PILIPIANG KVDVNG 4:8 - ANU LUGOD N. T. (BSI)

⁸ Lutcr lungapso, bvrokvdvnga, oko okodci arroji, oko okodci mcnggcpcnamcji, oko okodci arro cmna lunamcji, oko okodci narcngtong cmdagji, oko okodci aipakpc aipc mc:namcji, oko okodci ayang-agomcji, atv anguru:pc aincko du:mvlo, atvko, aipai bipcnam arckancko du:mvlo, sidc agomkvdv:scm mcngka:la ka:toka.

PILIPIANG KVDVNG 4:8 ပူးပေါင်းရင်းမြစ်များ

METIU 22:16

Odokkc buluk agom tadjvgla gvmvnnc tani:kvdv:dc Bvkkolo:pc mclvgto, Herodkc tani:kvdv:dok lcdulo, scmpc lula, “Luyirna, ngolu kindag no arro, odokkc Ru:ncpvnckc lambcdcm arokopcrung luyirdag, odokkc oko tani:ycmsin sc:komsin pcsomang; kapila:nc no tani:lok adji:bottcm Ka:mang.

MARKKC 6:20

Ckvdaggom bv mokela:toma, kapila:nc Herodbv Jo:nmc pcsokang, bv dormokancko odokkc angunnc tani:ko cmna kinna:yam, odokkc bvm atvkosin ima:dopc mc:to. Cdvlo bvk agomcm bv tadbegtonc, bv aipakpc mcngkin mc:para:tomang; odokkc ckvdaggom bv mc:po:pc bvk agomcm tatto.

LU:KKC 16:15

Cmpige:la Bv bulum luto, “Nolu cdc tani: kangkolo ainc cmna lusunckvdv:dc, cmpige:la Ru:ncbv noluk asinkvdv:dcm kinabdag; kapila:nc tani: kcra:lo okodcm bottapakpc lusuycnc Ru:ncpvnckc kangkolo cdc kvnggv:pc tayumpcnamc.

LU:KKC 2:25

Odo Jerusalemdo tani:ako dungai, Simion cmnamko, odokkc cdc tani:dc dormokanckai odokkc Ru:ncpvncmc kumnckai, Israeldcm mc:pomonamdcm ka:lv:la dungai, odokkc Angunnc Yalodc bvkkolo dungai.

LU:KKC 23:50

Cdcmpidodcm Josep cmnam tani:ko Jiwudi:kvdv:dok nogor Arimotia:dokkc dunggai. Bv kcba:lok tani:kai, odokkc ainc dormokanc tani:kai,

JO:N 7:18

Sc:kobv avkc lulang-gvlangkokki luycnc avkc amin gvnamcm masudag; cmpige:la sc:kobv Bvm mclvgncdok amin gvnamcm maycji bv arro, odokkc bvkkolo lume: lunamc kamang.

AGER KVDVNG 10:22

Odokkc bulu luto, “Korneliu:bv lvngko mimagmoncdok mogcnckonc, aipc mc:jvgncko odokkc Ru:ncpvnck tani:konc, sc:kom Jiwutani: appv:dc aipc lugcdaggaji, angunnc taycng among lutad luncdc nokkolo:p mclvgtag bvk okumdo:pc gvdopc, no okodcmci luycji taddopc.”

AGER KVDVNG 22:12

“Odokkc Anania cmnamko, lujvglurodcm kvnggv:pc aipc mc:jvgla Ru:ncmc kumnckonc odok du:nc Jiwu kvdv:dc aipc aidag cmna lunamkonc, ngokkolo:pc gva:to,

AGER KVDVNG 6:3

Cdcmpidag, bvrokvdvnga, nolukkolok ainc amin gvnc tani: anggoko la:lentok, Yalodc:lang kinnam agomdc aipakpc kinncko, sc:kom ngolu sc gerpcnam agerscm togclvgla:ycji.

ROMANKVDVNG 13:13

Kajc ngolu avyc pva:lokkcmpc ilang-gvlai, apo: tv:ladola: tvngvrsunc ajon jongo:ma:pc, amikc mimc langgo:la odokkc ka:bomc:bogo:ma:pc, pamvnsugo:ma:pc odokkc ncka:mvnsuma:pc.

ROMANKVDVNG 13:3

Kapila:nc migom donckvdv:dc aipc du:nc dagnc kvdv:dokkcpc pcsopcnammang, cmpige:la aima:nc kvdv:do:pc. No pcsonamko kama:ycnci sc:kobv ilang-gvlang kancpc ila du:ji? Cmpcmvlo okodc aidagji cdcm itoka, odokkc no bvk aidag cmna tolvgnammcm pa:ycpc,

ROMANKVDVNG 14:18

sc:kobv cdcmpc Kristokc agercm gerdoji Ru:ncpvnckc torvgsupcnammc odokkc tani:kvdv:dc aidag cmna tolvgdag.

ROMANKVDVNG 2:29

Bv Jiwuyc sc:kobv arang arangbokkcji, odokkc aroru:pc gadpuknamdc asin ara:bok agomcmvn, yalodokkc odokkc lukam lukamardcmpcmang. Bvk lubondc tani:kvdv:dokkcmang cmpige:la Ru:ncpvnckolokkc.

1 KORINTIANG KVDVNG 4:5

Cdcmpidag ayirdok po:pcbong kcba:ba:namcm, Ru:tumbv gvkuma:dapc lulenyoka, sc:kobv su:pak kcmolo lc:nam attarkvdv:dcm pva:lo:pc la:lenycji odokkc asinlok mc:nam sagnam kvdv:dcm lenabmoyckuji. Odo appvng tani:yc Ru:ncpvnckolokkcm aipai cmnam pa:suycku.

2 KORINTIANGKVDVNG 13:7

Cmpige:la ngolu Ru:ncpvncmc kumdojc nolu germurcm germa:ycpc cmna–ngolu jc ankang kangkvdcm rvgsuycpc cmna:mang, cmpige:la nolujen okodc aidagji cdcm iycpc, ngolum ilang-gvla:ma:dopc ka:daggom.

2 KORINTIANGKVDVNG 6:8

mcnggcnamlo odokkc mcnggcma:namlo, ainc cmna lunamlo odokkc lume: cmna lunamlo. Ngolum yadgo:ncpc ludag-gvdag, odokkc ckvdaggom arro;

2 KORINTIANGKVDVNG 8:18

Bvk lcdulo bvrodcm mclvgdung ngolu sc:kobv tadponc lutaddcm appvng mondoli:lo lutadbiddom amin gvnncji;

2 KORINTIANGKVDVNG 8:21

Kapila:nc ngolu ka:mila okodc mcnggcnammcji cdcm ka:la gvdo Ru:tumkc ka:po:mang cmpige:la tani:kvdv:dok kangkolo:sin.

GALATIANG KVDVNG 5:22

Cmpige:la Yalodok apva:yckvdv:dc aipc mc:namc, mcnganc, mentumsula du:namc, ayangabonammc,

IPESIANG KVDVNG 4:25

Cdcmpidag, lume:agomcm mcge:la, kajc appvngc kumrvko:rcm aro-agomcm lulai, kapila:nc ngolu akonc akonlok adinamvrc.

IPESIANG KVDVNG 5:9

pva:dok ommangcmpc lambc gvtok (kapcnc pva:dok a:ycdcm appvng ainamlo odokkc dormokanamlo odokkc arolo pa:do,)

IPESIANG KVDVNG 6:14

Dagrobtok cdcmpidag, noluk vgvngkvdv:dcm arokokki yc:rcgsutok gcnamdcm gcge:la,

PILIPIANG KVDVNG 3:1

Adtcroso, ngok bvrokvdvnga, Ru:tumkolo mc:potoka. C:mo:pinc agomdcm nolukkolo:pc jvgpc ngokkcpc jvgkvn-jvgmvnpc imang, odokkc ngokkcpc pcsopcnam kamang.

KOLOSIANG 4:5

Mo:rongolok tani:kvdv:dcm nolu kinnc-pa:ncpc ila ila:sa:langka, appvng ayirkvdv:do aiyo:pc.

1 TISSALONIANG 4:12

odomvlo jen nolu mo:rongolok du:nckvdv:dcm lulvgla:ycpc, odokkc sckkolo:sin dagrasuma:ycpc.

1 TIMOTI: 2:2

Kapcnc migomkvdv:dc odokkc appv:dc sc:kobulu bottcnnc ager gerkolo du:nc, jc ngolu ansv:nc odokkc mcngannc turnamcm turdopc, dormokanc odokkc mcnggcnammc appvng lambclo.

1 TIMOTI: 3:11

Nc:ngkvdv:dc cdcmv:pc kvnggv:pc asinc mc:dappa:ru:yc, lume:pc lujvggo:ncmang, cmpige:la ru:la dolang, appvng atv agerlo.

1 TIMOTI: 3:4

Bvk avkc okumcra:dcm aipc ka:sv-mosvla:ru:pa:ycpc, bvk awo-ommang kvdv:dcm appvng agerlo taddopc odopc mcnga:dopc;

1 TIMOTI: 4:12

Nok ya:me sv:sangcm sc:komsin lupak-luyakkosuyok, cmpige:la mc:jvgnc kvdv:dcm agom lunamko odokkc du:nam-dagnamlok kanggotpc imotoka, aipc mc:namlo, mc:jvglo, angunno.

1 TIMOTI: 5:10

odokkc bv ainc ager lcgangc aipc aidag cmna lunampc ipc lagiyc, kapc akonc ommangcm usa:basa:toji, mibo-bonamcm lcngkantoji, aipc kumnc tani:kvdv:dok allcm vrbitoji, odokkc appvng agerlo aincm ipc avdc tolvgsutoji.

1 TIMOTI: 5:2

abv:ya:nc nc:ngcm anncmpcbulu, ame:ya:nc nc:ngcm bvrmangcmpc, appvng napvnarcngki.

TITUS 1:8

cmpige:la mibobolv:nc, arrom aipc mc:namc, bvk avyc avkc ru:tumpc isula, lc:si-lc:romkama:pc, angunnc, odokkc avycm mentumsula du:la:ncpc;

TITUS 2:14

sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.

TITUS 2:2

Abv:ya:nc tani:kvdv:dcm mc:jupmcngkapdopc lulvglangka, mcnga:lang, mcngcsagcla, mc:jvglo aiyo:pc mcnga:la, aipc mc:la, odokkc kvnggv:la du:namlo.

TITUS 2:7

Avyc lcngkansutoka appvng agerlo ainc ager gernc akoncmpc ila, odokkc nok poyirkolo angu anguma:namcm lcngkanna, kvnggv:namcm,

TITUS 3:14

Odokkc ngoluk tani:kvdv:dcm bulu avkvdv:dcm ainc ager gernamdo gerdopc dungkaisumolang, mcna:pc manam atvlo idum gvdumsunam pa:dopc, odokkc arc kama:dopc ima:dopc.

HIBRIUKVDVNG 11:2

Kapcnc odokki leke-to:dvkc tani:kvdv:dc jodi taycngtokkcm aiycpc cmna tolvgcm pa:to.

HIBRIUKVDVNG 13:18

Ngoluk lcgangc kumbitei; kapcnc ngolu kinsudag jc ngolukkc aiyo:pc mcngcsaggc dung, mcngc kadopc gerpc mc:namc appvng agerlo dung.

JAKOB 1:27

Ru:ncpvnckc odokkc Abudok kcra:lo narc:nc odokkc imur siyarma:nc dormodc sc: anc abu kama:nckvdv:dcm buluk du:g gvddom kangkapc gvnamc odokkc tumbonc:ng kvdv:dcm buluk du:ggvddom, odokkc rcngamsokkc akonc narc:pc:sc:pc du:sunamdc.

JAKOB 3:17

Cmpige:la tayc:tokkc gvinc kinnam agomdo lenpo:danna narcngtong cmdag, odokkc mcnganbola:dag, mc:jubmcngkabdag, lugab agom lcgangc tadmvnsudag, mc:yinsunamc bi:danna odokkc ainc apva:ycbulu du:dag. Mc:momc:ya kama:ncpc ila cdcmanggom mc:jupmcngkap kama:ncpc ima:pc.

1 PITOR 1:22

Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.

1 PITOR 2:12

Ru:ncpvncmc kinma:nc tani: kvdv:dok dungkodo aipc ila:sa:langka, odomvlo jen bulu noluk birudi:pc aima:nc ager gernckopc ludaggom, bulu noluk ainc agerkvdv:dcm ka:ycpc odokkc Ru:ncpvncmc amin gvmoycpc cdc palvg lvgdoku longcdo.

1 PITOR 4:8

Appv:dcmyam akoncm akonc aipc mc:namdcm mcngasuma:pc mc:lv:lang, aipc mc:namdc bojcrung pa:bcmsin kupkomdag.

2 PITOR 3:1

Sc su:pak lcdukc borkon do:jvgc nolukkolo:pc ngok adnamc, aipc mc:bomsunam kvdvnga, odokkc ngo noluk mc:jubmcngkabnc asindcmbulum mc:sa:lvgto odo anyido mc:pa:monam kokki;

1 JO:N 3:18

Ameo:nc ommang kvdvnga, kajc ngolu gompir gomugongcba: agom lunamongki aipc mc:yoka cmpige:la agerkokki odokkc arokokkisin.

1 JO:N 3:3

Odokkc appvngc sc:kobulu cdcmpc mc:tinna du:doji Bvkkolo avyc Bv narc:modag Bv kapc narc:dagji.

1 JO:N 4:1

Aipc mc:bomsunam kvdvnga, appvng yallom mc:jvgyok, cmpige:la yalokvdv:dcm anka:la ka:langka Ru:ncpvnckcji: bvkkcma:ji; kapcnc bojcrung lume:pc lungor-lunnc mo:pvsc gvlenamka:bong.