ROMANKVDVNG 10:18 - ANU LUGOD N. T. (BSI)

¹⁸ Cmpige:la ngo tawudung bulu tattoma:lang? Aropakpci bulu tatto; kapila:nc “Gomugdc mo:pvsok appv:lo:pc gvlenkang, odokkc buluk agom kvdv:dc mo:pvsok du:tcrlo:pc.”

ROMANKVDVNG 10:18 ပူးပေါင်းရင်းမြစ်များ

METIU 24:14

Odokkc sc migom du:tc:dok tadponc lutadscm mo:pv appv:so lungapbiyc, appvng opvnnok lukansubinampc; odokkc cdc gvtcr gvngapdc a:yc.

METIU 26:13

Aropakpc ngo nolum lubidung, okoloi sc tadponc lutadscm lubiycnc mo:pv appv:so, bv okodcm iton cdcmsin bvm mc:pa:la lubiycpc.”

METIU 28:19

Gvkang cdcmpiga:lok odokkc appvng opvncm agom tadjvgla gvmvnncpc badmota:ka, bulum baptismongcm bila: bila: Abukc odokkc Awodok odokkc Angunnc Yalodok aminno,

METIU 4:8

Lckoda uidc Bvm aipakpc oudnc adi:kolo:pc gvbokang, odokkc mo:pvsok migom dobonam among appv:dcm odokkc odokbuluk airu:pc kanamsv:namkvdv:dcm lcngkanto;

MARKKC 16:15

Odokkc Bv bulum luto, “Mo:pvsok appv:lo:pc gvkangka odokkc ru:nam appv:dcm tadponc lutaddcm lutadta:ka.

MARKKC 16:20

Odokkc bulu gvngapkang odokkc appv:lo lutadbigo:to, Ru:tumbv buluk lcdulo germvnto odokkc lutad lunamdcm arro cmna odok kanggodkvdv:dokki lcngkanamto. Amen.

AGER KVDVNG 1:8

Cmpige:la nolu tornamcm pa:ycpc Angunnc Yalodc cdvlo noluk tayc:lo:p pvnga:ycji, odokkc nolu ngok lukanbincpc ilangka Jerusalemdo odokkc Judiang appv:do odokkc Samariangdo odokkc mo:pvsok du:tcrpc.”

AGER KVDVNG 26:20

cmpige:la Damasku:dokkc kvdv:do:pc lutadbipo:to odokkc, odokkc Jerusalemdokkc kvdv:do:pc odokkc Judia:dok dunggong do:lung appv:do, odokkc Angu tani:appv:do, bulu jen asinc mc:dvrra mc:latsulangkula Ru:ncpvnckolo:pc gvlatyckupc odokkc buluk mc:dvrra mc:latsukunamdcmpc agercm gerycpc.

AGER KVDVNG 28:23

Bulu cdvlo bvk lcgangc longcko ru:scgtoji, bulu bvk dungkodo:pc bojcrungkonc gva:to. Odokkc agomdcm kvlenkva:la ro:dokkc yumcdo:pc kvbito, Ru:ncpvnckc migompila du:namdok agomdcm lukanbila odokkc Mose:kc lujvglurodokkcmnang lungor lunam anyipak dokkcm Jisukc agomcm bulum mcnga:mopc cmna.

ROMANKVDVNG 1:8

Adsa:danna, ngo noluk appvngkc lcgangc Jisu Kristokokki Ru:ncpvncmc aipai bidung, Kapila:nc noluk mc:jvgnamdcm mo:pv appv:lo lugongambito.

ROMANKVDVNG 15:19

Angunnc Yalodok ilang gvlangkokki, odomvlo jen Jerusalemdokkc odokkc dunggong appvngc Illirikumdo:pc ngo pv:namkopc Kristokc tadponc lutaddcm lugo:bito,

KOLOSIANG 1:23

nolu mc:jvgla du:lvmvlo, du:tvla odokkc cngunma:pc du:la, tadponc lutaddok mc:tindokkc mcngcrma:pc nolu okodcm tadtoji, taycngamong kcyvgsok appvng ru:namcm okodcm lutadbitoji, odokkc okodokkcpc ngo, Poulbv, mclvgla ager gernc migom ager gerncpc ika:ji.

KOLOSIANG 1:6

Tadponc lutaddcm okodc nolukkolo:pc pvngangka:ji, kapc aroru:pc kapc aropakpci mo:pv appv:soi a:yc e:dung odokkc sv:bomna gvdung–cdcmv:pc noluk av-avkvdv:do, noluk taddo longcdokkc odokkc Ru:ncpvnckc aya:dcm tadkintoji arolo.

1 TISSALONIANG 1:8

Kapila:nc nolukkolokkc Ru:tumkc agomdc Makedoniang do:pclang Akaiango:do:pc gvtomang, cmpige:la noluk Ru:ncpvnckolo mc:jvgdc appv:lo:pc gvngapkang, cdcmpcjc ngolu okkomsin lupcnampc itomang.