILIPIANG KVDVNG 2:21

Bulu appvngc avkc av mala aipc mc:namcm kanggo:dag, Jisu Kristokcmang.

PILIPIANG KVDVNG 3:19

Buluk itcrsingapdc mopenmorenc, buluk Ru:ncpvncdc aki:dc, odokkc buluk anyi:pcnamdo bulu bottapc asincm mc:sudo, asinkvdv:dokki mo:pvsok attarkvdv:dcm mcnggo:bomdag.

KOLOSIANG 2:4

Ngo scm ludung jc nolum sc:kosin yadla agomki yadpcnammang.

KOLOSIANG 3:24

kinna jc Ru:tumkolokkcm nolu pangkonsupcnamdcm noluk amanpc, nolu Ru:tum Kristokc agercm gerdung.

2 TISSALONIANG 2:10

Odokkc appvng aima:nc yadnamc cdc sc:kobulu singapkupcncji buluk lcgangc, kapila:nc bulu arodcm aipc mc:pc mc:lv:tomang odokkc cdcmpila turpc.

1 TIMOTI: 6:5

odokkc tani:kvdv:dok ara:do agomcm luker luyermvnsula sc:kobulu asinbo aisi:ma:pc idagji odokkc bojc longcko arolo du:ma:ji, mcngkvla ka:dagjc dormokala du:namdc atvko la:bpc pa:namc.

JAKOB 1:1

Jakobbv, Ru:ncpvnckclang Ru:tum Jisu Kristokc ager gerya:ncko. Vyvngkolang anyi ope: Dugpitsula du:nckvdvngdo:pc: Kumtadsudung.

2 PITOR 2:3

Odokkc buluk dorv-donyoki bulu nolum lume:pc lunam agomki mu:rugyc; lekelokkcbong bulum kcba:ba:la mokekupcnam cmnamdcm cmmumpc imangai; odokkc buluk momvgmosvgnamdc kinma:pa:ma:pc ila du:mang.

JU:D 1:1

Ju:dbv, Jisu Kristokc ager gerya:nc odokkc Jakobkc bvrro– Cdc sc:kobulum gogtagji bulukkolo:pc, Ru:ncpvnckolo odokkc Abudo aipc mc:bomsunamdo odokkc Jisu Kristokcpc lc:nam kvdv:do:pc:

JU:D 1:12

Cdcbulu aisi:ma:nc imur-gvmurc noluk aipc mc:mvnsula donamtv:nam kvdv:do, kapc bulu bottcpc jcngka:mvnsudag, akoncm akonc ka:mvngo:la bulu avavkvdv:dc; aisi:ma:nc mukkangcbulu, csarki yugo:bomnamc; lcddarpc bvrduglok a:yc kama:nc vsvngc, lcnyikopc sinnc, appvrcm busa:nammc;

JU:D 1:16

Cdcbulu ngvr ngvrainc, mc:tv:suma:nc migom birudi:pc, buluk avkc mcngkam gvkampc incgvnnc, bottcpc nappangc bc:la lubonna lusunc, atv arcko pa:pc cmna tani:kvdv:dcm luyumlupola.

LUNGOR LUNAM 1:1

Jisu Kristokc lungor lukannamdc, okodcm Ru:ncpvncbv bvm bitungaji Bvk ager gerya:nc kvdv:dcm lcngkanpc okodc mcna:pc lenycru:ji; odokkc Bvk ager gerya:nc Jo:nkolo:pc mclvgla:yam, Bvk taycng among lutadlunckvdv:dcm Bv cdcm kinabmoto.