ROMANKVDVNG 11:18 - ANU LUGOD N. T. (BSI)

¹⁸ Nolu bottapc lusumvlo, mc:pa:langka cdc nolumang jc appvrdcm pvrgabla dung, cmpige:la appvrdc:mvn nolum pvrrasula du:n.

ROMANKVDVNG 11:18 ပူးပေါင်းရင်းမြစ်များ

METIU 26:33

Pitorbv Bvm taddopc lubisuto, “Bulu appvngc nom mcpakdaggom, ngo cdvlosin mcma:yc.”

JO:N 10:16

Odokkc ngokkc angu bera sobenc du:da, okodc:bulu sc kcrc:sokkcma:ji; ngo bulumsin gonga:rungkupcnammc, odokkc bulu ngok gomugcm tadkindag. Cdcmpidag odo kcrcng akkongkopc iyc, ka:sv:nc akkongko.

JO:N 4:22

Nolu okodcm kinma:ji cdcm ngolu kumdag; ngolu okodcm kindagji cdcm ngolu kumdo, kapila:nc mopvtnamdc Jiwudi:kvdv:dokkc lenyc.

AGER KVDVNG 25:7

Odokkc bv cdvlo gva:toji, Jiwu kvdv:dc sc:kobulu Jerusalemdokkc gvkaji bvk kcra:do dagkang, bvk birudi:pc bojcrungko kvnggvng kvnggv:nc ajcngcm boma:la luto okodcm bulu lukanna lubila:toma:ji. Poulbv bvk lurasula lunamdo luto,

ROMANKVDVNG 11:20

Bulu dvrsotkang kapila:nc buluk mc:jvgma:namkokki, cmpige:la no mc:jvgla:yam dagla dung. Cdcmpidag pcsso tcm-tcmla du:langka.

ROMANKVDVNG 3:27

Cmpcmvlo okodc ngoluk bottcpc lusunampc idon? Cdcm la:paktobong. Kapinc lutcnggvtcng-kokki? Kapinc agerlok lujvglurokki? Ma:, cdcmpige:la mc:jvgnamlok lujvglurokokki.

ROMANKVDVNG 4:16

Cdcmpila:na cdc mc:jvgdok togc:dagnc, odomvlojen pesunamdc aya:lo du:ycpc odokkc bvk ope:ncgvng appv:dcm bito–lujvglurodc lukamdcmpc tannomang cmpige:la bulu Abrahamkc mc:jvgdokki mc:jgnckvdv:dcmsin, kapila:nc bv appv:lok abbo, cdcm adla lc:namdcmpc,

1 KORINTIANG KVDVNG 10:12

Cdcmpidag sc:kobv dagla dung cmna mc:sudagji ansumotoka ckvma:mvlo bv kcdtabyc.

GALATIANG KVDVNG 3:29

Odokkc nolu jodi Kristokcmvlo, cmpcmvlo nolu Abrahamkolokkc lennc ommangc, pesunamdcmpc attar pa:pcnckvdv:dc.