PILIPIANG KVDVNG 2:9 - ANU LUGOD N. T. (BSI)

⁹ Cdcmpidag Ru:ncpvncbv Bvm owudru:pc la:sa:to odokkc Bvm aminko bito okodc appvng amincmsinyam bottcya:nc.

PILIPIANG KVDVNG 2:9 ပူးပေါင်းရင်းမြစ်များ

METIU 11:27

“Appvng attcm ngok Ba:bukokki ngokkolo:pc bitag; odokkc sc:kosin Ba:budcm kinmang Awodc:ma:mvlo odokkc akoncm sc:kom Awodc bvm lcngkanpc cmna balenna bama:mvlo.

METIU 28:18

Odokkc Jisubv gva:la bulum luto, “Appvng ilang-gvlangcm taycngamo:to odokkc tani:amo:so ngom bitung.

LU:KKC 10:22

“Appvng attarcm ngom bitung ngok Ba:bukokki; odokkc Abudc:ma:mvlo sc:kosin Awodcm kinmang, cdcmpcmanggom Abudc sc:kosong Awodcma:mvlo odokkc sc:komci lcngkanlv:dagnc Awodc bvm lcngkan dag.”

JO:N 13:3

Jisubv, Abudc Bvk alagdo appvngcm bitung cmna kinna:yam, odokkc Bv:jc Ru:ncpvnckotokkc gvnnc odokkc Ru:ncpvnckoto:pc gvdagku cmna,

JO:N 17:11

Odokkc su:pak ngo mo:pvso kama:ycbong, cmpige:la bulu mo:pvso dung, odokkc ngo nokkodo:pc gvdokubong. Angunnc Abba, nok aminno bulum lc:toka, sc:kobulum ngom bitonc, bulujen akkongkopc iycpc, ngolug anyc akkongkopc inamcmpc.

JO:N 17:12

Ngo buluk lcdulo du:doscm, nok aminno ngo bulum lc:do, okodcm ngo nok aminno bitu:ji; ngo bulum ka:sv:bomto, odokkc bulukkolok akosin yogtomang cmpige:la aima:pc ila singapnc ommang kvdv:dc:ma:mvlo, jc astrong agomdc aropc iycpc cmna.

JO:N 17:5

odokkc su:pak, Abba, no ngom amincm gvmoteika nok ka:de:pc nok lcdulo du:mvndodcm oko amin gvbokanc cdcmpinc amincm mo:pvscm ru:ma:dapci gvnamdokki.

AGER KVDVNG 5:31

Ru:ncpvncbv Bvm Bvk lagbvg alak pa:rdo Gvgcboncpc du:motoku odokkc Moturncpc, Israel kvdv:dcm asincm mc:dvrra mc:latsumokupc cmna.

IPESIANG KVDVNG 1:10

appvngcm Bvkkolo lckomopc cmna, attarkvdv:dcm taycng amongtokkc kvdv:dcm odokkc mo:pvsokkc kvdv:dcm.

KOLOSIANG 1:18

Bv amvrdok mittukdc, mondoli:dokkc; Bv lenpo:dc, sikolokkc opongarnamdc, jc appvngloi Bv bottarya:ncpc iycpc.

2 TISSALONIANG 1:12

odomvlo jen nolukkolo ngoluk Ru:tum Jisukc amindcm gvmoycpc, odokkc nolu Bvkkolo, Ru:ncpvnckc ayangdcmpc odokkc Ru:tum Jisu Kristokc mcngkampc.

HIBRIUKVDVNG 1:4

Taycng among lutadlunc kvdv:dcm bottarya:ncpc ila Bv bulumyam aiya:ru:nammcm pa:to.

HIBRIUKVDVNG 1:9

No dormokanamcm aipc mc:to odokkc lujvglurokama:nammcm tayumto. Cdcmpidag Ru:ncpcpvncbv, nok Ru:ncpvncbv nom mc:pomcngannok tulangcm yonnvgto nok ajonkvdv:dcmyam bojcya:pc.”

HIBRIUKVDVNG 12:2

Jisukolo:pc ka:la ka:la, sc:kobv Bvk kcra:pc lc:nam mc:podok lcga:pc kurusdcm mentumsula mc:tapsuto, any:dcm mcge:la, odokkc Ru:ncpvnckc migom tedkodo lagbvgpc tedkang.

HIBRIUKVDVNG 2:9

Cmpige:la ngolu Jisumc ka:do, sc:kobv adjioko taycng lutad lunckvdv:dcm adjiya:motungai, amin gvnamclang mcnggcma:namkokki migom dumlubcm molvgto sinam du:g kostom gvnamkokki, odomvlo jen Ru:ncpvnckc ayangkokki bv appvngkc lcgangc sinamcm sikvycpc.

1 PITOR 3:22

Jisu Kristokc sikolokkc turkunammcmpc sc:kobv tayc:pc gvkangkuji odokkc taycng among lutad lunckvdv:dokki Ru:ncpvnckc lagbvk alakpc tedkang, ilang gvlangnc, odokkc tornamc Bvkkcpc ikang.

2 PITOR 1:17

Kapcnc cdvlo Bv mcnggcnammcmnang amingvnamcm Ru:ncpvnckolokkcm torvgsutonc odokkc gombugdcm Bvkkcpc bugbitonc cdc Migang ga:nc Amingvnamdokki. “Sc ngok aipc mc:bomsunam Awo, sckkolo ngo airu:pc mc:lvgsudonc,”

3 JO:N 1:7

Kapcnc bulu Bvk lcgangc gvrobka:bong odokkc lc:sula du:nckvdv:dokkcm okkomsin torvgsutoma:bong.

LUNGOR LUNAM 1:5

odokkc Jisu Kristokolokkc cdc mc:jvg jvrvgnc lukanbincdc, sinckvdv:dok opongarnamdc, odokkc mo:pvsok migomkvdv:dcm ka:sv:mosv:ncdc.

LUNGOR LUNAM 11:15

Odo kvnvd taycng among lutad luncdc bvk tu:lu:dcm mullvgto, odokkc taycngto bottcru:nc gomugcbulu bcngkang, scmpc lula, “Mo:pvsok migom doko amongkvdv:dc ngoluk Ru:tumkc odokkc Bvk Kristokc migom dokopc iyc, odokkc Bv lo:dv longkvpc migomcm doyc.”

LUNGOR LUNAM 19:16

Bvk migom gcnam rvbvdo odokkc bvk ki:ru:do bvkkc arrvgnammc aminc dung, Migomkvdv:lok migomc odokkc Ru:tum kvdv:lok ru:tumc.

LUNGOR LUNAM 3:21

Sc:kobv mopvdonc, ngo bvm ngok migom dungkodo du:mvndopc du:mvnmoyc, kapc ngo avycsin mopvtoji odokkc ngok Abudokki bvk migom dungkodo teddoji.

LUNGOR LUNAM 5:12

scmpc bottapakpc lula: lula: “Me:r soben Awodc arc kadag okodcm palvgtoji, ilang-gvlangcm odokkc kanamsv:namcm odokkc kinnamcm odokkc torpc ila:nammcm odokkc mcnggcnammc odokkc amin gvnamclang akirba:d pa:pcnammc!”