PILIPIANG KVDVNG 4:6 - ANU LUGOD N. T. (BSI)

⁶ Ru:tumbv pvnga:du:bong. Atv lcgangc mcngkesula siyoka, cmpige:la appvng lcgangc kumnamkokki aipai bila: bila: noluk turcnamdcm Ru:ncpvnckolopc lutoka.

PILIPIANG KVDVNG 4:6 ပူးပေါင်းရင်းမြစ်များ

METIU 10:19

Cdvlo bulu nolum togc:ycnc, kapc nolu agom lupcnammcnc cdcmanggom okkom nolu lupcnammcnc odok lcgangc mc:dvryok, kapila:nc okodcm nolu lupcnammcnc cdcm nolum odo ayirdo biyc.

METIU 13:22

Ta:ng alcgdok pidnamdok agomdc, cdc bv sc:ko agomdcm taddagnc ckvdaggom mo:pvsok agomcm mc:la odokkc mircmcm mc:bola agom dcm ncrkela, odokkc cdc a:yc e:ma:namdcm lcngkandag.

METIU 6:34

“Cdcmpidag yamporomkc lcgangc mc:dvryoka, kapila:nc yampodc avkcpc yampo mc:suycpc. Longcdok mc:dvrdcm longcdokkcpc pv:motoka.

METIU 6:8

Bulukkcmpc iyoka, kapila:nc noluk Abudc noluk koma:dapc okkom nolu madagnc kindag.

LU:KKC 10:41

Cmpige:la Ru:tumbv bvm lubito, “Martanga, Martanga, no bojcrung atv lcgangc mc:dvrdung.

LU:KKC 12:22

Odokkc Bvk agom tadjvgla gvmvnnc kvdv:dcm luto, “Cdcmpidag ngo nolum lubidung, noluk turra du:namkvdv:dok lcgangc mcngkesula siyoka, nolu okkom doyya:ncm, cdcmaggom noluk amvrkvdv:dok lcgangc okkom gcycncm cmna.

LU:KKC 12:29

“Odokkc okkom nolu doiya:ncm odokkc okkom tv:yan cmna mayoka, cdcmanggom asinc mc:dvr-mc:so:yoka.

LU:KKC 18:1

Odokkc Bv bulum kvkanbinam do:yvngko kvbito, bulujen lo:dvscm kumdopc odokkc asinc adji:pc mc:suma:ycpc cmna.

LU:KKC 18:7

Odokkc Ru:ncpvncbv Bvk malennam kvdv:dcm, sc:kobulu Bvm longc-yumcpc kumna gognc kvdv:dcm motuma:yclang? Bv buluk lcgangc bojcpakko toya:la du:ma:yclang?

1 KORINTIANG KVDVNG 7:21

No pagboka:nci cdvlo nom gogkaji? Cdvlosin Mc:yoika cmpige:la nok mopvdcm pa:tomvlo, cdc pa:namdcmmv:pc no du:toka.

1 KORINTIANG KVDVNG 7:32

Ngo nolum mc:dvr mc:so:lokkc mc:satsutoka cmna mc:dag. Midangcm moma:nc tani:dc Ru:tumkc ager lcgangc mcngkesula gerdag, Ru:tummc kapc mc:lvgsumopcikc cmna;

2 KORINTIANGKVDVNG 1:11

Nolusin ngoluk kumna kumdumsupa:ru:yc, odomvlojen bojcrung kumnamdok akirba:dcm bila kumnamcm arc pangga:lok ngoluk lcgangc bojcrung aipai biyc.

IPESIANG KVDVNG 5:20

lo:dvscm odokkc appvng lcgangc ngoluk Ru:tum Jisu Kristokc aminno Ru:ncpvnc Abumc aipai bila.

IPESIANG KVDVNG 6:18

Yalodo appvng ayirlo kumlangka, appvng kumnamclang kumrcnamkokki. Cdc appv:do mentumsula du:namkokki ansuka:sula du:langka, aipc kumnc tani:kvdv:dok appvngkc lcgangc kumrcla kumna,

KOLOSIANG 3:15

Odokkc Kristokc mcngandc noluk asinkvdv:dcm ka:sv:bommotoka, okodo:pc nolum aropakpc gogtoji amvrakkongkolo:pc.

KOLOSIANG 3:17

Odokkc oko okodcmci nolu idonc, agomki cdcmanggom agerlo, appvngcm Ru:tum Jisukc aminno ilangka, Ru:ncpvnckc Abudcm Bvkkokki aipai bila.

KOLOSIANG 4:2

Mcmangke:ke:pc kumtvla du:langka, aipai binamdcm bitvla;

1 TIMOTI: 2:1

Appv:lok adangarpo:pc, cdcmpila, ngo lulvgdung jc kumna lunamkvdv:dcm, kumnamcmbulu, amikc lcgangc kumnamcm, odokkc aipai binamcmbulu appvng tani:ycm bilangka,

1 TIMOTI: 5:5

Sc:kobv aroru:pc tumbonc:ngcji, odokkc atcro:pc lc:paktonc, bvk mc:tincm Ru:ncpvnckolo mc:tintobong odokkc kumna konamno odokkc kumnam kvdv:dcm longc yumcpc itvdag;

1 PITOR 4:7

Appvng attarlok du:tcrdc pvnga:dandu:bong; cdcmpidag noluk kumnam lcgangc mcngkintvla odokkc mc:jupmcngkapla du:langka.

1 PITOR 5:7

Bvkkolo noluk mcng kvnmc:mvn appv:dcm togc:lvgtoka, kapcnc Bv nolum kasv:mosv:dag.