PILIPIANG KVDVNG 3:2 - ANU LUGOD N. T. (BSI)

² Iki:kvdv:dcm ansu-kasutoka, aima:nc ager gernckvdv:dcm ansula ka:toka, adin amvrdcm mopanmoransunc kvdv:dcm ansuka:sutoka.

PILIPIANG KVDVNG 3:2 ပူးပေါင်းရင်းမြစ်များ

METIU 24:10

Odokkc odo bojcrungc mcpagamyc, odokkc akoncm akonc miru alaglo tolvgmvnsuyc, odokkc, akoncm akonc tayummvnsuyc.

METIU 7:15

“Lume:ycm lungorla lunc tani:kvdv:dcm ansuka:sulangka, sc:kobulu nolukkolo:pc bera soben galugcm gcge:la gva:dagnc cmpige:la asin ara:bo gamke:nc ra:m iki:ycnc.

METIU 7:6

“Iki:kvdv:dcm okko angundagnc cdcm biyoka, odokkc e:g kcra:lo noluk mukuta: doksori:ycm cryilvgyoka, ckvma:mvulo bulu lctvkokki cdcm bulum sanggc:yc odokkc nolum gampc cmna duga:yc.

ROMANKVDVNG 2:28

Kapcnc bv ncrkvg Jiwumang sc:kobv ru:yidok Jiwuycji, cdcmanggom aropc gadpukmang ru:yidoklang amvr-amodok gadpuknamdc.

2 KORINTIANGKVDVNG 11:13

Kapila:nc cdcmpinc tani:kvdv:dc lume:pc lunc mclvgla ager germonamkvdvngc, yadgo:nc ager gernc, av avkvdv:dc Kristokc mclvgla ager germonammc cmna lc:sula lcngkansudag.

GALATIANG KVDVNG 5:13

Kapila:nc nolum motunam lcga:lo:pc gogtungai, bvrokvdvnga; noluk motunammcm adin amvr ipogvpo lcgangongc ina-sa:nayoka, cmpige:la aipc mc:namkokki akonc akonkc kcvgpc ager gerya:ncpc ilangka.

GALATIANG KVDVNG 5:15

Cmpige:la nolu akonc akoncm rckka:mvnsuyc odokkc metka:mvnsuyc ansulanka jc nolu akonc akonkokki mokemvnsumangka.

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

PILIPIANG KVDVNG 3:19

Buluk itcrsingapdc mopenmorenc, buluk Ru:ncpvncdc aki:dc, odokkc buluk anyi:pcnamdo bulu bottapc asincm mc:sudo, asinkvdv:dokki mo:pvsok attarkvdv:dcm mcnggo:bomdag.

PILIPIANG KVDVNG 3:3

Kapcnc ngolu aropc gadpuknamkvdv:dc, sc:kobulu yaloki Ru:ncpvncmc kumdoji, odokkc Kristo Jisukolo amin gvnncji, odokkc adin-amvrlo mc:tinsumang.

1 TIMOTI: 1:19

Mcngc-saggcm mcpakge:la, tani: akke buluk mc:jvgkvdv:dok siycng ollungcm jvngangammoto,

TITUS 1:16

Bulu Ru:ncpvncmc kindag cmna lukansudag, cmpige:la bulu bvm buluk agerkvdv:dokki lupaksudag; bulum kvnggv:pc tayumpcnamc, agom lukam tadma:nc, atv ainc agerlokkcpcsin aima:nc.

2 PITOR 2:22

Cdc bulukkcpc cdcmpc ikang cdc aro lukanna lunamdcmpc, iki:dc bvk avkc badlennamdcm tu:latsula dosudakku, odokkc e:gcm vrpu:namdcm bvm bukatlo yonbut-yonyatsumokupc vrnamc.

JU:D 1:4

Kapcnc akke lc:sula gva:nammcm avpc pa:tobong sc:ko bojcrungko po:pcbong cdc lukenamdcm lulvgtungaji, dormokama:nc amikvdv:dc sc:kobulu ngoluk Ru:ncpvnckc aya:pc mc:namdcm aima:pc luyotla lubidagji mc:bo-ka:bogo:namlo:pc odokkc ngoluk Gvgurbonclang Ru:tum, atcrongdcm Jisu Kristomc lupakla ludagji.

LUNGOR LUNAM 2:9

“Ngo kindag nok asinc mc:dvrra mcnggcsula du:namdcm odokkc nok opannammcm kindag (cmpige:la no mircmdag) odokkc lume:pc lugc:namdcm sc:kobulu ludagji jc bulu Jiwuyc odokkc cdcmpige:la Jiwumang, cmpige:la Satandok kumko okumcbulu.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”

LUNGOR LUNAM 22:15

Mo:rongkc kvdv:dc iki: kvdv:dc odokkc morunc kvdv:dc odokkc ami nc:ng lango:nckvdv:dc odokkc monam moimang kumgo:nc kvdv:dc, odokkc appv:dc sc:kobulu lume:lunamc ludagji odokkc aipc mc:dagji cdcbulu.

LUNGOR LUNAM 3:9

Ka:toka, ngo cdc kumko okumkvdv:dcm Satankcpc imoyc sc:kobv ludagji jc bulu Jiwu cmna lusudag cmpige:la Jiwumang, cmpige:la lume:ycm ludag–ka:toka, ngo bulum gva:moyc odokkc nok alc kcra:lo lcbvngcm tuma:moyc, odokkc kintoka jc ngo aipc mc:to.