ROMANKVDVNG 11:25 - ANU LUGOD N. T. (BSI)

²⁵ Ckvma:mvlo nolu agom kinncpa:ncpc imvlo noluk avkc bottcpc mc:sunamkokki, ngo nolum scm mcngkinla:ma:nam agomscm mcngkintoka cmna mc:dag, bvrrangkvdvnga: tornamko Israeldok atakkolo lenkang, Angun Tani:kvdv:dc pv:namkopc gvanggamma:sisscm, odokkc cdcmpc Israel appv:dcm mopvtyc;

ROMANKVDVNG 11:25 ပူးပေါင်းရင်းမြစ်များ

METIU 13:11

Odokkc Bv bulum lubito, “Nolukkcpc taycng amo:tok migom mo:pvdok lc:sula lc:nam agom kindopc lubitagbong, ckvdaggom bulum cdcm bima:da.

LU:KKC 21:24

bulu madsvg tu:bvlo owa:yc, odokkc appvng opvnnok ara:lo yc:bomamkunampc iyc; odokkc Jerusalemdcm Ru:ncmc kinma:nc tani:kvdv:dokki sammvgyc, Ru:ncpvncmc kinma:nc tani:kvdv:dok ayirdc pvngapma:sisscm.

JO:N 10:16

Odokkc ngokkc angu bera sobenc du:da, okodc:bulu sc kcrc:sokkcma:ji; ngo bulumsin gonga:rungkupcnammc, odokkc bulu ngok gomugcm tadkindag. Cdcmpidag odo kcrcng akkongkopc iyc, ka:sv:nc akkongko.

ROMANKVDVNG 1:13

Ngo nolum kintoka cmna mc:dag, bvrokvdvnga, jc ngo mcna:mcna:pc nolukkolo:pc gvpc cmna mc:to (cmpige:la su:paklo:pc motumna lc:tag,) cdcmpc ila jc ngo:jen nolukkolok arvgcm gaddopc Ru:ncpvncmc kinma:nc tani:kvdvng ara:do:pc cdcmv:pc.

ROMANKVDVNG 11:12

Su:pak buluk gvmurra gvnamdc mo:pvsokkcpc mitcmircmc, odokkc ilanggvla:ma:namdc Angu tani: kvdv:dokkcpc mitcmircmpc idag, cdcmyam cddvkojc bulu appv:dcm pvngapmvlo bojcya:ycnc!

ROMANKVDVNG 11:24

Kapila:nc nolum jodi okodc sa:tc:dok sa:ncdokkcmci papaktomvlo lukamgvkamdc yumrang Jolpai vsv:pc innc, odokkc papaknammc, sa:tc:dok sa:ma:ncmpc ima:nc, aiyo:pc mopu:la lc:nam Jolpai vsvngcmpc imang, cddvkojc bojcya:pc sc sa:tc:lok sa:nc rcngke: kvdv:dcm papukla ilvgyckunc buluk avkc Jolpai vsvngdcm.

ROMANKVDVNG 12:16

Akonkc lcdulo akonc lckolakko:pc du:ladaglangka; bottc bottcpc mansuyoka, cmpige:la ame:nc kvdv:dokki lcko-lakko:langka; cdvlosin av avyc bottcpc kinnc cmna mc:suyoka.

ROMANKVDVNG 16:25

Su:pak Bvkkolo:pc sc:kobv nolum ilang-gvla:mola:dagnc ngok tadponc lutaddcmpc odokkc Jisu Kristom lutad lubikamdcmpc okodcm lc:sula dv:tag dv:tagkvdv:dc lc:tagaji.

ROMANKVDVNG 9:18

Cdcmpila cmpcmvlo Bvkkc ayangabbo dung sc:komci Bv mc:dagji, odokkc Bv sc:komci mc:dagnc asincm tormodag.

1 KORINTIANG KVDVNG 10:1

Ngo kinpc mc:dag bvrokvdvnga, jc ngoluk abukvdv:dc mukkang kcvgdo dungai, odokkc appvngc siycng asidok gvko:la gvto,

1 KORINTIANG KVDVNG 12:1

Su:pak bvrokvdvnga, ainctaycng among yalodok aman agomc, ngo nolum c:mo:pc incpc imolv:mang.

1 KORINTIANG KVDVNG 2:7

Cmpige:la ngolu lc:sula odokkc gagsila lc:nam Ru:nvcpnckc kinnam pa:nam bido, okodcm Ru:ncpvncbv ngolum amin gvmonam dv:takkvdv:dc aima:dapc kvnggv:pc lulvgla lutoji.

1 KORINTIANG KVDVNG 4:1

Cdcmpcna kapc akonc ngolum mcnggcpcnamcnc Kristokc ager gerya:ncmpc odokkc Ru:ncpvnckc mcngapla:ma:nam agomlok kanggab-daggab-ya:ncpc.

IPESIANG KVDVNG 1:9

Kapila:nc Bv ngolum kinapmoto. Bvk mcngapla:ma:nam mc:namdcm appvng taycng among dungkotok kinnamki odokkc asin ara:bok agomki, Bvk tarungki mc:namdcmpc okodcm Bv Kristokolo lukantoji ayirdok pvngapnamdok taru:dcmpc,

IPESIANG KVDVNG 3:9

odokkc appvng tani:ycm ka:mopc okodc mcngapla:ma:namdok taru:dc:ji sc dv:takkvdv:sok ayirkvdv:sok lcga:pc lc:sila lc:namdc Ru:ncpvncbv sc:ko appvng attarcm ru:toji.

IPESIANG KVDVNG 4:18

buluk mc:namdc kcmodag, Ru:ncpvnckol turnamdokkc angudag bulukkolo kinma:pa:ma:pc du:namkvdv:dokki, buluk asinkvdv:do tornamkvdv:dokki.

2 PITOR 3:8

Cmpige:la aipcmc:bomsunamkvdvnga, sc aro agom apirscm mc:yamc:sayoka, jc Ru:tumkokki longcdc dv:tak lv:yvngc, odokkc lv:yvng dv:tagdc longc akkongcmpc innc.

LUNGOR LUNAM 1:20

Kapc cdc takar kvnvddok mcngapla:ma:nam agom kvnvddokkcpc okodcm no ngok lagbvg alakso ka:begtoji, odokkc kvnvd avn saki: tvgcla lc:nanckvdv:dcm, cdc takar kvnvddc mondoli: kvnvddok taycng among lutadnckvdv:dc odokkc cdc kvnvd saki: tvgc:dc:bulu mondoli: kvnvddc.

LUNGOR LUNAM 10:7

Cmpige:la tu:lungki mudla gogdo longcdo taycng among lutad lunc kvdv:dokki mullvgla, Ru:ncpvnckc mcngapla:ma:nam agomdc, kapc Bv bvk ager gerya:nckvdv:dcm lutadtoji cdc lungor lunckvdv:dcm, lukamdcmpc ipa:do.

LUNGOR LUNAM 11:15

Odo kvnvd taycng among lutad luncdc bvk tu:lu:dcm mullvgto, odokkc taycngto bottcru:nc gomugcbulu bcngkang, scmpc lula, “Mo:pvsok migom doko amongkvdv:dc ngoluk Ru:tumkc odokkc Bvk Kristokc migom dokopc iyc, odokkc Bv lo:dv longkvpc migomcm doyc.”

LUNGOR LUNAM 7:9

Odok lcdupc ngo ka:to, odokkc ka:toka, bottcru:pc yadkumsunc tani:kcrcngko okodcm oko tani:ycsin kvla:ma:nc, appvng rcngamlokkc, appvng opvnlokkc odokkc tani:lokkc odokkc agom lunclokkc, migom tedko kcra:do dagla du:dopc odokkc Me:r Awodok kcra:do, kamponc rvbbcm yedlvgnammc,