ROMANKVDVNG 14:13 - ANU LUGOD N. T. (BSI)

¹³ Cdcmpcmvlo kajc akoncm akonc kcbang agom luka:mvnsuyobongka, cmpige:la cdcmyam bvro akonclok lambclo cdvlosin lcsudsunam sv:tungko cdcmanggom motumgvtumncko ilvgma:pcka.

ROMANKVDVNG 14:13 ပူးပေါင်းရင်းမြစ်များ

2 KORINTIANGKVDVNG 6:3

Ngolu sck lambclo:sin mokomnammcm lc:mang, odomvlojen oko imurkosin ngoluk ager gernamdo pa:ma:ycpc.

JAKOB 4:11

Akonc akoncm aima:nc agomcm luka:mvnsuyoka, bvrokvdvnga. Bvrrang akoncm aima:pc luka:mvnsunamdc cdcmanggom bvk bvrodc kcbangcm ba:yc, lujvg lurodok birudi:pc ludo odokkc lujvg lurodcm kcbangcm ba:do. Cmpige:la nolu jodi lujvglurodcm kcbangcm ba:do, nolu lujvglurodok lukampc agercm gerncmang cmpige:la kcbang ba:nckodan.

LU:KKC 12:57

“Odokkc nolu kapila avyc avkcm kcbangcm ba:suma:n okodc arodagji?

METIU 7:1

“Ammem tadjvgtarrom tadyoka, nolumsin tadjvg-tarrom tadma:dopc.

ROMANKVDVNG 16:17

Ngo nolum kumna ludung, bvrokvdvnga, cdc sc:kobulu agomcm luyot-lumatla odokkc aima:pc imodagnc bulum kanggablang, nolum lubinam ncrkvg agom kvdv:dcm nolum lu:latpc luyirnamkvdv:dokkcm; bulum mcpaklang.

ROMANKVDVNG 14:10

Nolu kapila aidag-aimang cmna agomcm noluk bvrokvdv:dcm ludang? Cdcmanggom, nolu kapila noluk bvrodcm yoppakdon? Kapila:nc ngolu appvngc Ru:ncpvnckc kcbang bangkodo daga:paycku;

LU:KKC 17:2

Cdc bvkkcpc vlvngko lv:podo raglvgsuge:la siycng asilo oyutsunamdcmci aiya:ycpc, sc adjio:nckvdv:sok akoncm pa:bcm imonamdcmpcyam.

LUNGOR LUNAM 2:14

Cmpige:la ngokkc asudowko nok birudi:pc lupcnammc dung: nokkc akke sc:kobulu Balamkc luyir gagdagji dung, sc:kobv Balakmc poyirtoji Israel ommang kvdv:dcm lcsutsunam sv:tungcm dvngkomtoji, jc bulu murti:ycm binam donamcm dola:dopc cmna odokkc aisi:ma:nc agercm gerdopc.

JAKOB 2:4

“O:ndo dagtokai,” cdcmanggom, “Ngok alc ru:yiso tedtokai,” cmna nolu av avycm angu angumotoma:lang, odokkc aisi:ma:nc asinki kcba:ba:ncpc ima:lang?

1 KORINTIANG KVDVNG 11:13

Noluk avkc lcgangc aro lume:ycm ka:sutoka; nc:ng akolokkcpc mittugcm u:rumsuma:pc Ru:ncpvncmc kumnamdc kanggu:daglang?

1 KORINTIANG KVDVNG 10:32

Jiwukvdv:dcmba Girikkvdv:dcm oko aima:p mcnamcmsin mcngkosuyok cdcmanggom Ru:ncpvnckc mondoli:dcm,

ROMANKVDVNG 14:4

No sc:kobv:n amikc ager gerya:nckoncm aidag aimang cmna lupcncdc? Cdc bvk avkc ru:tumdok kcra:do:mvn bv dagdo cdcmanggom otabdo. Odokkc bvm bottcmoyc, kapila:nc Ru:tumdc bvm dagmola:dag.

METIU 18:7

“Pa:p du:la:yam ankangkangkvnam kvdv:dok lcgangc rcngamsokkcpc mc:dvr-mc:so:pcnamc! Kapia:nc unkangkangkvnamdc a:ycrung, ckvdaggom sc:kobvi mc:boka:bonammc a:dagnc cdc tani:dc mc:dvrmc:so:pcnamc!

METIU 16:23

Ckvdaggom Bv gvkutsuto odokkc Pitormc luto, “Ngok lamkupc gvkang, Satana! No ngokkcpc invgsikorncko; kapila:nc no Ru:nc pvnckcpc imang, cmpige:la tani:kvdv:dokkcpc idag.”

1 JO:N 2:10

Sc:kobv bvk bvrodcm aipc mc:dagnc pva:lo du:dag, odokkc odo oko mc:murmc:yarsunamkosin kamang.

1 TIMOTI: 5:14

Cdcmpidag ngo lupc ame:nc tumbokvdv:dc midangcm mopcnammc, ommangcm pa:toka, buluk okum crangkvdv:dcm ka:sv:mosvpcnamc, odokkc ngolum mirudc okkomsin nindaila:ma:dopc itoka.

PILIPIANG KVDVNG 1:10

Odomvlo jen nolu okodc appvngcm aiya:dagji aidag cmna luycpc, odokkc Kristokc longcdok lcgangc angunna odokkc aimang cmna lukosuma:pc du:ycpc.

2 KORINTIANGKVDVNG 5:14

Kapila:nc Kristokc aipc mc:namdc ngolum kanggabbomdag, kapila:nc ngolum kinmotag jc akonc appvngkc lcgangc sikang; cdcmpidag appvngc sikang.

ROMANKVDVNG 11:9

Odokkc Dawidbv luto, “Buluk tcbulkvdv:dc sitika:pclang moyetpc imotok, kinmango:pc ngunna lc:nam arungkopc odokkc palvg lvgnamkopc bulukkcpc ika:lang;

ROMANKVDVNG 14:3

Sc:ko dodagji bvm sc:ko doma:ji doma:ncdcm tayum moyoka, odokkc sc:kobv doma:pc du:dagji bvm sc:ko dodagji cdcm aidag aimang cmna lumoyoka. Kapila:nc Ru:ncpvncbv bvm gogrvgsuto.