PILIPIANG KVDVNG 4:1 - ANU LUGOD N. T. (BSI)

¹ Cdcmpidag, ngok bvrokvdvnga, sc:kobulum ngo aipc mc:donc odokkc asinang ola du:nc, ngok mc:pobadnamc odokkc migom dumlubc, Ru:tumkolo kvnggv:pc ngok mc:bomsunamkvdvnga dagtoka.

PILIPIANG KVDVNG 4:1 ပူးပေါင်းရင်းမြစ်များ

PILIPIANG KVDVNG 1:27

Ngoluk turnamlok inamsa:nam kvdvngo:dcm Kristokc tadponc lutaddok arckamotoka, odomvlojen ngo gvla ka:do cdcmanggom du:manggom, ngo noluk agomcm tadbegycpc jc nolu yaloakko:lo kvnggv:la dagdo, asin akkongki tadponc lutaddok mc:jvgdok lcgangc atakkolo:pc,

1 KORINTIANG KVDVNG 16:13

Ansula du:langka, noluk mc:jvgnamno kvnggv:pc du:la daglangka, asin pvtalangka, torlangka.

PILIPIANG KVDVNG 2:16

Odomvlo jen Kristokc longcdo ngo cmmumpc du:g gvtomang cdcmanggom cmmumpc agercm gertomang.

1 KORINTIANG KVDVNG 15:58

Cdcmpidag, aipc mc:bomsunam bvrrang kvdvnga, mcmang ke:ke:pc du:tok, cngunma:pc, lo:dvscm Ru:tumkc agerlo gertvla, kinnang kinna jc Ru:tumkolo noluk ager gernamdc cmmumpc gvma:yc.

PILIPIANG KVDVNG 1:8

Kapcnc Ru:ncpvncbv ngok lukanbinnc, kapc ngo noluk appvngkc lcgangc aipc mcngkesula sitoji Kristo Jisukc aipc mc:namki.

HIBRIUKVDVNG 10:23

Kajc ngoluk mc:tinnamdok pesunamdcm gagtvla du:lai olototo:pc bcngo:ma:pc, kapcnc sc:kobv pesutoji mc:jvg jvrvgdag;

ROMANKVDVNG 2:7

ainc agercm mentumsula du:namki gerla amingvnamcm odokkc mcnggcnammcm odokkc sima:pc du:namcm manckvdv:dcm, Bv turyarla turnamcm biyc;

JO:N 8:31

Jisubv odo Jiwukvdv:dcm luto sc:kobulu mc:jvgtoji,

2 TIMOTI 2:1

No cmpcmvlo, ngok aowa, aya:do kvnggv:toka cdc Kristo Jisukolo du:ncdcm,

PILIPIANG KVDVNG 2:26

Kapcnc noluk appvngkc lcgangc bv asina:ngc ola dungai, odokkc mcdvrra dung kapila:nc cdcm tatto jc bv mola:manggai.

2 KORINTIANGKVDVNG 1:14

jc nolu ngolukokki bottapc mc:sula:ycpc ngolu kapc nolukkokki mc:la:dagji, Ru:tum Jisukc Longcdo.

AGER KVDVNG 11:23

Cdvlo bulu gvla Ru:ncpvnckc ayangcm ka:begtoji, bv mc:pokang; odokkc Ru:tummc mc:jvgla du:ncpc idopc luyircm luto lo:dvscm mc:la gvangkunamdcmpc du:dopc;

AGER KVDVNG 2:42

Odokkc bulu avkvdv:dc mclvgla ager germonam tani:kvdv:dok luyirnamlo:lang lckopc dungkolo, pitangcm penpansula dokolo odokkc kumkolo dunggabla du:mvnto.

2 PITOR 3:17

Nolu cdcmpidag, aipc mc:bomsunamkvdvnga, scm kinpo:suge:la, ansutoka ckvma:mvlo lujvgluro kama:nc tani:kvdv:dok imurki gvyotboyc odokkc noluk avkc du:namdagnamdcm yogmoyc.

HIBRIUKVDVNG 4:14

Cdcmpc inamc ngolukkc sc:kobv taycng amongkvdv:do bottcru:nc dormoager gernc du:la, Jisubv, Ru:ncpvnckc Awodc, kajc ngoluk lude:sunamdcm gagtvla du:lai.

HIBRIUKVDVNG 3:14

Kapcnc ngolu Kristokolo orsudo, jodi ngolu mc:tinar–po:namdcm du:tcrdo:pc mcnggabtvla du:mvlo,

2 TISSALONIANG 2:15

Cdcmpila odokkc, bvrokvdvnga, kvnggv:la du:toka odokkc itcng-gvtcngcm gagtvla du:toka okodcm ngolukkokki nolum luyirbitungaji, agomkokki cdcmanggom nappangkokki cdcmanggom do:jvgkokki.

KOLOSIANG 4:12

Ipapra:bv sc:kobv nolukkologvng akoncji, Kristo Jisukc pagbo akoncji, nolum kumtadsudag, lo:dv:scm airu:pc bvk kumkolo mc:pa:la, jc nolu kinncpa:ncpc du:ycpc odokkc Ru:ncpvnckc appvng mcnggodlo pv:namkopc arro cmna mc:la.

GALATIANG KVDVNG 5:1

Kapila:nc ami kcvglo du:ma:nam lcgangc Kristobv ngolum motuto; kvnggv:la du:toka cdcmpidag, odokkc pagbolok jungoli:lo tuogsuyoka.

AGER KVDVNG 14:22

agom tadjvgla gvmvnnc kvdv:dok yalokvdv:dcm kvnggv:mola, bulum mc:jvgnamlo du:tvdopc luyir luyirla, odokkc kvnggv:pc mc:namsagnamkipak ngolu Ru:ncpvnckc migom doko mo:pvdo:pc gva:rungkupcnammc cmna.

1 TISSALONIANG 3:13

odomvlo jc Bv noluk asinkvdv:dcm lujckko kama:dopc angunno ngoluk Ru:ncpvnckc odokkc Abukc kcra:lo, ngoluk Ru:tum Jisukc Bvk aipc kumnc tani: appv:dokkc gvdokudo.

METIU 10:22

Odokkc nolum ngok amin lcgangc tayumyc. Ckvdaggom sc:kobv du:tcrdo:pc du:jcmna du:ycnc bvm moturyc.