PILIPIANG KVDVNG 3:10 - ANU LUGOD N. T. (BSI)

¹⁰ Jc ngo:jen Bvm kinycpc odokkc Bvk sikolokkc turkunamdcm, odokkc Bvk du:g gvnamdcm gvtc:mvnna:ycpc, Bvggvngkcmpc imvnpc Bv sikolo,

PILIPIANG KVDVNG 3:10 ပူးပေါင်းရင်းမြစ်များ

GALATIANG KVDVNG 2:20

Ngom Kristokokki kurusdo pvtketo; cdc ngo:ma:bong sc:kobv turdu:ji, cmpige:la Kristobv sc:ko ngokkolo turdu:ji; odokkc ngok adinamvrki turnamdc ngo su:pak Ru:ncpvnckc Awodo mc:jvgdo turdung, sc:kobv ngom aya:tonc odokkc Bv avdc ngok lcgangc bitoji.

ROMANKVDVNG 8:17

odokkc ommangcmvlo, odomvlo lcdupc pa:pcdopcnc, Ru:ncpvnckc lcdupc pa:pcdopcnc odokkc Kristokki ajonpc pa:pc dopcnc, Bvk lcdulo:dan ipusire:ycm pa:mvnpa:yc cdcmpc ipcnanammc jc ngolusin Bvk lcdulo amin gvmvndopc.

PILIPIANG KVDVNG 3:8

Aropakpci appvngcm ngo yogkang cmnai kvdo ngok Kristo Jisu Ru:tummc kinnamdok appvngcmyam arckaya:namdok lcgangki. Bvk lcgangc du:gcm gvto, odokkc cdcmbulum yoppaknam attarc cmna kvtobong.

1 JO:N 2:3

Odokkc sokkokki ngolu arorung mc:sula:ycpc jc ngolu Bvm kindag, jodi ngolu Bvk lulvgkvdv:dcm gagla du:yc.

KOLOSIANG 3:1

Cdcmpcmvlo nolum Kristokc turkolo turmotoku, taycng amo:to du:nc attarkvdv:dcm matoka, okolo Kristobv, Ru:ncpvnckc lagbvg alagpc du:ji.

KOLOSIANG 1:24

Su:pak ngok ipusire: pa:namlo ngo noluk lcgangc mc:pobadusudo, odokkc ngok adinno ngo Kristokc du:g gvnamdo okodc pv:ramdoji pv:modo Bvk amvrdok lcgangc,

2 KORINTIANGKVDVNG 1:5

Kapila:nc ngolu kapc pv:namkopc Kristokc ipusire:ycm ikosudonc, cdcmpila Kristokokki ngolu pv:sepv:yepc ni:namscmci pa:mvndo.

1 PITOR 1:3

Ngoluk Ru:tum Jisukc Abudc akirba:d pa:ncpc ika:langka! Bvkkc bottcru:nc aya:pc mc:namki ngolu anupc turkangku Jisu Kristokc sikolokkc lckoda turkunamdokki mc:tintvla du:tvnamdo:pc,

2 KORINTIANGKVDVNG 13:4

Kapila:nc Bv ilang gvla:ma:dodo kuruslo pvtketo, cmpige:la Ru:ncpvnckc tornamkokki turdag. Kapila:nc ngolu Bvkkolo rcmakdag, cmpige:la nolukkokki ido-sa:dodcm ngolu Bvkkoki turyc Ru:ncpvnckc tornamkokki.

1 JO:N 2:5

Cmpige:la sc:kobvi Bvk agomcm gagla du:ycji, bvkkolo aroru:pc Ru:ncpvnckc lcgangc aipc mc:namdcm pv:danmodag. Sokki ngolu jen aroru:pc kinyc jc ngolu Bvkkolo dung:

JO:N 17:3

Odokkc cdcna turyarla turnamdc, jc bulu nom kindag nowong aro Ru:ncpvncdc cmna, odokkc Jisu Kristomc sc:kom no mclvgtagnc.

ROMANKVDVNG 8:29

Kapila:nc cdc sc:kobulum Bvk po:pcbong kindagji Bv Bvk Awodok migomdcmpc imopc cmna:sin po:pcbong cmmo:pc ru:tag, cdcmpc idopc jc bv:jen bojcrung bvrokvdv:dok bv opongarnampc idopc.

LUNGOR LUNAM 1:18

Nngo sito, odokkc ka:toka ngo lo:dv longkvpc turra dung, odokkc ngokkc Turnamdokkc odokkc Sinam kekonbok sabi:kvdv:dc dung. 1

KOLOSIANG 2:13

Odokkc nolu, imur ager gernam odokkc noluk adinno gadpukma:namno sila dungaji, Ru:ncpvncbv Bvk lcdulo turmotoku, ngoluk appvng gvmurkvdv:dcm mc:yinsuge:la,

IPESIANG KVDVNG 4:13

Ngolu mc:jvgdok lckko:pc du:namdcm pa:ma:sisscm odokkc Ru:ncpvnckc kinnam agomdcm, tani:pc inamdcm mc:jvsumopc, Kristokc pv:namdok owuddcm kvpc.

2 KORINTIANGKVDVNG 1:10

Bv ngolum cdcmpc sipcnc pcsonamdokkc moturto, odokkc Bv ngolum moturyc; Bvkkolo ngoluk mc:tincm tolvgto jc Bv lckoda ngolum moturyc.

JO:N 10:18

Sc:kobvsin cdcm ngokkolokkcm la:mang, ckvdaggom ngo cdcm ngok mcngkampc tolvgdo. Ngokkc cdcm lc:nanc lc:lang-gvlangc dung, odokkc ngokkc cdcm langkunannc la:lang-gvlangc dung; cdc lulvgdcm ngok Abukolokkcm ngo pa:to.”

METIU 20:23

Bvm bulu luto, “Nolu ngok tv:nancdokki tv:yc, ckvdaggom ngok lagbvkpc odokkc ngok lakkepc tedmonamdcm ngok luscgla:nammang ckvdaggom cdc sck lcgang ngok Abubv mosv:la lc:tagnc odokbulukkc.”

ROMANKVDVNG 8:36

Cdcm adla lc:namdcmpc, “Nok lcga:pc ngolum longgcm longgcm mokenampc idung; ngolum pakenam bera sobenpc tolvgtag.”

GALATIANG KVDVNG 6:17

Cdcmpinamki sc:ko tani:ycsin ngom moki:moatyoka; kapila:nc ngok amvrso Jisukc mogodcm tubjedcm gcbomdag.

2 PITOR 1:13

Ngo cdcm mc:dag arodag, cddv longckoi ngo sc amvrso du:ycji, nolum darobmola nolum mc:pa:mola,