ROMANKVDVNG 16:17 - ANU LUGOD N. T. (BSI)

¹⁷ Ngo nolum kumna ludung, bvrokvdvnga, cdc sc:kobulu agomcm luyot-lumatla odokkc aima:pc imodagnc bulum kanggablang, nolum lubinam ncrkvg agom kvdv:dcm nolum lu:latpc luyirnamkvdv:dokkcm; bulum mcpaklang.

ROMANKVDVNG 16:17 ပူးပေါင်းရင်းမြစ်များ

METIU 18:17

Bv bulumsin tadma:mvlo, cdcm mondoli:ycm lubilang; odokkc bv mondoli: agomcmsinci tadma:mvlo, bv nolukkcpc amikc opvncmpc odokkc migom bipcnam murkong urkumnc akoncmpc imolang.

METIU 18:7

“Pa:p du:la:yam ankangkangkvnam kvdv:dok lcgangc rcngamsokkcpc mc:dvr-mc:so:pcnamc! Kapia:nc unkangkangkvnamdc a:ycrung, ckvdaggom sc:kobvi mc:boka:bonammc a:dagnc cdc tani:dc mc:dvrmc:so:pcnamc!

METIU 7:15

“Lume:ycm lungorla lunc tani:kvdv:dcm ansuka:sulangka, sc:kobulu nolukkolo:pc bera soben galugcm gcge:la gva:dagnc cmpige:la asin ara:bo gamke:nc ra:m iki:ycnc.

LU:KKC 17:1

Odokkc Bvk agom tadjvgla gvmvnnc tani:kvdv:dcm Bv luto, “Pa:bcm ilv:nammc aroru:pc a:ycrung, ckvdaggom sckkokki cdcbulu a:dagji bv mc:dvrpcnamc!

AGER KVDVNG 15:24

Nolum agomkokki ngolukkosok tani:ckkcnc mc:dvrmcso:moto cmna ngolu tadla:yam, noluk asinkvdv:dcm mc:sat-sula:ma:la, ngolu bulum oko luyircmsin lukailvgmanggom,

1 KORINTIANG KVDVNG 11:18

Kapila:nc dunga:pc du:dodcm cdvlo nolu mondoli:pc gvkumsudonc, ngo tadbegdag jc noluk ara:do angu angunammc dung; odokkc ngo cdcm asudowko mc:jvgdo,

1 KORINTIANG KVDVNG 3:3

Kapila:nc nolu su:paksin adinamvrdokkc. Kapila:nc cdvloi ncka:mvnsunammclang pamvnsunamc nolukkolo du:ji nolu adin amvrdokkcma:lang, odokkc cmmum tani:ycmpc ima:sa:ma:lang?

GALATIANG KVDVNG 2:4

Cmpige:la lume:lunc bvrrangcm kinmango:pc gva:bola, sc:ko ngo mcngkampc du:namcm ruyugla tadlenpc cmna gva:tonc okodc ngolukkc Kristokolo du:ji, jc bulu ngolum makana:lo tumla:dopc cmna–

PILIPIANG KVDVNG 3:17

Bvrokvdvnga, ngok gerkolo ka:yv:sula germvntoka, odokkc cdc sc:kobulu nolukkcmpc du:dagnc ngolukkolo lukannammcmpc idopc kanggaplangka.

KOLOSIANG 2:8

Cdcm ka:tok jc nolum sc:kosin asin kangkurla kinnam agom odokkc cpv:pc yadnamlok ki:rugpc rugkosuyoka, tani:kvdv:dok lutcng gvtcngkvdv:dcmpc, mo:pvsok ncrkvg yalokvdv: dokkcmpc, odokkc Kristokcdcmpc ima:pc.

2 TISSALONIANG 3:6

Su:pak ngolu lulvgdung nolum, bvrokvdvnga, ngoluk Ru:tum Jisu Kristokc amino, jc nolu lo:bagla du:nc bvro akonmumlokkc angupc du:langka odokkc itcng-gvtc: dokkcmpc cdc nolu ngolukkolokkcm pa:namdcmpc.

1 TIMOTI: 1:3

Kapc ngo nom lugablvgla lukanc cdvlo ngo Makedoniangdo:pc gvdungaji, Ipesu:do dungge:la, jc no kapin tani:yckkcm angu angupc astrong agomcm luyirma:pcka cmna lujcmlangka,

2 TIMOTI 3:5

dormo incpc ido cmpige:la odok ilang-gvla:dcm lupaksunnc. Cdcmpinc tani:kvdv:dcm jonsuyok.

TITUS 3:10

Kapc milbong tani:lokkcpc sc:kobv kcvgpc mc:doji, bvm lckomam lcnyikopc lusvngge:la, bvkkokki okkomsin ipcnam kama:bong odokkc kinna jc cdcmpinc tani:dc gvyodla gvnnc odokkc pa:pkannc;

1 JO:N 2:19

Bulu ngolukkolokkc gvlenpakkang, cmpige:la bulu ngolukkcmangai; kapcnc bulu ngolukka:mvlo, bulu ngoluk lcdulo du:mvntvya:pc; cmpige:la bulu gvlenkang, jc cdc kinpoycpc cmna jc bulu ngolukkcmang.

JU:D 1:19

Odobulu sc:kobulu angunammcm angumodagnc, mo:pvsok tani:kvdv:dc, yalodokkc gvpakdag.