ROMANKVDVNG 15:15 - ANU LUGOD N. T. (BSI)

¹⁵ Cmpige:la agom asudkolok lcgangc ngo nolum adtung mc:pa:mokunam lambcki airu:pc migang ga:la adto,

ROMANKVDVNG 15:15 ပူးပေါင်းရင်းမြစ်များ

ROMANKVDVNG 1:5

sckkokki ngolu ayangcm pa:toji odokkc appvng ope:lo:pc bvk amin lcgangc mc:jvgdok lukampc gvdopc mclvgla ager gerncpc ila lubidopc,

ROMANKVDVNG 12:3

Kapila:nc ngom binam ayangabodokki nolukkolok appvngcm lulvgko lulvgdung av avyc cddvko mc:pcnammcji cdcmyam mc:ya:ma:dopc, cmpige:la mc:jupmcngkabo:pc kcbangcm ba:la mcdopc, appvngcm Ru:ncpvncbv bvm mc:jvgcm mc:monam mc:dopc binamdcmpc.

ROMANKVDVNG 12:6

Amanc aya:dokkcmpc angu angupc du:la ngolum binamdcm, kajc ngolu cdcm ager germolai: lungor lunamkomvlo, ngoluk mc:jvgnamdcmpc; ager gernamkomvlo, ngoluk agergernamlo;

1 KORINTIANG KVDVNG 15:10

Ckvdaggom Ru:ncpvnckc ayangkokki ngokkc ngo sc:kobv:ji, odokkc ngokkolo:pc Bvk aya:dc cmmumtomangai. Odok luyotpc, buluk akoncmmam akoncm agercm torya:pc gerto, cdc ngo:manggom, cmpige:la Ru:ncpvnckc aya:dc okodc ngokkolo dungaji.

1 KORINTIANG KVDVNG 3:10

Ngom Ru:ncpvnckc ayangabbom bikamdcmpc, aipc kangkanpc mojo:nc okum monncmpc ngo mosangkoko mogablvgto, odokkc akon tani:konc odok taycdo mosetdung. Appvng tani:ycm bvkkc bvkkc monamcm ka:sv:sumotoka.

GALATIANG KVDVNG 2:9

Odokkc cdvlo bulu ngom binam aya:dcm mcngkinto, Jakobbv:lang Kepa:bv odokkc Jo:nbv, sc:kobulu vlvng kuntc cmna bottcru:pc amin gvdaganc, ngomna Barnaba:mc ajon jonsunamdok lagbvg alagdcm bito, jc ngo Ru:ncmc kinma:nc tani:kvdv:do:pc gvpcnammc odokkc bulu gadpuknam kvdv:do:pc;

1 TIMOTI: 4:6

Jodi nolu sc luyir lunamkvdv:scm bvrokvdv:dok kcra:do lc:biyc nolu Jisu Kristokc ainc migom ager gerncpc iyc, mc:jvglok agomlo mosv:momola odokkc ainc lukam agom okodcm nolu tadla gvmvntoji.

2 TIMOTI 1:6

Cdcmpidag ngo nom mc:pa:modungku cdcm Ru:ncpvnckc aman binamdcm lckoda dorsa:modokupc cdc nokkolo ngok alak pigapnamdokki du:namdcm.

2 TIMOTI 2:14

Scmbulum bulum mc:pa:motokuka, odokkc Ru:tumkc kcra:lo sanggabla lutoka gomug luker-luyermvnsunammcm mcdopc, okodc atv aincmsin ima:ji, cmpige:la tadncdcm momvgdag.

TITUS 3:1

Bulum migom donc kvdvng odokkc kanggabdaggabnc kvdv:dok agom lulvg tadkampc du:dopc mc:pa:dopc lutoka, agom taddopc, atv mcnggcnam ager lcgangc mosv:sula du:dopc, sc:komsin aima:nc agomcm luma:dopc,

HIBRIUKVDVNG 13:22

Ngo nolum kumna:sola: ludung, bvrrangkvdvnga, ngok lujvgpc luyirra lunam agom kvdv:scm mcnggcmvntoka, kapcnc ngo nolukkolo:pc andcngo:pc attobong.

1 PITOR 5:12

Silbanu kolokkc, aipc mc:jvg jvrvgnc bvrokopc kapc ngo mcnggabdagnc bvm, ngo nolukkolo:pc andcngo:pc adtobong, luyirra lula odokkc lulenbila jc cdc Ru:ncpvnckc aropc ayangdc; oddong nolu du:di:di:la du:toka.

2 PITOR 3:15

Odokkc ngoluk Ru:tumkc mentumsula du:tedpo:la du:namdcm mopvnammc cmna kvlangka. Cdcmv:pc ngoluk aipc mc:bomsunam Bvro Poulbv:sin nolukkolo:pc bvm kinnam agom binamdcmpc adka,

1 JO:N 5:13

Ngo scm nolukkolo:pc addung sc:kobulu Ru:ncpvnckc Awodok aminno mc:jvgdagji, jc nolu kinycpc jc nolukkc lo:dvlongkvpc turnamc dung.