26 Kapcnc noluk appvngkc lcgangc bv asina:ngc ola dungai, odokkc mcdvrra dung kapila:nc cdcm tatto jc bv mola:manggai.
“Ngokkolo:pc gva:toka, appvngc sc:kobulu airu:pc mc:dvrra mc:tapsula du:nckvdvnga, odokkc ngo nolum mc:rasukkom biyc.
Odokkc Bvk lcdulo Pitormclang Jebidi:kc awo anyiko gvboge:la, Bv mc:dvrbomkang odokkc mc:pomcngan kama:pc ikang.
Odo Poulbv luto, “Nolu okkom idu:n, ngok asinscm kabla bedmodu:nci? Kapila:nc ngo makana:lo tumkosuppong cmnai mosv:sumang cmpige:la Ru:tum Jisukc amin lcgangc Jerusalemolo sipcsincimvn mosv:sutung.”
Kapila:nc ngo nolum ka:lv:la dung, jc ngo nolum yaloki pa:nam amanckkc bila:dopc nolum kvnggv:mopc, cdcna,
Sc:kobulu mc:po mcngandagnc buluk lcdulo mc:po mcnganmvnnangka, sc:kobulu kabdagji buluk lcdulo kablangka.
jc ngok asinbo kvnggv:pc mc:dvrdag odokkc gvngasuma:nam du:gcm gvnamki.
Adinamvr akonc rammvlo, appv:dc ramdag lckko:pc; akoncm mcnggcycmvlo, appv:dc lckko:pc mc:podag.
Cdvlo bulu nolum asinang odonc odokkc noluk lcgangc kumdonc Ru:ncpvnckc ammemyang abaya:pc nolum aya:namdokki.
Akonc akonkc jo:namcm jo:langka, odokkc cdcmpc Kristokc lujvglurodcm gvpvtlangka.
Cdcmpila ngo nolum ludung asinc mclvgma:pc ngo okkom noluk lcgangc ipusire:ycm pa:du:ji, okodc noluk amin gvnamcji.
Ngok nolum mc:pa:do appv:do ngo Ru:ncpvncmc aipai bido,
Kapcnc Ru:ncpvncbv ngok lukanbinnc, kapc ngo noluk appvngkc lcgangc aipc mcngkesula sitoji Kristo Jisukc aipc mc:namki.
Ngo mc:to nolukkolo:pc Ipaproditu:mc ngok bvrodcm, odokkc ager gerjondcm odokkc mimagmojondcm, odokkc noluk lutad lubincdc, odokkc ngok manamdcmpc migom agergerncdcm mclvgpc cdc aiycpc cmna.
Aroru:pci bv mola:manggai, sidandagaboi. Cmpige:la Ru:ncpvnckc ayang-abbo bvkkolo dungai, bvggongkolo:mang ngokkolo:sin; ckvma:mvlo ngom mc:dvr tayc:lok mc:dvrong pa:ya:pc.
Cdcmpidag, ngok bvrokvdvnga, sc:kobulum ngo aipc mc:donc odokkc asinang ola du:nc, ngok mc:pobadnamc odokkc migom dumlubc, Ru:tumkolo kvnggv:pc ngok mc:bomsunamkvdvnga dagtoka.
Cdcm nolu mc:pobadsudo, su:pak asudowongko adji:ong ayirdo nolu angu angu ipusire: pa:daggom,