PILIPIANG KVDVNG 3:8 - ANU LUGOD N. T. (BSI)

⁸ Aropakpci appvngcm ngo yogkang cmnai kvdo ngok Kristo Jisu Ru:tummc kinnamdok appvngcmyam arckaya:namdok lcgangki. Bvk lcgangc du:gcm gvto, odokkc cdcmbulum yoppaknam attarc cmna kvtobong.

PILIPIANG KVDVNG 3:8 ပူးပေါင်းရင်းမြစ်များ

ROMANKVDVNG 8:18

Ngo avyc mc:sudo jc sc siyumsv:rokc ipusire: pa:namkvdv:sc ngolukkolo lcngkanpcnam amin gvnamdcm luyv:supc arc kamang.

AGER KVDVNG 20:24

Cmpige:la ngok turnamscm ngo atv arckanckopc kvsumang cdcmanggom ngokkcpc kvnggv:pc aincko cmna, ngo gerpcnamdcm gerra:mvloi odokkc Ru:tum Jisukolok pa:nam inam-sa:nam agerdcm, Ru:ncpvnckc ayang abodok tadpon lutaddcm lukanbipc.

PILIPIANG KVDVNG 3:7

Cmpige:la ngo oko okodcmci avpc pa:tonc, ngo Kristokc lcgangc yokkang cmna kvtobong.

JO:N 17:3

Odokkc cdcna turyarla turnamdc, jc bulu nom kindag nowong aro Ru:ncpvncdc cmna, odokkc Jisu Kristomc sc:kom no mclvgtagnc.

PILIPIANG KVDVNG 3:10

Jc ngo:jen Bvm kinycpc odokkc Bvk sikolokkc turkunamdcm, odokkc Bvk du:g gvnamdcm gvtc:mvnna:ycpc, Bvggvngkcmpc imvnpc Bv sikolo,

2 PITOR 1:3

Bvk taycng among ilang gvla:dc ngolum appvng attarcm bito cdc noluk turnamdok agom katc:nc odokkc ru:nckcmpc ainc agerkanamc, Bvk kinnam agomki sc:kobv ngolum gogtoji Bvk avkc amin gvnamdo:pc odokkc anguru:pc ainamlo:pc,

1 KORINTIANG KVDVNG 2:2

Kapila:nc nolukkolok Jisu Kristomc kurusdo pvtkenam agomdokma:mvlo okkomsin kinge:mang cmna mc:tckto.

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

JO:N 17:8

kapila:nc ngo bulum agomkvdv:dcm bitobong okodcm no ngom bitoji, odokkc bulu cdcmbulum torvgsutobong odokkc aropc kindag jc ngo nokkolokkc gvdung; odokkc bulu mc:jvgtobong jc no ngom mclvgtag.

JO:N 14:20

Odo longcdo nolu kinycpc ngo:jc ngok Abukolo du:dag cmna, odokkc nolu ngokkolo, odokkc ngo nolukkolo.

HIBRIUKVDVNG 3:14

Kapcnc ngolu Kristokolo orsudo, jodi ngolu mc:tinar–po:namdcm du:tcrdo:pc mcnggabtvla du:mvlo,

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

JO:N 14:7

No ngom kinya:mvlo, no ngok Abudcmsin kinya:pc; su:pakkolokkc nolu Bvm kindagbong odokkc Bvm ka:tobo:sin.”

IPESIANG KVDVNG 4:13

Ngolu mc:jvgdok lckko:pc du:namdcm pa:ma:sisscm odokkc Ru:ncpvnckc kinnam agomdcm, tani:pc inamdcm mc:jvsumopc, Kristokc pv:namdok owuddcm kvpc.

2 PITOR 3:18

Cmpige:la ngoluk Ru:tumkc odokkc Mopvtnc Jisu Kristokc ayangki odokkc kinnamki sv:sa:toka. Bvkkcpc su:paksin odokkc lo:dv-longkvpc amin gvka:langka! Amen.

1 JO:N 1:3

Jc ngolu okodcm ka:tonc odokkc tattonc ngolu nolum lutadbidu:sin, odomvlo jen ngolukkokki ajon jonsunammcm jonsuycpc; odokkc ngoluk ajon jonsunamdc Abudokki odokkc Bvk Awo Jisu Kristokokki.

2 TIMOTI 4:6

Kapcnc ngo palvgpcnampc idungcibong; mcla gvkunam ayirdc pvnga:du:bong.

JO:N 20:28

Tomabv Bvm lubito, “Ngok Ru:tumclang ngok Ru:ncpvnna!”

JO:N 16:3

Odokkc bulu cdcm iyc lcga:dc bulu Abudcm kintomang, cdcmanggom, ngomsin.

1 JO:N 2:19

Bulu ngolukkolokkc gvlenpakkang, cmpige:la bulu ngolukkcmangai; kapcnc bulu ngolukka:mvlo, bulu ngoluk lcdulo du:mvntvya:pc; cmpige:la bulu gvlenkang, jc cdc kinpoycpc cmna jc bulu ngolukkcmang.

1 PITOR 2:7

Nolukkcpc cdcmpidag sc:kobulu mc:jvgdagnc, Bv airu:pc arckannc, cmpige:la cdc sc:kobulu mc:jvgma:nc, “Cdc vlvngardcm okodcm okum monckvdv:dc aimang cmna mcpaktonc cdc sungkendok mosa:nancpc ikang,”

GALATIANG KVDVNG 1:16

Bvk Awodcm ngom lcngkannvngkang, cdcmpc ikang jc ngo jen Bvm Ru:ncmc kinma:nc tani:kvdv:dok ara:lo lutadbigo:ycpc cmna, ngo adin amvrkokki lumangai,

2 KORINTIANGKVDVNG 4:4

Buluk agomdo sc mo:pvsok uidc mc:jvgma:nckvdv:dok asinkvdv:dcm migluammoto, bulum amin gvnc Kristokc tadponc lutaddcm kamoge:mang cmna, sc:kobv Ru:ncpvncbv kapc idagji cdcmpc incdc.

1 KORINTIANG KVDVNG 9:10

Bv ngoluk appvngkc lcgangc luma:lang? Cdcm ngoluk–appvngkc lcgangc adtungai, lcga:dc a:l gvncdc mc:tinna a:lcm gvpcnammc odokkc a:m samncdc mc:tinna a:mdok samrcko asudko pa:pc cmna samdo.

JO:N 20:13

Bulu bvm luto, “Nc:nga, kapila no kabla du:n?” Bv bulum lubito, “Kapila:nc bulu ngok Ru:tummc bompakkangku, odokkc bulu okolo Bvm lc:toji ngo kinmang.”

LU:KKC 11:20

Ckvdaggom cdc ngo:jc uimcnpaknancdc Ru:ncpvnckolokkcycmvlo, odomvlo Ru:ncpvnckc migom doko mo:pvdc pvnga:du:bong.

LU:KKC 1:43

Odokkc kapila scmpc mclvgtagncm, ngok Ru:tumkc ancdc:jc ngokkoso:pc gvdu:nc?

ROMANKVDVNG 8:39

cdcmanggom ilanggvlangkvdv:dc, cdcmanggom bottcnc agerc, cdcmanggom taycngcba: kcvgc, cdcmanggom ru:namsok atv attarc, Kristo Jisu ngolu Ru:tumkokki Ru:ncpvncmc aipc mc:namdcm la:pansula:daglang.

PILIPIANG KVDVNG 1:1

Poullang Timoti:bv, Kristo Jisukc ager gerya:nc– Kristo Jisukolo du:nc aipc kumnc tani:kvdvng sc:kobulu Pilipi:do du:nc, paduri:kvdv:dokki odokkc dormo ager igur-gvgurnc kvdv:do:pc:

PILIPIANG KVDVNG 3:12

Ngo sc pa:tobong cmmang cdcmanggom ngo pv:namkopc aipakka:bong cmmang; cmpige:la ngo cdcm ngokkcpc imopc cmna itvla gvdo, kapila:nc Kristo Jisubv ngom Bvkkcpc imoto.

2 PITOR 1:2

Ayangclang mcnganc nolukkolo Ru:ncpvnckc kinnamlo odokkc Jisukc ngoluk Ru:tumkolo bojc bojcla gvka:langka.

2 PITOR 1:8

Kapcnc jodi sc atvkvdv:sc nolukkc odokkc pv:namkopc du:yc, cdcbulu nolum agom ka:boma:pc cdcmanggom a:yc e:ma:dopc ngoluk Ru:tum Jisu Kristokc kinnamlo lc:pakma:yc.