PILIPIANG KVDVNG 2:3 - ANU LUGOD N. T. (BSI)

³ Avkc lcgangc inam okkomsin iyoka cdcmanggom ngo:na cmna bottapc mc:sunammc, cmpige:la asinc ansv:pc mc:sula ammem mcnggcla noluk avkvdv:dcmyam tadya:lang.

PILIPIANG KVDVNG 2:3 ပူးပေါင်းရင်းမြစ်များ

ROMANKVDVNG 12:10

akoncm akonc bvrrangpc aipc mc:mvnsula; mcngcnanamcm mc:dom akoncm akonc mc:badlangka.

GALATIANG KVDVNG 5:26

Kajc ngolu asinc bottaya:pc mcsuyoka; akoncm akonc aglvng sa:moyoka, akoncm akonc ncka:mvnsuyoka.

IPESIANG KVDVNG 5:21

Akonc akonkc kcvgpc du:langka Kristokc lcgangc mcnggcnamkokki.

IPESIANG KVDVNG 4:2

appvng adji:sula du:namki odokkc asin ansv:la, mentumsunamki, aipc mc:la akoncm akonc mc:yinmvnsula,

1 PITOR 5:5

Cdcmv:pc nolu cdc ame:ya:nkvdv:dc abv:nckvdv:dok lukamcm tadtoka. Nolu avyc avycm attarpc gctoka, kapcnc, nolu appvngc asinc akonc akoncm ansv:la “Ru:ncpvncbv bottapc mc:sunckvdv:dcm motumdag, cmpige:la asinc agamnckvdv:dcm ayangcm bidag.”

PILIPIANG KVDVNG 2:14

Appvng agercm lukvnlumvnma:pc cdcmanggom agom tauma:pc gerlangka.

GALATIANG KVDVNG 5:15

Cmpige:la nolu akonc akoncm rckka:mvnsuyc odokkc metka:mvnsuyc ansulanka jc nolu akonc akonkokki mokemvnsumangka.

1 TIMOTI: 6:4

bv ngo:kc cmna bottcpc mc:bomsula mc:namki mc:bomsudag, bv okkomsin kinmang; bvkkc aima:nc kinamcmpc agom luker luyernamko dung, okodc ncka:mvnsunammcm lenmodagnc, pamvnsunamc, lume:pc lugc:lvgnam, mc:monam mc:sa:modagji,

LU:KKC 18:14

Ngo lubidung, sc amisc aidag cmna lunampc ila akondcmyam aiya:la gvkangku; kapila:nc sc:kobvi avyc bottapc lubonsuycnc bvm adji:moyc, cmpige:la sc:kobvi adji:ycnc bvm bottcmoyc.”

KOLOSIANG 3:8

Cmpige:la su:pak cdc appv:dcm yoppagamtoka: aglvng sa:namc, dungko-ycko kama:pc aglv:nammc, mc:nyi:mvnsunammc, lume:pc ammem lugc gcnam, odokkc ya:nc agom noluk nappangkvdv:dokki lunamc.

2 KORINTIANGKVDVNG 12:20

Kapila:nc ngo pcsopc mc:dag jc kapcji ila ngo okodcm mc:ma:ji cdcm nolum pa:ycpc, odokkc nolujen ngomjen pa:ycpc nolu okodcm mc:ma:ji; jc kapcji ila pamvnsunamc lenycpc, ka:lv:ma:namc, aglvngc avyongkcpc mc:namc, lume:pc aima:p lunamc, luman manna lunam agomc, ngo:na cmna lusunammc; odokkc u:jeru:yerra du:namc.

1 KORINTIANG KVDVNG 3:3

Kapila:nc nolu su:paksin adinamvrdokkc. Kapila:nc cdvloi ncka:mvnsunammclang pamvnsunamc nolukkolo du:ji nolu adin amvrdokkcma:lang, odokkc cmmum tani:ycmpc ima:sa:ma:lang?

1 KORINTIANG KVDVNG 15:9

Kapila:nc mclvgla ager germonam kvdv:dok adjiyarya:ncdc, mclvgla ager germonammc cmna lukanci-ma:namc. Kapila:nc ngo Ru:ncpvnckc mondoli:dcm mojog-morogto.

ROMANKVDVNG 13:13

Kajc ngolu avyc pva:lokkcmpc ilang-gvlai, apo: tv:ladola: tvngvrsunc ajon jongo:ma:pc, amikc mimc langgo:la odokkc ka:bomc:bogo:ma:pc, pamvnsugo:ma:pc odokkc ncka:mvnsuma:pc.

ROMANKVDVNG 2:8

cmpige:la cdc sc:kobulu birudi:dagnc odokkc arodcm lukamdcmpc tadma:nc, cmpige:la aima:nc agerdcm lukamdcmpc taddagnc, odo aglvngclang aglv:la ager gernamc lenyc.

KOLOSIANG 3:12

Cdcmpcmvlo gctoka, Ru:ncpvnckc balennam akoncmpc, angunncpc odokkc aipc mc:nampc, aya:sitapc mc:ncpc, ayangabopc mc:ncpc, ansv:nc asin gcnamc, rcmakpc asin gcnamc, odokkc mentumsula du:namc,

1 PITOR 3:8

Adtcrso, nolu appvngc, yalo atcrongkopc ilangka, aya:sitapc mc:mvnsunamlo, bvrokvdv:dcm aipc mc:namlo, rcmakpc asin gcnamlo odokkc asinc rcmago:la ila.