PILIPIANG KVDVNG 2:7 - ANU LUGOD N. T. (BSI)

⁷ Cmpige:la Bv avdc okkomsin kama:pc imoto, ager gerya:nclok amvrpc gcge:la, tani:kvdv:dcmpc okosuge:la.

PILIPIANG KVDVNG 2:7 ပူးပေါင်းရင်းမြစ်များ

2 KORINTIANGKVDVNG 8:9

Kapcnc nolu ngoluk Ru:tum Jisu Kristokc ayangcm kindag, jc Bv jodi mircmdagagom, ckvdaggom noluk lcgangc Bv opanncmpc ikang, odomvlo jen Bvk opandokki nolu jen mircmncpc iycpc.

METIU 20:28

Cdcmyam tani:kc Awodci ila:sa:la bikosukapcmang ikasangkapc gvto, odokkc Bvk turnamcm bojcrungcm rclatnakupc cmna bikapc gvka.”

JO:N 1:14

Odokkc Gomugdc adinpc ikang odokkc ngoluk ara:lo du:mvnto, ayang abbola: arro pv:namkopc, ngolu Bvk amin gvnamcm ka:to, Abukotokkc Awo atcrdc cmna ka:to.

ROMANKVDVNG 8:3

Kapila:nc Ru:ncpvncbv okodcm lujvglurodc, adin amvrdokki ilang gvlangma:mola gerla:toma:ji gerto: Bvk avkc Awodcm mclvgla pa:b inc adinamvrcmpc gcsumola odokkc pa:b lcga:pc, bv adin amvrdo pa:bcm aima:la mokepcnamc cmna luto,

GALATIANG KVDVNG 4:4

Cmpige:la cdvlo ayirdc pvngangka:nc, Ru:ncpvncbv Bvk Awodcm mclvgto, nc:ngc onamdcm, lujvglurodokkcm onamdc,

HIBRIUKVDVNG 4:15

Kapcnc ngolukkc dormo ager gerncko kamang sc:kobv ngoluk ilang-gvlang aya:sitapc mc:ma:pc ima:yc, cmpige:la sc:kobv appvng agerlo anka:la kangkvcm pa:tonc kapcji ngolu, ckvdaggom pa:b ima:pc.

ROMANKVDVNG 15:3

Kapila:nc Kristobv avdc avycm aipc mc:tv:sumomangai; cmpige:la, cdcm adla lc:namdcmpc, “nom aisi:ma:pc lugc:nc kvdv:dok lugcnamdc ngokkolo pa:to.”

HIBRIUKVDVNG 12:2

Jisukolo:pc ka:la ka:la, sc:kobv Bvk kcra:pc lc:nam mc:podok lcga:pc kurusdcm mentumsula mc:tapsuto, any:dcm mcge:la, odokkc Ru:ncpvnckc migom tedkodo lagbvgpc tedkang.

LU:KKC 22:27

Kapila:nc sc:kobv bottarya:ncdcn, tcbuldo tedncdc:yc, cdcmanggom ila:sa:la sc:kobv bincdc:yc? Cdc tcbuldo doncdc:ma:lang? Cmpige:la ngo noluk ara:lo ila:-sa:la binncmpc incko.

ROMANKVDVNG 15:8

Kapila:nc ngo nolum lubidung jc Kristobv ager gerya:ncpc ikang Ru:ncpvnckc aro ager gernamkvdv:dcm gadpuknamkvdv:dcm lcngkanpc lenpo:nc abukvdv:dcm binam kvdv:dcm,

PILIPIANG KVDVNG 2:6

Ru:ncpvnckcmpc Bv idaggomsin, Ru:ncpnckcmpc Bvkkvddvnc cmna kvtc:sutomaji.

METIU 12:18

“Ka:toka, ngok ager gerya:ncdcm sc:kom ngo malentonc, ngok aipc mc:bomsunamdcm sckkolo ngok yalosc aipc mc:lvgsudagnc. Ngo ngok yallom bvkkolo mca:lvgyc, odokkc bv Angutani: ope:kvdv:dcm arokcbangagomcm lutadbiyc.

HIBRIUKVDVNG 13:3

Mc:pa:langka cdc sc:kobulu makana:lo tumtu:ji, buluk lcdulo makana:lo tumnamvngcmpc; odokkc cdc sc:kobbulum aisi:ma:pc itag-gvtagji, kapc nolusin cdc amvr atcrdo du:la:yam.

ROMANKVDVNG 1:3

tadponc lutaddcm Bvk awodok agomcm, sc:kobv Dawidkolokkc lenka:ji adinamvrdcmpc;

MARKKC 9:12

Odokkc Bulum lubito, “Elija:bv gvpongarlangkula appvngcm lckoda mopvdakku; odokkc tani:kc Awodok agomcm kapc adla lc:tang, jc Bv bojcrungko ipusire:ycm pa:yc odokkc ipusire:ycm iyc?

2 KORINTIANGKVDVNG 13:4

Kapila:nc Bv ilang gvla:ma:dodo kuruslo pvtketo, cmpige:la Ru:ncpvnckc tornamkokki turdag. Kapila:nc ngolu Bvkkolo rcmakdag, cmpige:la nolukkokki ido-sa:dodcm ngolu Bvkkoki turyc Ru:ncpvnckc tornamkokki.