ROMANKVDVNG 14:11 - ANU LUGOD N. T. (BSI)

¹¹ Kapila:nc cdcm adla lc:tag, “Ngo turra du:namdc, Ru:tumbv ludag, appvngc lcbvngcm ngokkolo:pc tuma:yc, odokkc appvng Ru:ncpvncmc aipai luyc.”

ROMANKVDVNG 14:11 ပူးပေါင်းရင်းမြစ်များ

METIU 10:32

“Cdcmpila tani:kvdv:dok kcra:lo ngom lubisuncdcmci, ngo:sin ngok Abukc kcra:to lubisuyc. Sc:ko taycng amo:to du:nc;

ROMANKVDVNG 10:9

kapila:nc no jodi nabberdokki lude:sumvlo jc Ru:ncpvncbv Bvm sikolokkcm turmotoku, no turyc.

ROMANKVDVNG 15:9

odokkc cdcmpc ipc jc Ru:ncpvncmc kinma:nc tani:kvdv:dc Ru:ncpvncmc amin gvmoycpc cmna bvk aya:la mc:yinsunam lcgangc. Cdcm adla lc:namdcmpc, “Cdcmpidag ngo nom aipai cmyc tani:kvdv:dok ara:lo, odokkc nok amindcm ni:tompc moyc.”

1 JO:N 4:15

Sc:kobvi lude:suyc Jisubv Ru:ncpvnckc Aowo, Ru:ncpvncbv Bvkkolo du:mvndo, odokkc Bv Ru:ncpvnckolo.

2 JO:N 1:7

Kapcnc bojcrungko yadnc rcngamso gvlenamka:bong, sc:ko tani:kvdv:dc Jisumc adin amvrpc gvnamdcm arro cmna luma:ji; cdcmpinc tani:dc:na yadncdc odokkc Kristobirudi:dc.

LUNGOR LUNAM 5:14

Odokkc turnc simvn dorpi:dc:bulu luto, “Amen!” Odokkc abv:nc tani:kvdv:dc owangla kumto.