ROMANKVDVNG 12:10 - ANU LUGOD N. T. (BSI)

¹⁰ akoncm akonc bvrrangpc aipc mc:mvnsula; mcngcnanamcm mc:dom akoncm akonc mc:badlangka.

ROMANKVDVNG 12:10 ပူးပေါင်းရင်းမြစ်များ

PILIPIANG KVDVNG 2:3

Avkc lcgangc inam okkomsin iyoka cdcmanggom ngo:na cmna bottapc mc:sunammc, cmpige:la asinc ansv:pc mc:sula ammem mcnggcla noluk avkvdv:dcmyam tadya:lang.

HIBRIUKVDVNG 13:1

Bvrra:pc aipc mc:namcm mc:tvtoka.

1 JO:N 4:11

Mc:bomsunam kvdvnga, jodi Ru:ncpvncbv ngolum aipc mc:to, ngolusin akoncm akonc aipc mc:mvnsupa:do.

1 PITOR 1:22

Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.

1 PITOR 2:17

Bvrra:pc mc:namcm aipc mc:langka. Ru:ncpvncmc pcsolangka. Migomlok migom kvdv:dcm mcnggclangka.

1 TISSALONIANG 4:9

Cmpige:la bvrokvdv:dcm aipc mc:nam agomdo nolum sc:komsin admopcnam ako nolukkolo:pc lagimang, Kapila:nc nolu av avkvdv:dcmci Ru:ncpvnckokki luyirtag akoncm akonc aipc mc:mvnsudopc;

GALATIANG KVDVNG 5:13

Kapila:nc nolum motunam lcga:lo:pc gogtungai, bvrokvdvnga; noluk motunammcm adin amvr ipogvpo lcgangongc ina-sa:nayoka, cmpige:la aipc mc:namkokki akonc akonkc kcvgpc ager gerya:ncpc ilangka.

GALATIANG KVDVNG 5:22

Cmpige:la Yalodok apva:yckvdv:dc aipc mc:namc, mcnganc, mentumsula du:namc, ayangabonammc,

1 JO:N 4:20

Jodi akoncmum ludo, “Ngo Ru:ncpvncmc aipc mc:dag,” odokkc bvk avkc bvrodcm tayumdo, bv lume: luncko; kapcnc sc:kobv bvk avkc bvrodcm aipc mc:ma:ji sc:kombv ka:begdagji, Ru:ncpvncmc aipc mc:la:mang sc:kom bv ka:begma:ji.

2 PITOR 1:7

odokkc dormokanamdc bvrrangpc aipc mc:namki, odokkc bvrrangpc aipc mc:namdc aipc mc:namki.

1 PITOR 5:5

Cdcmv:pc nolu cdc ame:ya:nkvdv:dc abv:nckvdv:dok lukamcm tadtoka. Nolu avyc avycm attarpc gctoka, kapcnc, nolu appvngc asinc akonc akoncm ansv:la “Ru:ncpvncbv bottapc mc:sunckvdv:dcm motumdag, cmpige:la asinc agamnckvdv:dcm ayangcm bidag.”

JO:N 15:17

Scm ngo, nolu akonc akoncm aipc mc:mvnsudopc cmna lulvgdung.

ROMANKVDVNG 13:7

Buluk appv:dcm buluk dorpcnam kvdv:dcm dorla, kajonangcm sc:kobulum kajonangcm dorpcnammcji, migomcm dorpcnam murkongcm sc:kobulum migom dorpcnam murkongcm dorpcnammcji, mcnggcnammcm sc:kom mcnggcpcnamcji, itosa:toka sc:kom ipcsa:pcnammcji.

AGER KVDVNG 4:32

Cdcmpidodcm cdc mc:jvgnc kvdv:dok ajon jonsunamdc asin atcrongkopc odokkc yalo atcrongkopc idagai, odokkc sc:kosin lumangai sc:koi atvko pa:toji cdc bvk avkc cmna, cmpige:la bulukkc appvng attarcmci lcko-lakkopc lc:dagai.

LU:KKC 14:10

Cmpige:la cdvlo nolum gogycnc, gva:la appvngcmyam adji:yangko dungkodo du:lang, odomvlo nolum ila:sa:la bincdc gva:dodcm bv nolum luycpc, ‘Ajona, bottcya:nc dungkolo:pc gvkang’; odo noluk tcbuldok du:nc kvdv:dok dungkodo nolum lckopc iycpc.

METIU 20:26

Cdc noluk ara:lo ima:jc; ckvdaggom sc:kobvi noluk ara:lo bottcncpc iycnc bv noluk pagbopc ipa:ru:yc,

2 TISSALONIANG 1:3

Ngolu Ru:ncpvncmc aipai bipcrung idag noluk lcgangc lo:dcm, bvrokvdvnga, kapc aidagji cdc, kapila:nc noluk mc:jvgdc kvnggv:pc bojcbomna gvbomdung, odokkc nolu appvngkc aipc mc:namkvdv:dc akonc akoncm bojcbomdung.

KOLOSIANG 1:4

lcga:dc ngolu taddung noluk Kristo Jisukolo mc:jvgnam odokkc noluk aipc mc:namdcm appvng aipc kumnc tani:kvdv:dok lcgangc.

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

JO:N 17:21

nokkcmpcsinci, Abba, ngokkolo, odokkc ngo nokkolo, bulusinjen ngolukkolo, odomvlojen rcngamsc mc:jvgycpc no ngom mclvgtung cmna.