ROMANKVDVNG 10:15 - ANU LUGOD N. T. (BSI)

¹⁵ Odokkc kapc tani:kvdv:dc lutadbiycn bulum mclvgma:mvlo? Cdcm adla lc:namdcmpc, “sc:kobulu tadponc lutaddcm lubidagji kapc alckvdv:dc kangkandagnc!”

ROMANKVDVNG 10:15 ပူးပေါင်းရင်းမြစ်များ

METIU 9:38

cdcmpidag kumtoka arvgdok Ru:tumdcm Bvk arvgpc ager gerncm mclvgdopc.”

LU:KKC 10:1

Odok lcdupc Ru:ncpvnck Agom lutadbigo:nc Nv:yingko Ru:tumbv lutad agom lugo:bidopc lulvgto, odokkc Bvm gvpo:la gvdopc bulum mcpo:lvgto, anyi anyipc, tawon appv:lo:pc gvdopc Bv avdc oko okolo:pc gvpcnamma:ji.

LU:KKC 2:10

Odokkc taycng among lutad luncdc bulum luto, “pcsoyoka; kapila:nc ka:toka ngo nolum tadponc lutadcm airu:pc mc:popcnamcm bombitung okodc appvng tani:lo:pc gvngapycpc;

LU:KKC 2:14

“Appvngcm Oudaryangkoto Ru:ncsa:nckc Aipaiyc, odokkc, tani:amo:so Bvk aipc mc:lvgsunam tani:kvd:dok ara:lo mc:pomcnganc!”

LU:KKC 8:1

Odok lcdupc Bv nogorkvdv:do:lang do:lung kvdv:do:pc gvkang, luyir luyirgo:la odokkc Ru:nckc Migomdokolok tadponc lutaddcm lugo:bito. Odokkc cdc vyvngkolang anyidc Bvk lcdulo du:mvndungai,

JO:N 20:21

Jisubv lckoda bulum luto, “Nolukkolo mc:pomcnganc dungka:langka. Abubv kapc ngom mclvgtonc, cdcmv:pc ngo:sin nolum mclvgdung.”

AGER KVDVNG 10:36

Israelkvdv:pc oko agomcm mclvgtagji nolu kindag, Jisukokki mcngannok tadponc do:yv:dcm lutad lugo:bila (Bv appv:lok Ru:tumc,)

AGER KVDVNG 13:26

“Bvrrang kvdvnga, Abrahamkc ope:lok awangkvdvnga, odokkc nolukkolok sc:kobulu Ru:ncpvncmc pcsodagnc, ngolukkolo:pc sc moturnam lutadscm mclvgtagai.

AGER KVDVNG 22:21

Odokkc bv ngom luto, ‘Gvkang; kapila:nc ngo Angu tani: mo:tc:pc du:nc tani:kvdv:do:pc nom mclvgyc.’ ”

AGER KVDVNG 9:15

Cmpige:la Ru:tumbv bvm luto, “Gvkang, kapila:nc bvk ngok balennamko ngok amincm Angu opvn kvdvdcmna: migomkvdv:dcm odokkc Israeldok ommang kvdv:dcm, lutadbigo:dopc;

ROMANKVDVNG 1:15

Cdcmpila ngo tadponc lutaddcm sc:kobulu Ro:mdo du:nc nolukkolo:sin lulvngc mole:dung.

ROMANKVDVNG 15:20

cdcmpidag tadponc lutaddcm lugo:pc ngok owudpc mc:la gerpvtpc cmna mc:la, okolo Kristomc amincm mintoji odoma:pc,

IPESIANG KVDVNG 2:17

Odokkc Bv gvdo odokkc nolum mcngandcm lutadbito sc:kobulu mo:tc:ru:pc dungaji odokkc cdc sc:kobulu anindagaji mcngancm bulukkolo:pc;

IPESIANG KVDVNG 3:8

Ngokkcpc, aipc kumnc tani: appv: dokkcmyam adji:ya:nc-daggom, sc aya:scm bitungai Angu tani:kvdv:dcm Kristokc mala malenna:ma:nam mitc-mircm kvdv:dcm lubidopc,

IPESIANG KVDVNG 6:15

odokkc mcngannok tadponc lutaddcm lunamckvdv:dcm noluk alcdo pvdlvgsuge:la.

1 PITOR 1:12

Cdc bulukkcpc lcngkansukang jc bulu av avkc lcgangc agercm gersumangai cmpige:la noluk lcgangcmvn, cdcmpinc agerkvdv:do okodcm nolum su:pak lu tadla lubitagbo:ji cdc sc:kobulu tadpon lutaddcm lubitoji nolum Angunnc Yalodokki tayc:tokkc mclvgla, oko agomkvdv:dcm taycng lutadkvdv:dc ka:lv:la dungai.