ROMANKVDVNG 12:13 - ANU LUGOD N. T. (BSI)

¹³ Ru:nckc ager gernc tani:kvdv:dok kama:nammcm bidumsulangka, mibo bonamcm botvla du:langka.

ROMANKVDVNG 12:13 ပူးပေါင်းရင်းမြစ်များ

METIU 25:35

Kapila:nc ngo kcno:dagai odokkc nolu ngom tv:nam asscm bito, ngo mibopc gvdungai odokkc nolu ngom goga:to,

AGER KVDVNG 10:4

Odokkc bv bvm pcsola ka:jon joronna dungkang, odokkc luto, “Ru:tuma, cdc okkon?” Odokkc bvm bv luto, “Nok kumnamdcmbulumnang ammem aya:la attar binamkvdv:dc Ru:ncpvnckc kcra:to:pc mc:begla du:dopc pv:sangka:bong.

AGER KVDVNG 4:35

odokkc kola okodcm pa:tagaji odokkc cdcmci mclvgla ager gerdopc mclvgnam tani:kvdv:dok kcra:do tva:lvgto; odokkc sc:koi madaganc ordungai.

ROMANKVDVNG 12:8

sc:kobv ainc agomcm luyir mc:yirdag, bvk luyirmc:yirkolo, sc:ko murkongcm bidumsudoji, mc:pomcnganna; sc:kobv bidumsunamcm bidonc, kvnggv:pc mc:bola: sc:kobv ayang agercm lcngkandonc, mc:tv:sula, mc:yumsula mc:pomcnganna.

1 KORINTIANG KVDVNG 16:15

Su:pak, bvrokvdvnga, nolu kindag jc Akhaia:dok Stipenkc cra:dcai mc:jvgla gvmvnpo:ncdc, odokkc bulu aipc mc:jvgla ager gernc tani:kvdv:dok agerlo avyc tolvgsuto;

2 KORINTIANGKVDVNG 9:1

Su:pak sc ngokkcpc adbardanna adnampc nolukkolo:pc idag aipc mc:jvgnc tani:kvdv:dok lcga:pc binamko binamkvdv:dok agomdcm.

2 KORINTIANGKVDVNG 9:12

Kapila:nc sc gernam agersc kama:la du:namc bima:yc cmpige:la Ru:ncpvnckolo:pc aipai binam kvdv:dcmsin bi:pok biyokmoyc.

GALATIANG KVDVNG 6:10

Cdcmpidag cdcmpcmvlo, ngolukkc aipc gerpo dung, kajc ngolu appvng tani:lo:pc aincm gerrai, odokkc ncrkvgpc cdc sc:kobulu mcjvgnamlok crangkvdv:do:pc gvlai.

1 TIMOTI: 3:2

Su:pak Kristan Ru:tum ager gerncdc nindaila lunam tani:pc ipc lagima:yc, nc:ng akko:lok milbo:pc, tarung ru:jo:nc mcngc-sagcnc,

1 TIMOTI: 5:10

odokkc bv ainc ager lcgangc aipc aidag cmna lunampc ipc lagiyc, kapc akonc ommangcm usa:basa:toji, mibo-bonamcm lcngkantoji, aipc kumnc tani:kvdv:dok allcm vrbitoji, odokkc appvng agerlo aincm ipc avdc tolvgsutoji.

TITUS 1:8

cmpige:la mibobolv:nc, arrom aipc mc:namc, bvk avyc avkc ru:tumpc isula, lc:si-lc:romkama:pc, angunnc, odokkc avycm mentumsula du:la:ncpc;

TITUS 3:14

Odokkc ngoluk tani:kvdv:dcm bulu avkvdv:dcm ainc ager gernamdo gerdopc dungkaisumolang, mcna:pc manam atvlo idum gvdumsunam pa:dopc, odokkc arc kama:dopc ima:dopc.

PILEMON 1:7

Kapila:nc nokkolokkcm ngo bojcrungko mc:pom odokkc du:po dungancm nok aipc mc:namdokkcm pa:to, ngok bvrra, kapila:nc nokkokki aipc kumnc tani:kvdv:dcm mc:pomoto.

HIBRIUKVDVNG 13:16

Ainc agercm gerpc mc:yamc:sayok odokkc nolukkc okko du:ji cdcm bisupc, kapcnc cdcmpinc palvgnam kvdv:dc Ru:ncpvncmc mc:lvgsumodag.

HIBRIUKVDVNG 13:2

Mibo bonamcm bopc mc:yamc:sayoka, kapcnc odokki kinmango:pc taycng among lutad lunckvdv:dcm mibbom boto.

HIBRIUKVDVNG 6:10

Kapcnc Ru:ncpvncbv cdcmpinc aro kama:ncmang noluk agercmnang aipc mc:namdc okodcm nolu Bvk lcga:pc aipc kumnc tani:kvdv:dcm lcngkantoji, kapc nolu su:paksin idoji.

1 PITOR 4:9

Mcngu mcnge:kama:pc mibo-bonamcm boyitla du:langka.

1 JO:N 3:17

Cmpige:la jodi sc:kaikc mo:pvsok attarappv:dc dung odokkc bvk bvrodok manamdcm ka:dag, ckvdaggom bvk asindcm bvk birudi:c mentumsudo, kapcnu Ru:ncpvnckc aipc mc:namdc bvkkolo du:ycn?

3 JO:N 1:5

Aipc mc:bomsunam kvdvnga, cdc tadpcru:nam agomcmpc ido cdvlo nolu bvrrang kvdv:dcm atv agerko gerbidaji, anguru:pc kangkinma:nam kvdv:do:pc,