ROMANKVDVNG 14:18 - ANU LUGOD N. T. (BSI)

¹⁸ sc:kobv cdcmpc Kristokc agercm gerdoji Ru:ncpvnckc torvgsupcnammc odokkc tani:kvdv:dc aidag cmna tolvgdag.

ROMANKVDVNG 14:18 ပူးပေါင်းရင်းမြစ်များ

MARKKC 13:34

Cdc tani:akonc okum mcge:la okolai gvnamcmpc idag, bvk okumdcm bvk ager gerya:nckvdv:dcm ka:sv:ycpc imoge:la, buluk ayv ayvkc agerkvdv:dokkcm, odokkc yabgo ka:ya:ncdcm ka:ya:la darra du:dopc lulvgto.

JO:N 12:26

Sc:koiyc ngok mcngkam agercm germvlo, bv ngok lcdulo gvmvnru:pa:yc, odokkc ngo okolo du:ycji, odo ngok ager gerya:nckvdv:dc:sin; sc:koiyc ngok agercm germvlo, Abubv bvm mcngcyc.

AGER KVDVNG 10:35

cmpige:la appvng opvnno sc:kobvi Bvm pcsogcycji odokkc okodc aidagji cdcm imvlo Bvkkcpc torvgsula:dag.

ROMANKVDVNG 12:11

Bottapc ager gernamlo cdvlosin lo:bagyok, Yalodokki dorrangka, Ru:ncpvnckc agercm gertoka.

ROMANKVDVNG 14:4

No sc:kobv:n amikc ager gerya:nckoncm aidag aimang cmna lupcncdc? Cdc bvk avkc ru:tumdok kcra:do:mvn bv dagdo cdcmanggom otabdo. Odokkc bvm bottcmoyc, kapila:nc Ru:tumdc bvm dagmola:dag.

ROMANKVDVNG 16:18

Kapila:nc cdcmpinc tani:yc ngoluk Ru:tum Kristokc agercm germang, cmpige:la buluk avkc aki: lcgangc, odokkc tadyumnc agomki odokkc lume:pc lubonna lunam agomki bulu mcngano:pc mc:nc tani:kvdv:dok asincm yaddag.

ROMANKVDVNG 6:22

Cmpige:la su:pak jc nolum pa:blokkc mopvtto odokkc Ru:ncpvnckc pagbopc ikang, pa:latkunamdc nolukkc angunnammc odokkc odok gerterdc, turyarnc turnamdc.

1 KORINTIANG KVDVNG 7:22

Kapila:nc Ru:tumkolo sc:kom gogtagnc pagbokopc malennvgkunammc Ru:tumkolo. Cdcmv:pc sc:kom mcge:lvgnamcji cdvlo Kristokc pagbopc gogtoji.

2 KORINTIANGKVDVNG 4:2

Ngolu anyv:pcnam, lc:sila gernam lambckvdv:dcm mcpagamtobong; ngolu Ru:ncpvnkc agomlo aima:n agercm cdcmanggom lutcmlubangcm luge:ma:bong cmto cmpige:la aropc lunam mo:rong agomdokki ngolu av avyc appvng tani:lok mc:nam sagnamcm aidag cmna Ru:ncpvnckc kangkolo luyc.

2 KORINTIANGKVDVNG 5:11

Cdcmpila:yam Ru:tumkc pcsodcm kinna, ngolu tani:kvdv:dcm mc:jvgdopc lubido; cmpige:la ngolu sc:kobuluji Ru:ncpvncbv kindag, odokkc ngo mc:dag cdc noluk mc:na sagnancsin kindag.

2 KORINTIANGKVDVNG 5:9

Cdcmpidag ngolu mcngkampc du:mvndaggom, ngolu cdcm ngoluk mcngkampc itu:bong Bvm aipc mc:lvgsumopc cmna.

2 KORINTIANGKVDVNG 6:4

Ckvdaggom Ru:ncpvnckc ager gerncpc ngolu avyc avycm appvng lambclo aidopc lusudo: kvnggv:pc mcnga:sula.

2 KORINTIANGKVDVNG 8:21

Kapila:nc ngolu ka:mila okodc mcnggcnammcji cdcm ka:la gvdo Ru:tumkc ka:po:mang cmpige:la tani:kvdv:dok kangkolo:sin.

PILIPIANG KVDVNG 4:18

Ngo binam appv:dcm pa:to odokkc bojcko; ngo pv:dankang, Ipapraditu:kolok noluk mclvgnam amandcm torvgsula, kvnggv:pc namu:nc palvgnamdcm, Ru:ncpvnckcpc torvgsunam odok mc:lvgsunamko.

PILIPIANG KVDVNG 4:8

Lutcr lungapso, bvrokvdvnga, oko okodci arroji, oko okodci mcnggcpcnamcji, oko okodci arro cmna lunamcji, oko okodci narcngtong cmdagji, oko okodci aipakpc aipc mc:namcji, oko okodci ayang-agomcji, atv anguru:pc aincko du:mvlo, atvko, aipai bipcnam arckancko du:mvlo, sidc agomkvdv:scm mcngka:la ka:toka.

KOLOSIANG 3:24

kinna jc Ru:tumkolokkcm nolu pangkonsupcnamdcm noluk amanpc, nolu Ru:tum Kristokc agercm gerdung.

1 TIMOTI: 2:3

Cdc aidag, odokkc cdc Ru:ncpvnc ngoluk Moturnckc kangkolo torvgsula:nammc,

1 TIMOTI: 5:4

Bulu kinpo:danna dormo agercm buluk avkc cra:do:pc kinpo:motoka odokkc buluk anc abukvdv:do:pc asudko pa:latmotokuka; kapcnc Ru:ncpvnckolo cdcna torvgsupcnamdc.

1 PITOR 2:12

Ru:ncpvncmc kinma:nc tani: kvdv:dok dungkodo aipc ila:sa:langka, odomvlo jen bulu noluk birudi:pc aima:nc ager gernckopc ludaggom, bulu noluk ainc agerkvdv:dcm ka:ycpc odokkc Ru:ncpvncmc amin gvmoycpc cdc palvg lvgdoku longcdo.

1 PITOR 2:20

Kapcnc cdc oko inam aminko du:ycn, jodi nolu cdvlo imurko ige:la dcmkosudo odok lcgangc mentumsula torvgsudonc? Cmpige:la jodi cdvlo nolu ainc agercm gerdonc odokkc odok lcgangc mentumsula torvgsudo, nolukkc Ru:ncpvnckc aidag cmna tolvgnammc dung.

1 PITOR 2:5

odokkc turnc vlvngkoncmpc nolu av-avkvdvngc dormokanam yalokvdvng okumpc mosa:toka, angunnc dormo ager gerncpc, dormokanam yalolok palvgnampc bulu Jisu Kristokokki Ru:ncpvnckolo bisula:dopc.

1 PITOR 3:16

odokkc noluk mcngc-saggcm narc:pc mc:langka, cdcmpcmvlojen, cdvlo nolum aima:pc luycnc, cdc sc:kobulu noluk aipc Kristokolo inamsa:namdc anyi:sumoycpc.