ROMANKVDVNG 14:23 - ANU LUGOD N. T. (BSI)

²³ Cmpige:la sc:kobv bvkkc mc:moko du:ji aima:ncko cmna lupakdag, bv domvlo, bv mc:jvgdokkcm agercm germangongkokki; kapila:nc okodci mc:jvgdokkc lenma:nc cdc pa:bc.

ROMANKVDVNG 14:23 ပူးပေါင်းရင်းမြစ်များ

HIBRIUKVDVNG 11:6

Odokkc mc:jvgkama:pc Bvm mc:lvgsumopc mc:lvgsumola:mang. Kapcnc sc:kobvi Ru:ncpvnckc kcra:pc gva:ycnc mc:jvgru:pa:yc jc Bv dung sc:kobulu Bvm madagji.

TITUS 1:15

Angunncdokkcpc appvngci angundag, cmpige:la aima:ncdokkcpc odokkc mc:jvgma:ncdokkcpc okodc:sinci angunmang, buluk asinrungkvdv:dci odokkc mcngcsagcmc:namkvdv:dci mcngkcrcp-mc:mcrcpdag.

1 KORINTIANG KVDVNG 8:7

Cdcmpc idag-imanggom, appvngc sc kinnamscm kinmang. Cmpige:la akelokkc, siddv longckopc monam moimangcm kumnamcm kumyitla aropakpc monam moimangcm binam donamkvdv:dcm dodag; odokkc buluk asin mcngc-saggc, mc:murra mc:ncpc idag.

ROMANKVDVNG 14:5

Tani:akonc longc akoncm aiya:dopc longc akonkoncmyam mc:dag, cdvlo akon tani:konc appv:longgcm c:mo:pc mc:dag. Appvng tani:ycm pv:namkopc mc:jvgmotok bvk avkc asinbolo.

ROMANKVDVNG 13:2

Cmpige:la sc:kobulu ilang-gvlang kanckvdv:dcm motumsudagnc Ru:ncpvncbv oko agerdcm bitoji cdcmci motumsudag, odokkc cdc sc:kobulu motumsuycji kcba:ba:namcm pa:do.