ROMANKVDVNG 15:1 - ANU LUGOD N. T. (BSI)

¹ Ngolu sc:kobulu ilang gvla:dagji rcmagnc kvdv:dcm gerdumsupcnammc, odokkc ngolu avyc avycm aipc mc:tvngsupcnammang;

ROMANKVDVNG 15:1 ပူးပေါင်းရင်းမြစ်များ

1 TISSALONIANG 5:14

Odokkc ngolu nolum luyircm ludung, bvrokvdvnga, lo:bagnckvdv:dcm luyirrang, Pcsonckvdv:dcm asincm bottcpc mc:molang, bo:lkama:nckvdv:dcm idumgvdumsulang, bulu appv:dok lcdulo mentvlang.

ROMANKVDVNG 14:1

Sc:kobv mc:jvgnamdok mc:nam gvnam rcmagdagji cdc tani:dokkcpc, bvm gogrvgsutok, cmpige:la agom mcngkamdcm luker-luyermvnsupcdan gogma:pcka.

1 KORINTIANG KVDVNG 9:22

Asin kvnggv:ma:nc kvdv:dokkcpc ngo kvnggv:ma:ncpc ito, jc ngo:jen kvnggv:ma:nc kvdv:dcm mopvla:pc cmna. Ngo appv: tani:lo:pc appv:pc itobong, jc appv:pc ila ngo akkemci mopvla:ycpc cmna.

1 JO:N 2:14

Ngo nolukkolo:pc addung abukvdvnga, lcga:dc nolu kindag sc:kobv dunga: dokkcbong du:ji. Ngo nolukkolo:pc addung, ya:me:kvdvnga, lcga:dc nolu kvnggv:dag, odokkc Ru:ncpvnckc gomugdc nolukkolo du:mvndag, odokkc nolu aima:ncdcm mopvto.

2 TIMOTI 2:1

No cmpcmvlo, ngok aowa, aya:do kvnggv:toka cdc Kristo Jisukolo du:ncdcm,

ROMANKVDVNG 4:20

Oko mcmo-mcyangcsin bvm mcngo:motomang Ru:ncpvnckc pesunamdokkcm, ckvdaggom bv bvk mc:jvglok kvnggv:bomna gvkang bv Ru:ncpvncmc amin gvmonamdcm bila:yam,

IPESIANG KVDVNG 6:10

Lcddarpc, Ru:tumkolo kvnggvngtarv:toka odokkc bvk tornamlo ilang gvlangkokki.

2 KORINTIANGKVDVNG 12:10

Kristokc lcgangc, ngo aima:pc ila:ma:namcbulu dung, luka:nammc, torpc ipusire:nammc odokkc dungkoycko kama:nam pcsonammc; kapila:nc cdvlo ngo ilanggvla:ma:nc oddoi ngo kvnggv:dag.

1 KORINTIANG KVDVNG 4:10

Ngolu Kristokc lcgangc monba:ba:nc, cmpige:la nolu Kristokolo kinncpa:nc. Ngolu ilang gvla:ma:nc ckvdaggom nolu ilang-gvla:nc. Nolum mcnggcla du:namc, cmpige:la ngolum amin aima:pc gvmonammc.

ROMANKVDVNG 14:2

Akonc mc:jvgdag bv atvmumko doycpc, cdvlo rcmagnc tani:dc oying-ogeyongko doycji.

PILIPIANG KVDVNG 2:4

Noluk akonc avkc mc:nam sagnamongcm kanggomoyoka, cmpige:la akonkc mc:bonammc ka:motoka.