PILIPIANG KVDVNG 3:19 - ANU LUGOD N. T. (BSI)

¹⁹ Buluk itcrsingapdc mopenmorenc, buluk Ru:ncpvncdc aki:dc, odokkc buluk anyi:pcnamdo bulu bottapc asincm mc:sudo, asinkvdv:dokki mo:pvsok attarkvdv:dcm mcnggo:bomdag.

PILIPIANG KVDVNG 3:19 ပူးပေါင်းရင်းမြစ်များ

ROMANKVDVNG 16:18

Kapila:nc cdcmpinc tani:yc ngoluk Ru:tum Kristokc agercm germang, cmpige:la buluk avkc aki: lcgangc, odokkc tadyumnc agomki odokkc lume:pc lubonna lunam agomki bulu mcngano:pc mc:nc tani:kvdv:dok asincm yaddag.

2 PITOR 2:3

Odokkc buluk dorv-donyoki bulu nolum lume:pc lunam agomki mu:rugyc; lekelokkcbong bulum kcba:ba:la mokekupcnam cmnamdcm cmmumpc imangai; odokkc buluk momvgmosvgnamdc kinma:pa:ma:pc ila du:mang.

KOLOSIANG 3:2

Noluk asinkvdv:dcm tayc:tok attarkvdv:do mcnga:toka, mo:pvso du:nc attarkvdv:do:mang.

2 PITOR 2:1

Cmpige:la lume:pc lungor lunckvdv:dc:sin tani:kvdv:dok ara:lo lenkang, kappar noluk ara:lo lume:pc luyir lunnc lenycnc, sc:kobulu kinmango:pc momvgmosvgpcnc dormokama:nc agomcm lua:biycji, cdcmo:mang Ru:tumdcmsin lupaksula sc:kobv bulum rctoji, buluk avkc ara:lo mcna:pc lomdanna momvnsunamcm.

2 KORINTIANGKVDVNG 11:15

Cdcmpidag Bvk avkc ager gerya:nc kvdv:dc:sin lc:sula lcngkansunamdc mcngapla:ma:nampc imang dormokanc ager gerya:ncpc lcngkansupc. Buluk ager gernamkvdv:do buluk du:tcrolo dungapyc.

2 KORINTIANGKVDVNG 11:12

Odokkc ngo okkom idonc ngo itvyc, sc:kobulu ngoluk ikamv:pc idagji buluuk bottapc lusunam mclvgla germonam agerdcm gerdodcm sc:kobulu lusudagaji cdcmbulum kcvg kcvgpc momvgpc cmna.

2 PITOR 2:13

Imurlokkc lcgangc imurcm pa:la. Bulu cdcm mc:ponammc cmna mc:dag longcdo birudi:pc ipc longgayirv:do. Bulu buluk ise-siyenamlo birudi:pc idag, mu:pakla narc:ma:pc imodag, nolukkolo tvngvrdowursula.

GALATIANG KVDVNG 6:13

Kapila:nc cdcmv:pci cdc sc:kobulu gadpukkosudagnc bulu avkvdv:dc lujvglurodcm lukam-dcmpc tadlv:mang, cmpige:la bulu nolumjc gadpukmolv:dag bulujen noluk adin-amvrro amin gvycpc cmna.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”

1 KORINTIANG KVDVNG 3:3

Kapila:nc nolu su:paksin adinamvrdokkc. Kapila:nc cdvloi ncka:mvnsunammclang pamvnsunamc nolukkolo du:ji nolu adin amvrdokkcma:lang, odokkc cmmum tani:ycmpc ima:sa:ma:lang?

LUNGOR LUNAM 22:15

Mo:rongkc kvdv:dc iki: kvdv:dc odokkc morunc kvdv:dc odokkc ami nc:ng lango:nckvdv:dc odokkc monam moimang kumgo:nc kvdv:dc, odokkc appv:dc sc:kobulu lume:lunamc ludagji odokkc aipc mc:dagji cdcbulu.

JU:D 1:16

Cdcbulu ngvr ngvrainc, mc:tv:suma:nc migom birudi:pc, buluk avkc mcngkam gvkampc incgvnnc, bottcpc nappangc bc:la lubonna lusunc, atv arcko pa:pc cmna tani:kvdv:dcm luyumlupola.

2 TIMOTI 3:4

aincm tayumnc, kvnggv:pc ammem aima:pc ager gernc, ansuka:suma:nc, bottcpc ngowong cmna mc:sula, du:po-dunganongcm aipc mc:nc Ru:ncpvncmc aipc mc:namdcmyam,

1 TIMOTI: 6:5

odokkc tani:kvdv:dok ara:do agomcm luker luyermvnsula sc:kobulu asinbo aisi:ma:pc idagji odokkc bojc longcko arolo du:ma:ji, mcngkvla ka:dagjc dormokala du:namdc atvko la:bpc pa:namc.

2 TISSALONIANG 2:12

odomvlo appv:dc aimang cmna lupakycpc sc:kobvi mc:jvgtoma:nc arodcm cmpige:la dormokamangkolo mc:pomcnganto.

PILIPIANG KVDVNG 2:21

Bulu appvngc avkc av mala aipc mc:namcm kanggo:dag, Jisu Kristokcmang.

1 KORINTIANG KVDVNG 5:6

Noluk bottapc lusu lusunamdc aimang. Nolu kinma:nci jc komirang adjio:dc alumpakdcm go:sa:modag cmna?

1 KORINTIANG KVDVNG 5:2

Odokkc nolu ngolluong cmna mc:sunc tani:yc! Nolu cdcmyam mc:dvrra kappc-ripcnammangalang? Sc:kobv cdcm itoji noluk ara:lokkcm la:pakmotok.

LUNGOR LUNAM 19:20

Odokkc cdc simvndcm ycnggapto, odokkc odok lcdulo cdc lume: lungor luncdcm sc:kobv odok kangkolo kanggod agercm gerkaji okodokki bv yattoji sc:kobulu simvndok tubjetdcm torvgsutoji odokkc cdc sc:kobulu odok monam moimangdcm kumdagji. Cdc anyidcm turpc turpc siycngcmpinc vmv-pa:ta:do cdc gondokki parnam vmvdo cryi:lvgto.

JAKOB 4:16

Cdc kapc idagji, nolu aisi:ma:nc agercm gerge:la ngo:na cmna mc:suge:la bottcpc mc:sudo. Cdcmpinc appv:dc aima:nc agerc.

2 TISSALONIANG 2:8

Odokkc Ru:tum Jisubv Bvm Bvk nappangki munnamkokki mokeyc odokkc bvm momvgyc Bvk lenkunamdokki odokkc Bvk gvkunamdokki.

LU:KKC 18:4

Bv asudowko lupaksuto; ckvdaggom lcdupc bv avdc avdcm lusuto, ‘Ngo Ru:ncpvncmc manggom tani:lok lukamdcmpc tadmang, ckvdaggom sc tumbo nc:sc ngom lutvga:lok,

LU:KKC 16:19

“Mircmnc tani:ko dungai, sc:kobv ba:yomcmpc genc odokkc kangkannc ria onnoki sumnam attarcm gcdagai odokkc sc:kobv lo:dvscm mc:po mc:popc kvnggv:pc dopo dowanncm dodungaji.

LU:KKC 12:19

Odokkc ngo ngok asinscm lusuyc, Asina, nokkc bojcrungko attarcm dv:tak bojcru:lokkcpc mckumsutobong; no du:mantoka, dotok, tv:tok, mc:pomcngantoka.’

METIU 25:41

“Odokkc Bvk lakkekc du:nckvdv:dcm Bv luyc, ‘Gc:ramkang ngokkolokkc, nolu pelvgnamkvdvnga, uidcm odokkc bvk lutad lunckvdv:dok lcga:pc romla lc:nam cdvlosin midma:nc vmvdo:pc;

METIU 16:23

Ckvdaggom Bv gvkutsuto odokkc Pitormc luto, “Ngok lamkupc gvkang, Satana! No ngokkcpc invgsikorncko; kapila:nc no Ru:nc pvnckcpc imang, cmpige:la tani:kvdv:dokkcpc idag.”

LUNGOR LUNAM 18:7

Bv kapc avdc amincm gvsumotonc odokkc miyc:pc igo:tonc, cdcmpila bvm turpc turpc joar kinam a:namcmpc a:moto odokkc mc:dvrra kabmoyc. Bvk asindo lula:yam: ‘Ngo Migom nc:ngkopc tedla:yam! Ngo tumbonc:mang, asinc mc:dvrra kabnamcm ngo cdvlosin ka:begma:yc!’

JU:D 1:4

Kapcnc akke lc:sula gva:nammcm avpc pa:tobong sc:ko bojcrungko po:pcbong cdc lukenamdcm lulvgtungaji, dormokama:nc amikvdv:dc sc:kobulu ngoluk Ru:ncpvnckc aya:pc mc:namdcm aima:pc luyotla lubidagji mc:bo-ka:bogo:namlo:pc odokkc ngoluk Gvgurbonclang Ru:tum, atcrongdcm Jisu Kristomc lupakla ludagji.

ROMANKVDVNG 6:21

Ckvdaggom odo okkom pa:la:daggakun odo su:pakkc oko agerkvdv:dcm nolu anyi:dagaji? Cdc ager kvdv:dok gertcrkvdv:dc sinamai.

2 TISSALONIANG 1:9

Bulu lo:dvlongkvpc singapkupcnam palvgdcm pakosuycku odokkc Bv ilang-gvla:namdok amin gvnamdokkc,

JU:D 1:10

Cmpige:la sc tani:kvdv:sc ge:dag aima:pc lugc gcdag okodcmci bulu mc:ngkinma:ji, odokkc cdc attardokki jc bulu kindag aginpc mcngkampc mc:nam gvnamki kapc okkomsin kinma:nc simvnkvdv:dc idagji, bulu mokkeyamkosudag.