PILIPIANG KVDVNG 4:19 - ANU LUGOD N. T. (BSI)

¹⁹ Odokkc ngok Ru:ncpvncbv noluk manam appvngcm biycpc Kristo Jisukolo mitcmircmkvdv:dcmpc amin gvla.

PILIPIANG KVDVNG 4:19 ပူးပေါင်းရင်းမြစ်များ

1 PITOR 5:10

Odokkc nolu adjio:ko ipusire:ycm pangge:la, appvng ayanglok Ru:ncpvncbv, sc:kobv nolum cdc Kristokc lo:dv longkvpc amin gvnamdo:pc gogtonc, Bv avdc mopvtyc, mogabyc, odokkc nolum kvnggv:moyc.

1 TIMOTI: 6:17

Cdc mircmnckvdv:dokkcpc sc mo:pvso, bulum bottcpc lubonsudopc luma:dopc lujcmtoka, cdcmanggom buluk mc:tindcm oddar cmnamma:nc mitcmircmma:lo mc:ma:pc cmpige:la Ru:ncpvnckolo sc:kobv mitcmircmru:pc ngolum appvngkokki du:podagpodopc moru:lvgtagnc.

KOLOSIANG 1:27

Bulum Ru:ncpvncbv kinmopc bala la:to cddvko Ru:ncmc kinma:nc tani:kvdv:dok ara:do cddvko Bvk mcngapla:ma:nam amin gvnamkvdv:dc bottadagji, okodc Kristobv noluk ara:do du:ji, amin gvnamdok mc:tindc.

IPESIANG KVDVNG 3:16

jen Bvk mitc-mircmdok amin gvnamdcmpc Bv:jen nolum tornamki kvnggv:modopc Bvk Yalodokki asin arangkc amibo,

KOLOSIANG 3:16

Odokkc aipai bisuncpc itoka. Kristokc agomdc nolukkolo mitcmircmpc dungka:langka, akoncm akonc poyirra odokkc lusv:la, appvng taycngamong kinnamki, odokkc ni:tomcmna: kumnam ni:tomcm odokkc yalosok ni:tomkvdvngc Ru:ncpvnckolo:pc noluk asinkvdv:do aipai bipc bila.

ROMANKVDVNG 8:18

Ngo avyc mc:sudo jc sc siyumsv:rokc ipusire: pa:namkvdv:sc ngolukkolo lcngkanpcnam amin gvnamdcm luyv:supc arc kamang.

IPESIANG KVDVNG 1:7

Bvkkolo ngolukkc arc bila rcpvtnammc Bvk i:dokki dung, ngoluk imurgvmurkvdv:dok lcgangc mc:yinsunamc,

2 KORINTIANGKVDVNG 4:17

Kapila:nc sc adji:oko vgcmpc ipusire: pa:namsc ngolum cdvlosin yogma:nc bottcru:nc amin gvnclo:pc mosv:dung okkomsin luyv:sunam kama:pc.

ROMANKVDVNG 9:23

Bvk amin gvnamdok mircmdcm lcngkanpc ayangabodok lcgangdcm, okodcm bv po:pcbong amingvnam lcgangc mosv:toji, ngolumci sc:kom Bv gogtoji,

IPESIANG KVDVNG 3:8

Ngokkcpc, aipc kumnc tani: appv: dokkcmyam adji:ya:nc-daggom, sc aya:scm bitungai Angu tani:kvdv:dcm Kristokc mala malenna:ma:nam mitc-mircm kvdv:dcm lubidopc,

IPESIANG KVDVNG 1:18

Noluk asinkvdv:do amikkvdv:dcm pva:dopc ila, jc nolujen kinycpc okodo mc:tindc:ji okolopc nolum gogtoji, aipc kumnc tani:kvdv:do oko okokvdv:dc Bvk amin gvnc mitc--mircm pa:mvnkupcnam kvdv:dc:ji,

IPESIANG KVDVNG 2:7

jc a:pcnc dv:tak ayirkvdv:do Bv kvngapla:ma:nam Bvk aya:dok mitcmircm kvdv:dcm ngolum Kristo Jisukolo asin aipc mc:namki lcngkanycpc cmna.

ROMANKVDVNG 2:4

Cdcmanggom no mc:ya-mc:sala mcngka:la ka:donci Bvk cddvkojc ayang-abodcm odokkc mentumsula du:namdcm? No kinma:nci jc Ru:ncpvnckc ayang-abodc nom asin mc:dvrra mc:latsudokupc mc:modag cmna?

ROMANKVDVNG 11:33

O mircmdok o:rv:dc odokkc agom kinnamdc odokkc Ru:ncpvnckc kinnampa:namdc cddvkojc o:rv:dagnc! Kapc jc Bvk kcba:ba:namdc mala mapa:ma:namcnc odokkc kapcjc mcngkinma:namcnc Bvk lambckvdv:dc!

1 PITOR 5:1

Cdcmpila ngo noluk ara:dok abv:nc kvdv:dcm abv:nckoncmpc lusvngcm ludo, odokkc Kristokc ipusire:ycm pa:mvnnamdok lukanbincpc ila cdc amin gvkupcnc lendoku longcdok pa:tc:mvnncpcsin ila.

1 TISSALONIANG 2:12

ngoluk appvngcm asincm pvtadopc lusv:toji odokkc nolum lugaplvkkaji Ru:ncpvnckc arckadopc turnamko turdopc, sc:kobv nolum Bvk avkc migom dokodo:pc gogdagji odokkc amin gvnamdo:pc.

ROMANKVDVNG 1:8

Adsa:danna, ngo noluk appvngkc lcgangc Jisu Kristokokki Ru:ncpvncmc aipai bidung, Kapila:nc noluk mc:jvgnamdcm mo:pv appv:lo lugongambito.

JO:N 20:27

Odo Bv Tomamc luto, “Nok lakke:dcm suda:toka, odokkc ngok alagcm ka:toka; odokkc nok lakke:dcm sadlentokuka, odokkc nok alakdcm ngok angketsok pika:tok; mc:jvg kama:ncpc iyoka, cmpige:la mc:jvgtoka.”

JO:N 20:17

Jisubv bvm luto, “ngom gagkvyok, kapila:nc su:paksin ngo Abukoto:pc pv:sangkuma:da; cmpige:la ngok bvrrang kvdvngolo:pc gvkangkuk odokkc bulum lulangka, ngo Abukoto:pc dc:sang dungkubong odokkc noluk Abukodo, ngok Ru:nc sa:nclang noluk Ru:ncsa:nc koto:pc.”

PILEMON 1:4

Ngok Ru:ncpvncmc lo:dcm kumdodo cdvlo mc:pa:doji ngo nom aipai bido,

2 KORINTIANGKVDVNG 12:21

Ngo pcsopc mc:dag jc ngo cdvlo lckoda gvycnc ngok Ru:ncpvncbv noluk kcra:lo ngom asincm ansv:moycpc, odokkc ngo cdc bojcrungko sc:kobulu po:pc pa:bcm ikanc odokbuluk lcgangc mc:dvrra kappa:ycpc odokkc narc:ma:nam lcgangc asinc mc:dvrra mc:lattokuma:ji, aisi:ma:nc ager gernam kvdv:dok lcgangc, odokkc nc:ng ka:bogo:namc okodcm bulu idaggvdagji.

METIU 6:32

Kapila:nc Angu tani:kvdv:dc cdc appv:dcm madag; odokkc noluk taycng amongkc Abubv kindag nolum cdc appv:dcmci madag cmna.

PILIPIANG KVDVNG 4:7

Odokkc Ru:ncpvnckc mcngandc, okodc appvng mcngkinammcm gvkurra gvdagnc, noluk asincmnang noluk mc:namcm Kristo Jisukolo lc:ycpc.